[᭒᭘ 28 B]
᭒᭘
᭞ᬩᭂᬦ᭄ᬤᬸᬦᬾᬢᭀᬂᬤᬤᬶᬢᬗ᭄ᬕᭂᬳᬂ᭟᭔᭟ᬤᭀᬂᬓᬾᬳᬶᬩᬧᬜ᭄ᬚᬓ᭄ᬳᬃᬚ᭄ᬚᬸᬦᬧᬾᬢ᭄ᬭᬸᬓ᭄᭞ᬤᬤᬶᬤ᭄ᬕᬕ᭄ᬩᬶᬓᬲ᭄ᬳᬶᬩᬦᬾ᭞ᬢᬸᬲᬶᬂᬪᬓ᭄ᬢᬶᬢ᭄ᬓᬾᬦ᭄ᬓᬳᬶ᭞ᬧᬦᬓ᭄ᬲ᭄ᬫᬃᬓᬦ᭄ᬢᭀᬂᬧᬾᬢ᭄ᬭᬸᬓ᭄᭞ᬮᬶᬯᬢ᭄ᬫᬸᬃᬓ᭄ᬓᬢᬫ᭄ᬧᬕ᭄ᬧᬸᬗ᭄ᬕᬸᬂ
ᬪᬕᬯᬦ᭄ᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬩᬚᬦ᭄ᬫᬓᬳᬶᬧᬢᬸᬄ᭞ᬢᬸᬲᬶᬂᬪᬶᬦᬧᬥᬚᬦ᭄ᬫ᭞ᬤᬶᬓᬾᬦ᭄ᬓᬾᬦᬾ᭠ᬜᬦ᭄ᬤᬂᬲᬸᬫ᭄ᬩᬄ᭟᭕᭟ᬢ᭄ᬓᬦ᭄ᬳᬶᬩᬫᬭᬭᬧᬦ᭄ᬧᭀᬮᬄᬧᬸᬗ᭄ᬕᬸᬂ᭞ᬤ᭄ᬕᬕ᭄ᬩᬶᬓᬲ᭄ᬳᬶᬩᬦᬾ᭞ᬯᬺᬓᭀᬥᬭᬫᬜ᭠
ᬯᬸᬭᬶᬦ᭄᭞ᬳᭂᬗ᭄ᬲᬨᬶᬩᬢ᭄ᬓᬾᬦ᭄ᬳᬓᬸ᭞ᬚᬤ᭄ᬫᬦᬶᬱ᭄ᬝᬓᬤᬾᬦᬂᬫᬸ᭞ᬲᬗ᭄ᬓᬦ᭄ᬳᭂᬦᬸᬇᬩᬦᭂᬕᬓ᭄᭞ᬪᬕᬯᬦ᭄ᬫᬲᬯᬸᬃᬓ᭄ᬜᬸᬂ᭞ᬳᬦᬾᬫᬮᬸᬅᬓᬸᬲᬚ᭞ᬬᬲᭂᬓᬭᬂᬳᬓᬸᬩᬸᬓᬦ᭄᭟᭖᭟ᬗᬶᬤᬶᬄᬳᬫᬄᬢ᭄ᬓᬾᬦ᭄ᬳᬶ
ᬩᬲᬦᬾᬫᬮᬸ᭞ᬲᬸᬩᬲᬸᬯᬸᬤ᭄ᬳᬸᬮᬶᬂᬰ᭄ᬯᬾ᭞ᬫᬫᬜ᭄ᬚᬓ᭄ᬭᬶᬂᬲᬂᬓ᭄ᬭᬾᬢᬶ᭞ᬇᬧᬾᬢ᭄ᬭᬸᬓ᭄ᬲᬚᬦᬾᬫ᭠ᬮᬸ᭞ᬓᬦ᭄ᬢᭀᬂᬩᭀᬮᭀᬂᬳᬤᬦ᭄ᬳᬓᬸ᭞ᬣᬣᬧᬶᬲᭂᬓᬭᬂᬩᬸᬓᬦ᭄᭞ᬚᬦᬶᬅᬓᬸᬲᬸᬩᬓᬲᬸᬩ᭄᭞ᬫ᭠
[᭒᭙ 29 A]
ᬪᬶᬱᬾᬓᬥᬂᬳ᭄ᬬᬂᬤ᭄ᬯᬮ᭞ᬫᬗᬸᬢᬸᬲ᭄ᬳᬶᬩᬬᬸᬧᬓ᭄ᬱ᭟᭗᭟ᬜᬶᬮᬶᬄᬓᬹᬃᬱᬶᬕ᭄ᬮᬄᬓᬓᬦ᭄ᬫᬸ᭞ᬩᬸᬗ᭄ᬓᬸᬲ᭄ᬲᬸᬫᬶᬗ᭄ᬓᬶᬦ᭄ᬲᭂᬩᭂᬢᬾ᭞ᬩ᭄ᬭᬦ᭄ᬢᬲᬾᬦᬫᬗᬫᬶᬓ᭄ᬫᬶᬓ᭄᭞ᬳᬶᬩᬓᭀᬥ᭄ᬯᬮᬩᬸᬤᬸᬄ᭞ᬳᬶᬩᬚᬢᬶᬩ᭄ᬯᬢᬂ᭠
ᬅᬓᬸ᭞ᬪᬕᬯᬦ᭄ᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬲᬸᬓᬸᬃᬓᬫᬸᬘᬭᬶᬅᬓᬸ᭞ᬓᬘᬸᬡ᭄ᬥᬸᬓ᭄ᬲ᭄ᬥᭂᬂᬫ᭄ᬮᬳ᭞ᬫ᭄ᬭᬭᬧᬦ᭄ᬳᬧᬳᬶᬩᬢ᭄ᬓ᭟᭘᭟ᬤᬵᬮᬜ᭄ᬘᬂᬦᬕᬶᬄᬓᬹᬃᬱᬶᬫᬶᬯᬄᬧᬬᬸᬂ᭞ᬦᬾᬢ᭄ᬕᬓᬦ᭄ᬓᬳᬶᬦᬾ᭞ᬤ᭄ᬯᬦᬶᬂᬳ᭄ᬦᬸᬓᬸᬦᭂᬕᬓᬶᬦ᭄
ᬧ᭄ᬭᬪᬸᬥᬃᬫ᭄ᬫᬲᬦᬾᬳᬲᬸᬂ᭞ᬳᬶᬤᬩᬭᬾᬲ᭄ᬗᬶᬘ᭄ᬙᬗᬸᬕᬸ᭞ᬢᬸᬲᬶᬂᬜᬦ᭄ᬤᬂᬳᬶᬩᬜ᭄ᬯᬂ᭞ᬧᬶᬤᬦ᭄ᬲᬸᬩᬬᬦ᭄ᬳᭂᬫᭂᬤ᭄ᬳᬓᬸ᭞ᬤᬶᬢᬸᬅᬓᬸᬫᬦᬸᬮᬓᬂ᭞ᬓᬾᬢᭀᬪᬷᬫᬳᬧᬂᬢᬯᬂ᭟᭙᭟ᬲᬂᬪᬷᬫᬕᬺᬕᭂᬢᬦ᭄ᬫᬮᬶᬄᬫ
ᬲᬯᬸᬃ᭞ᬦᬾᬚᬦᬶᬓᬢ᭄ᬓᬦ᭄ᬓᬳᬶᬦᬾ᭞ᬗᬮᬶᬄᬳᬶᬩᬩᬢᬶᬲ᭄ᬢᬶᬚᬶᬕ᭄᭞ᬚᬦᬶᬕᬦ᭄ᬢᬶᬦ᭄ᬳᬶᬩᬫᬫ᭄ᬧᬸᬲ᭄᭞ᬩᬦ᭄ᬩᭂᬍᬃᬳᬶᬩᬦᬾᬓᬸᬮᬸᬓ᭄᭞ᬪᬕᬯᬦ᭄ᬓᭂᬤᬾᬓ᭄ᬫᬗᬓᬓ᭄᭞ᬫᬓ᭄ᬚᬶᬢ᭄ᬫᬸᬜᬶᬦᬾᬧᬗᬸᬲ᭄᭞ᬦᬄ
Page:Bali-lontar-gaguritan-dwala-300ppi.pdf/29
This page has been proofread.
