This page has been proofread.
[᭑᭓ 13B]
᭑᭓
ᬳᬤᬦ᭄ᬤᬦᬦ᭄᭞ᬫᬗᬋᬧᬶᬦ᭄ᬰᬗ᭄ᬕᬄᬘᬸᬓ᭄ᬘᬸᬓ᭄᭞ᬲᭂᬤᬡ᭄ᬦᬵᬮᬫᬓ᭄ᬕᬕᬶᬭᬂ᭞ᬩᬶᬮᬂᬲᬫ᭄ᬧᬶᬂᬗᬧᬶᬢ᭄ᬓᭀᬭᬶ᭟᭜᭟ᬤᬹᬃᬫ᭄ᬫ᭟᭜᭟ᬢᬜ᭄ᬘᬭᬶᬢ᭄ᬣ
ᬳᬶᬜᬮ᭄ᬬᬦ᭄ᬲᬫ᭄ᬧᬸᬦ᭄ᬫᬢᬸᬮᬓ᭄᭞ᬳ᭄ᬬᬸᬤᬂᬫᬫᬋᬗᬶᬦ᭄᭞ᬳᬤᬤᬳᬸᬄᬮᬶᬫᬵ᭞ᬢ᭄ᬓᭂᬤ᭄ᬳ᭄ᬬᬤᬶᬚᬸᬫᬄ᭞ᬳᬶᬓᬢᬓ᭄ᬦ᭄ᬕᬓ᭄ᬫᬗᬦ᭄ᬢᬶ᭞ᬓ᭄ᬜᭂᬫ᭄ᬳᬶᬜ
ᬮ᭄ᬬᬦ᭄᭞ᬳᬶᬓᬢᬓ᭄ᬫᭂᬜᬕ᭄ᬚᬕᬶᬦ᭄᭟ᬓᬾᬦ᭄ᬢᭂᬦ᭄ᬳᬶᬤᬵ᭞ᬢᭀᬳᬤᬵᬳᬗᬶᬦ᭄ᬳᬗᬶᬦᬦ᭄᭞ᬳ᭄ᬬᬸᬤᬂᬫᬜᬳᬸᬢᬶᬄ᭞ᬭᬢᬸᬜᬤ᭄ᬬᬬᬂ᭞
ᬫᬦᬶᬓᬦᬾᬭᬶᬂᬢᬶᬢ᭄ᬬᬂ᭞ᬲᬓᬾᬯᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬭᬶᬗ᭄ᬕᬶᬢ᭄᭞ᬲᭂᬧᭂᬓᬬᬸᬦᬦ᭄᭞ᬩᬾᬩᬲ᭄ᬲᬸᬓᬢ᭄ᬗ᭄ᬮᬾᬤᬗᬶᬦ᭄᭟ᬭᬢᬸᬢᬶᬢ᭄ᬬᬂ
[᭑᭔ 14A]
ᬲᬸᬩᬗ᭄ᬮᬄᬲᬧᭂᬧᭂᬮᬦ᭄᭞ᬲᬸᬓᬸᬲᬸᬓᬸᬳᬓᬶᬓᬶᬢ᭄᭞ᬳᬤᬵᬓᬭᭀᬩ᭄ᬮᬄ᭞ᬳᭂᬦ᭄ᬢᭀᬧᬘᬂᬢᬗ᭄ᬓᭂᬧᬂ᭞ᬤᬢᭂᬓᭀᬧᬘᬂᬢᬺᬱ᭄ᬡᬳᬶᬦ᭄᭞ᬬᬾ
ᬦ᭄ᬲᬸᬩᬲᬶᬤ᭄ᬥᭂ᭞ᬫᬦᬶᬬᬦ᭄ᬩ᭄ᬯᬶᬦ᭄ᬫᬗᬮᬶᬄ᭟ᬫᬦᬶᬮ᭄ᬯᬲ᭄ᬦᬄᬳᬶᬤᬵᬳᬢᭂᬳᬂᬢ᭄ᬬᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬂ᭞ᬮᬯᬸᬢ᭄ᬫᬤᬩ᭄ᬤᬩᬦ᭄᭞ᬲᬸᬩᬫᬦᬶ
ᬲ᭄ᬫᭂᬗᬦ᭄᭞ᬳᬶᬓᬢᬓ᭄ᬮᬯᬸᬢ᭄ᬫᬩᬺᬲᬶᬄ᭞ᬫᬢ᭄ᬮᬄᬢ᭄ᬮᬄ᭞ᬜᬼᬧ᭄ᬲ᭄ᬩᭂᬗᬾᬕᬢᬶ᭟ᬮᬯᬸᬢ᭄ᬫ᭄ᬲᬾᬄᬳᬶᬓᬢᬓ᭄ᬫᬗᭀᬜᬂᬓ᭄ᬮᬢ᭄᭞ᬫᬓᬫ᭄ᬩᭂ
ᬦ᭄ᬧ᭄ᬭᬜ᭄ᬘᬶᬲ᭄ᬢᬗᬶ᭞ᬲᬩᬸᬓ᭄ᬲᬸᬢ᭄ᬭᬲᬫᬃ᭞ᬢᭂᬗ᭄ᬓᬮᬸᬂᬤᬤᬹᬭᬂᬭᬂ᭞ᬓᬸᬮᬫ᭄ᬩᬶᬕᬕᬸᬮᬸᬂᬧᬸᬢᬶᬄ᭞ᬫᬦᬹᬢ᭄ᬢᬦᬸᬢᬦ᭄᭞ᬩᬸᬗ᭄ᬓᬸᬂᬲᬶᬫᬢ᭄ᬤᬶᬓᬘᬶᬂ᭟
