This page has been proofread.
[᭘᭐ 80B]
᭘᭐
ᬦ᭄ᬢᭀᬲᬦᬾᬫᬦᭂᬫ᭄ᬧᬸᬃ᭞ᬯᬶᬱᬬᬦᬾᬰᬩ᭄ᬥᬭᬹᬧᬵ᭞ᬭᬱᬕᬡ᭄ᬥᬲ᭄ᬧᬃᬱᬫᬮᬶᬄ᭟ᬓᬲᭀᬃᬤᬾᬦᬶᬂᬯ᭄ᬭᬸᬳᬶᬂᬢᬢ᭄ᬯ᭞ᬳᬦᬫᬮᬶᬄᬫᬦᬳᬶᬂᬗᬢᬶᬳᬢᬶ᭞
ᬳᬶᬱ᭄ᬝᬲᬥ᭄ᬬᬧᬶᬦ᭄ᬭᬶᬄᬳᬶᬧᬸᬦ᭄᭞ᬢᬶᬢᬄᬯᬶᬥᬶᬗᬶᬮᬗᬂ᭞ᬬᬦ᭄ᬯᬶᬪᬯᬵ᭞ᬭᬢ᭄ᬦᬵᬯᬲ᭄ᬢ᭄ᬭᬵᬮᬦ᭄ᬲᬗᬹ᭞ᬳ᭄ᬮᬲ᭄ᬳᬮᬶᬲᬾᬗᬶᬮᬗᬂ᭞ᬫᬦᬄᬢᭀᬂᬳᬤᬗ᭄ᬭ
ᬓᬢᬶᬦ᭄᭟ᬳᬶᬓᬂᬢᬺᬱ᭄ᬡᬳᬲᬶᬄᬧᬸᬦᬶᬓᬵ᭞ᬳᬶᬮᬂᬤᬾᬦᬶᬂᬦᬶᬢᬶᬢᬢ᭄ᬯᬾᬓᬶ᭞ᬲᬰᬡᬦᬾᬰᬶᬃᬡ᭄ᬦᬍᬩᬸᬃ᭞ᬫᬦᬄᬳᬗᭂᬦ᭄ᬮᬦ᭄ᬤᬸᬄᬓᬵ᭞ᬦᭀᬭᬮ᭄ᬬ
ᬦ᭄ᬬᭀᬕᬦᬾᬗᬶᬘᬮᬂᬳᬶᬓᬸ᭞ᬬᬦ᭄ᬩᬶᬱᬫᬗᬺᬢ᭄ᬫᬦᬄ᭞ᬧᬡ᭄ᬥᬶᬢᬳᬭᬦᬶᬭᬾᬓᬶ᭟ᬫᬦᬳᬾᬓᬂᬧᬢᬶᬭᬱ᭞ᬳᬮᬄᬤᬾᬦᬶᬂᬓᬧᬶᬯ᭄ᬮᬲᬦ᭄
[᭘᭑ 81A]
ᬓᬭᬸᬡᬶ᭞ᬢᬺᬱ᭄ᬡᬓᬲᭀᬃᬤᬾᬦᬶᬧᬸᬦ᭄᭞ᬲᬃᬯ᭄ᬯᬲᬸᬓᬦᬶᬂᬫᬦᬄ᭞ᬬᬦ᭄ᬤᭂᬫᭂᬦᬾᬲᬃᬯ᭄ᬯᬓᬃᬬ᭄ᬬᬫᬦᭂᬫ᭄ᬧᬸᬃ᭞ᬚᬸᬫ᭄ᬩᬸᬄᬳᬚᬸᬫᬾᬬᬓᬮᬄ᭞ᬤᬾᬦᬶᬲᬫ᭄ᬬᬚ᭄ᬜ
ᬦᬍᬯᬶᬄ᭟ᬳᬶᬮᬂᬧᬭᬶᬭᬱᬾᬂᬫᬦᬄ᭞ᬚᬕᬢᬾᬲᬫᬶᬧᬥᬲᬸᬓᬳᬲᬶᬄ᭞ᬬᬦ᭄ᬲ᭄ᬫᬭᬦᬾᬢ᭄ᬮᬲ᭄ᬭᬫ᭄ᬧᬸᬂ᭞ᬧᬗ᭄ᬕᬸᬄᬢᬂᬧ᭄ᬭᬫᬲᬸᬓᬵ᭞ᬳᬶᬮᬂᬓ᭄ᬭᭀᬥᬰ
ᬢ᭄ᬭᬸᬦᬾᬢ᭄ᬮᬄᬦᬗ᭄ᬓᬸᬮ᭄᭞ᬬᬦᬶᬂᬢᬺᬱ᭄ᬡᬦᬾᬲᬸᬩᬢ᭄ᬮᬄ᭞ᬢᭀᬂᬳᬤᬲ᭄ᬩᭂᬢᬂᬤᬶᬳᬢᬶ᭟ᬲ᭄ᬯᬪᬵᬯᬦᬶᬂᬳᬶᬦ᭄ᬤ᭄ᬭᬶᬬᬵ᭞ᬫᬯᬶᬱᬬᬵᬭᬶᬂᬲ᭄ᬯᬕᭀᬘᬭᬲᬫᬶ᭞
ᬓᬢᬶᬦᬹᬢᬓᭂᬦ᭄ᬧᬸᬦᬶᬓᬸ᭞ᬓᬂᬳᬶᬦᬶᬮᬦ᭄ᬲᬂᬧᬡ᭄ᬥᬶᬢᬵ᭞ᬳᬦᬾᬫᬓ᭄ᬭᬡᬍᬮᬦᬮᬦ᭄ᬭᬸᬕᬳᬶᬓᬸ᭞ᬢᬦ᭄ᬫᬨᬮᬥᬃᬫ᭄ᬫᬲᬥᬦ᭞ᬳᬶᬓᬢᬦ᭄ᬲᬶᬦᬶ
