This page has been proofread.
[᭒᭑ 21B]
᭒᭑᭟
ᬕᬮᬾᬫᬾᬓᬶᬦ᭄᭞ᬗᬸᬥᬕᬸᬲ᭄ᬢᬶᬲᬳᬶᬳᬸᬬᬸᬢ᭄᭞ᬫᬚᬮ᭄ᬚᬮᬦ᭄ᬩᬦ᭄ᬫᬢᬸᬭᬸ᭞ᬭᬵᬓᬦ᭄ᬕᬸᬲ᭄ᬢᬶᬚᬵᬢᬶᬭᬵᬕᬵ᭞ᬧ᭄ᬬ
ᬦᬓ᭄ᬫᬾᬫᬾᬢ᭄ᬯᬄᬳᬢ᭄ᬯᬸᬓᬸᬤ᭄᭞ᬓᬸᬤ᭄ᬬᬂᬫᬾᬫᬾᬚ᭄ᬯᬫᬦᬶᬕᬂ᭞ᬳᬧᬂᬧᬤᬧᭀᬮᬶᬄᬮᬪ᭟᭐᭟᭕᭘᭟ᬧᬶᬲᬕ᭠
ᬦ᭄ᬜᬢᭂᬓᬗᬭᬸᬜ᭄ᬘᬸᬂ᭞ᬫᬾᬫᬾᬦ᭄ᬳᬶᬕᬸᬮᬾᬯᬾᬃ᭞ᬯᬶᬚᬲᬦ᭄ᬢᬸᬦ᭄ᬕᬮᬾᬫᬾᬓᬶᬦ᭄᭞ᬫᬾᬫᬾᬫᭂᬮᬶᬤ᭄ᬢᭂᬓᬾᬦ᭄ᬳᬶᬮᬸᬄ᭞
ᬫᬗᬸᬢᬂᬲᬢ᭄ᬯᬳᬩᬸᬓᬸ᭞ᬮᬫᬸᬦ᭄ᬓᬗ᭄ᬕᭀᬩᬦ᭄ᬳᬶᬫᬶ᭠ᬭᬄ᭞ᬩᭂᬮᬶᬳᬶᬤᬍᬫᬂᬭᬢᬸ᭞ᬇᬤᭂᬧ᭄ᬕᬸᬲ᭄ᬢᬶᬗᬶᬘᬾ᭠
[᭒᭒ 22A]
ᬦ᭄ᬳᬫᬺᬣ᭞ᬧᬹᬃᬡ᭄ᬦᬬᬂᬤᬸᬓᬦ᭄ᬳᬶᬤᬾᬯ᭟᭐᭟᭕᭙᭟᭠ᬳᬶᬯᬶᬚᬲᬦ᭄ᬢᬸᬦ᭄ᬚᬦᬶᬲᬸᬫᬯᬸᬃ᭞ᬤᬢᬚ᭄ᬯᬉᬚᬭᬾ᭞ᬩᬶᬩᬶ
ᬗᬸᬥᬧᭂᬦ᭄ᬢᬾᬲ᭄ᬫᬸᬜᬶ᭞ᬓᬗ᭄ᬕᭀᬳᬦᬓᬾᬫᬫᬤᬸ᭞ᬩᬶᬩᬶᬳᬶᬘᬂᬤᬢᬶᬂᬸᬢᬭᬸᬗᬸ᭞ᬢ᭄ᬯᬭᬩᬶᬩᬶᬗᭂᬮᬄᬓᬃ
ᬬ᭄ᬬ᭞ᬳᬶᬘᬂᬜᬦ᭄ᬤᬂᬚ᭄ᬯᬫᬋᬩᬸᬢ᭄᭞ᬩᬶᬩᬶᬢ᭄ᬯᬭᬗᭂᬮᬄᬢᬶᬫ᭄ᬧᬮ᭄᭞ᬮᬕᬲ᭄ᬫᬗᭂᬦ᭄ᬢᬸᬗᬂᬲᬢ᭄ᬯ᭟᭐᭟᭖᭐᭟
ᬫᬾᬦ᭄ᬕᬸᬮᬾᬯᬾᬃᬚᭂᬚᭂᬧ᭄ᬚᬦᬶᬫᬵᬢᬹᬃ᭞ᬲᬶᬲᬶᬧ᭄ᬫᬾᬫᬾᬜᭀᬫᬦ᭄᭞ᬓᬤᬾᬦ᭄ᬤᬤᬶᬕᬮᬾᬫᬾᬓᬶᬦ᭄᭞ᬓᬤᬸᬂ
