[᭑᭔᭑ 141B]
᭑᭔᭑
ᬗ᭄ᬕᬸᬲᬳᬲᬜ᭄ᬚᬢ᭞ᬮᬶᬗ᭄ᬕᬶᬳᬶᬭᬫᬸᬗ᭄ᬕ᭄ᬯᬶᬂᬰᬭᬶᬭᬭᬶᬂᬧᬧᬸᬲᬸᬄᬧᬤ᭄ᬫᬵᬲᬦ᭟ᬳ᭄ᬬᬂᬫᬳᬾᬰᭀᬭᬭᬶᬂᬖ᭄ᬦᬾᬬᬲᬃᬯ᭄ᬯᬤᬤᬸᬪᬹᬱ᭠ᬡᬦᬶᬭ᭞ᬢᬸᬜ᭄ᬚᬸᬂᬤᬤᬸᬧᬸᬱ᭄ᬧᬦᬶᬭᬳᬗ᭄ᬲᬫᬓᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬚᬬᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭ
ᬳᬦᬾᬂᬧᬧᬭᬸᬧᬃᬡ᭄ᬦᬳᬶᬭ᭟ᬳ᭄ᬬᬂᬩ᭄ᬭᬳ᭄ᬫᬵᬫᬭᬶᬂᬤᬓ᭄ᬱᬶᬡᬲᬃᬯ᭄ᬯᬳᬩᬂᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬳᬩᬂᬧᬸᬱ᭄ᬧᬦᬶᬭᬮ᭄ᬯᬶᬃᬩᬤᬃᬩ᭄ᬪᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬫᬡ᭄ᬥᬶᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬢᬸᬂᬢᬸᬗᬶᬂᬳᬢᬶᬧᬃᬡ᭄ᬦᬄᬳᬶᬭ᭟ᬳ᭄ᬬᬂᬭᬹᬤ᭄ᬭᬫᬭᬶᬂᬦᬿ᭠
ᬭᬶᬢᬶᬲᬃᬯ᭄ᬯᬚᬶᬗ᭄ᬕᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬚᬶᬗ᭄ᬕᬧᬸᬱ᭄ᬧᬦᬶᬭᬮᬶᬫᬦ᭄ᬳᬕᬸᬂᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬘᬓ᭄ᬭᬗᬢᬸ᭠ᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬭᬶᬂᬚᬚᬭᬶᬗᬦ᭄ᬧᬃᬡ᭄ᬦᬳᬶᬭ᭟ᬳ᭄ᬬᬂᬫᬳᬵᬤᬾᬯᬭᬶᬂᬧᬰ᭄ᬘᬶᬫᬲᬃᬯ᭄ᬯᬚᭂᬦᬃᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬚᭂᬦᬃᬧᬸᬱ᭄ᬧ
ᬦᬶᬭᬦᬵᬕᬧᬰᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬲ᭄ᬯᬃᬡ᭄ᬦᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬳᬦᬾᬂᬳᬸ᭠ᬗ᭄ᬲᬶᬮᬦ᭄ᬧᬃᬡ᭄ᬦᬳᬶᬭ᭟ᬳ᭄ᬬᬂᬰᬗ᭄ᬓᬭᬭᬶᬂᬯᬵᬬᬩ᭄ᬬᬲᬃᬯ᭄ᬯᬳᬶᬚᭀᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬳᬶᬚᭀᬧᬸᬱ᭄ᬧᬦᬶᬭᬓᬸᬤ᭄ᬥᬫᬓᬯᬵᬳᬦᬦᬶᬭ᭞ᬩᬩ
[᭑᭔᭒ 142A]
᭑᭔᭒
ᬳᬦ᭄ᬲᬂᬓᬵᬮᬩᬤ᭄ᬭᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬳᬦᬾᬂᬮᬶᬫ᭄ᬧᬧᬃᬡ᭄ᬦᬳᬶᬭ᭟ᬳ᭄ᬬᬂᬯᬶᬱ᭄ᬡᬸᬫᬭᬶᬂᬉᬢ᭄ᬢᬭ᭠ᬲᬃᬯ᭄ᬯᬇᬋᬂᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬦᬶᬮᬧᬸᬱ᭄ᬧᬦᬶᬭᬲᬂᬕᬭᬸᬥᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬫᬤᬶᬕᬸᬭᬸᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭ᭠
ᬳᬶᬂᬰᬭᬷᬭᬳᬦᬾᬂᬳᬫ᭄ᬧ᭄ᬭᬸᬧᬃᬡ᭄ᬦᬳᬦᬶᬭ᭟ᬳ᭄ᬬᬂᬲᬫ᭄ᬪᬸᬳᬦᬾᬂᬐᬃᬰᬡ᭄ᬬᬲᬃᬯ᭄ᬯᬩᬶᬭᬸᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬩᬶᬭᬸᬧᬸᬱ᭄ᬧᬦᬶᬭᬯᬭᬓ᭄ᬫᬓᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬫ᭄ᬭᬚᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬭᬶᬂᬉᬲᬸᬲ᭄ᬳᬕᬸᬂᬧᬃᬡ᭄ᬦᬳᬶᬭ᭟ᬲᬗ᭄ᬳ᭄ᬬᬂᬰᬶ
ᬯᬳᬦᬾᬂᬫᬥ᭄ᬬᬲᬃᬯ᭄ᬯᬯᬃᬡ᭄ᬦᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬯᬃᬡ᭄ᬦᬧᬸᬱ᭄ᬧᬦᬶᬭᬲᬂᬯᬶᬮ᭄ᬫᬡᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬲᬦ᭠ᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬰᬭᬷᬭᬳᬦᬾᬂᬇᬦᭂᬩᬦ᭄ᬧᬤ᭄ᬫᬵᬲᬦ᭟ᬳᬢᬭᬶᬯᬸᬲ᭄ᬗᬲ᭄ᬢᬸᬗ᭄ᬓᬭᬯᬢᭂᬓ᭄ᬤᬾᬯᬢᬦᬵᬯᬲᬗ᭞ᬤᬸᬓᬸᬄ
ᬲᬸᬮᬤ᭄ᬭᬶᬓᬮᬵᬯᬦ᭄ᬓᬂᬳᬶᬲ᭄ᬢ᭄ᬭᬶᬫᭂᬓᭂᬓ᭄ᬲᬗᬤ᭄ᬯᬭ᭞ᬳᬗ᭄ᬤᬾᬲᬂᬢ᭄ᬭᬶᬓᬵᬫᬭᬹᬧᬫᬦᬲ᭄ᬩᬸᬤ᭄ᬥᬶᬮᬵᬯᬦ᭄ᬲᬗᬢ᭄ᬫ᭞ᬫᭀᬓ᭄ᬱᬉᬫᭀᬭᬶᬂᬅᬘᬶᬦ᭄ᬢ᭄ᬬᬢᬸᬫᬶᬮᬭᬶᬂᬇᬓᬂᬪᬹᬮᭀᬓ᭟ᬓᬃᬫ᭄ᬫᬯᬲᬦᬓᬮᬵᬯᬦ᭄ᬧ᭄ᬭᬡᬳᬦᬾᬂᬮᬶᬗ᭄ᬕᬰᬭᬷᬭ᭞ᬮᬵᬯᬦ᭄ᬧᬜ᭄ᬘᬫᬳᬵᬪᬹᬢᬲᬸᬫᬸᬭᬸᬧᬶᬂᬇᬪᬹ
