[᭘ 8B]
᭘
ᬢ᭄ᬯᬄᬫᬸᬮᬵᬦᬾᬧᬵᬢᬹᬢ᭄ᬧᬦ᭄ᬢᭂᬲᬋᬧᬂ᭞ᬳᬸᬮᬶᬚᬦᬶᬳᬾᬮᬶᬗᬶᬦ᭄᭞ᬥᬃᬫ᭄ᬫᬵᬲ᭄ᬥᬦᬦᬾᬩ᭄ᬯᬢ᭄᭞ᬧᬦᬸᬭᬶᬧ᭄ᬢᬦ᭄ᬓᭂᬦᬾᬂᬳᭀᬮᬄ᭞ᬲᬧᬯ᭄ᬭᬸᬄᬢ᭄ᬓᬲᬶᬂᬧᬢᬶ᭞ᬯᬶᬮᬗᬶᬂᬳᬸ
ᬭᬶᬧ᭄ᬦ᭄ᬬ᭞ᬧᬥᬢᬦ᭄ᬓᭂᬦᬾᬂᬧᬶᬦᬱ᭄ᬝᬶ᭟ᬬᬦ᭄ᬫᬢᬶᬩ᭄ᬭᬬᬦᬾᬫᬗᬢᭂᬄᬢ᭄ᬓᭂᬤ᭄ᬤᬶᬲ᭄ᬫᭃ᭞ᬲᬦᬾᬢᬸᬫᬸᬲ᭄ᬫᬗᬶᬭᬶᬂ᭞ᬧᬕᬯᬾᬦᬾᬲᬸᬩᬵ᭞ᬲᬗ᭄ᬓᬦᬵᬬᬸᬦᬾᬕᬯᬾᬦᬂ᭞ᬤᬤᬶᬳ
ᬚᬓ᭄ᬓᬬᬂᬫᬢᬶ᭞ᬬᬫᬗᬢᭂᬭᬂ᭞ᬦᬸᬚᬸᬢᭀᬗᭀᬲᬾᬍᬯᬶᬄ᭟ᬢᬶᬗ᭄ᬓᬄᬜᬦᬾᬬᬵᬳᬶᬓᬥᬂᬯᬃᬕ᭄ᬕᬵ᭞ᬬᬦ᭄ᬓᬶᬢᬲᬸᬩᬵᬫᬢᬶ᭞ᬳ᭄ᬦᬸᬦᬾᬫᬵᬯᬓ᭄ᬳᬮᬵ᭞
ᬧᬸᬦᬶᬓᬵᬬᬦ᭄ᬲᬳᬶᬳᬂ᭞ᬢᬦ᭄ᬩᬶᬦᬭᬶᬂᬧᬶᬧᬶᬲ᭄ᬘᬼᬩᬶᬂ᭞ᬢ᭄ᬯᬄᬳᬲᬓ᭄ᬱᬡ᭞ᬩ᭄ᬭᬬᬦᬾᬕᬶᬭᬂᬜᬸᬗ᭄ᬓᭂᬫᬶᬦ᭄᭟ᬲᬸᬯᬸᬤ᭄ᬓᬾᬢᭀᬮᬯᬸᬢ᭄ᬫᬢᬸᬮᬓ᭄ᬫᬓ᭄ᬚᬂ᭞
[᭙ 9A]
ᬢᬦ᭄ᬧᬦᭀᬮᬶᬄᬓᬳᭀᬭᬶ᭞ᬤᬶᬢᬸᬳᭂᬜᬾᬦ᭄ᬕᬯᬄ᭞ᬲᬗ᭄ᬓᬦ᭄ᬥᬃᬫ᭄ᬫᬦᬾᬲᬺᬓᬂ᭞ᬳ᭄ᬬᬤᬤᬶᬳᬗ᭄ᬕᭀᬦ᭄ᬓᬦ᭄ᬢᬶ᭞ᬢᬦ᭄ᬩᬶᬲᬮᬾᬫ᭄ᬧᬲ᭄᭞ᬓᬚᬕᬢ᭄ᬳᬫ᭄ᬪᬸᬓ᭄ᬢᬶᬪᬸ
ᬓ᭄ᬢᬶ᭟ᬥᬃᬫ᭄ᬫᬦᬾᬫᬵᬯᬓ᭄ᬳᬬᬸᬮᬦ᭄ᬯᬶᬪᬵᬯ᭞ᬲᬸᬓᬮᬶᬮᬦᬶᬂᬳᬢᬶ᭞ᬫᬦᬄᬧᬧᭀᬮᭀᬲᬦ᭄᭞ᬧᬕᭂᬄᬭᬶᬂᬲᬸᬓᬵᬤᬸᬄᬓᬵ᭞ᬳᬶᬓᬗᬭᬦ᭄ᬢᬫ᭄ᬩᬵᬚᬢᬶ᭞ᬧᬫ᭄ᬭᬬᬰ᭄ᬘᬶ
ᬢᬵ᭞ᬧᬫᬸᬧᬸᬕ᭄ᬯᬶᬱ᭄ᬬᬦᬾᬫᬡ᭄ᬥᬶ᭟ᬳᬦᬫ᭄ᬯᬄᬫᬾᬗᭂᬢᬾᬭᬶᬂᬲᬫ᭄ᬬᬤ᭄ᬜᬦ᭞ᬯ᭄ᬭᬸᬳᬾᬂᬢᬢ᭄ᬯᬮᬦᬵᬚᬶ᭞ᬳᬶᬓᬵᬗᬭᬦ᭄ᬳᬾᬦᬓ᭄᭞ᬮᬦ᭄ᬳᬗᬶᬸᬗ᭄ᬲᬵᬗᬭᬦ᭄ᬬ᭞ᬲᬂ
ᬦᭀᬭᬳᬫᬢᬶᬫᬢᬶ᭞ᬢᬦ᭄ᬢᬫᬦ᭄ᬓ᭄ᬭᭀᬥ᭞ᬩ᭄ᬬᬓ᭄ᬢᬗᬭᬦ᭄ᬲᬸᬓᬍᬯᬶᬄ᭟ᬬᬦ᭄ᬢᬸᬗ᭄ᬕᬮ᭄ᬧᬸᬦᬶᬓᬵᬲᬗ᭄ᬳ᭄ᬬᬂᬅᬕᬫᬵ᭞ᬦᭀᬭᬢᬲᬗ᭄ᬰᬬᬵᬫᬫᬶ᭞ᬜᭂᬗ᭄ᬕᬸᬄ
Page:Bali-lontar-gaguritan-dharmmawisesa-02-350ppi.pdf/9
This page has been proofread.
