This page has been proofread.
[᭑ 1B]
᭑
᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬧᬸᬄᬧᬗ᭄ᬓᬸᬃ᭟ᬲ᭄ᬥᭂᬓ᭄ ᬢ᭄ᬯᬭᬵᬳ᭄ᬜᬓ᭄ᬬᬧ᭄᭞ᬤᬤᬶᬢᬸᬫ᭄ᬩᬸᬄᬧᬗ᭄ᬭᬱᬵᬩᬗᬸᬦᬸᬮᬶᬲ᭄᭞ᬫᬗᬶᬓᭂᬢᬂᬫᬸᬜᬶᬦ᭄ᬳᭂᬗ᭄ᬕᬸᬂ᭞
ᬳᬸᬬᬸᬢ᭄ᬫᬩ᭄ᬬᬬᬸᬳᬦ᭄᭞ᬗᬤᬸᬳᬗ᭄ᬲᭂᬮ᭄᭞ᬫᬸᬜᬶᬦᬾᬧᬤᭂᬢ᭄ ᬫᬘᬼᬗ᭄ᬓᬸᬂ᭞ᬩᬶᬦ᭄ᬤᭂᬂᬳᬶᬓᬢᬓ᭄ᬦ᭄ᬤᬶᬗᬳᬂ᭞ᬤᬶᬳᭂᬲᭀᬗᬾᬧ᭄ᬲᬸᬫᬸᬮᬶᬄ᭟
ᬢᭀᬂᬤᬤᬶᬩᬦ᭄ᬜᬦᬳᬦᬂ᭞ᬓ᭄ᬦᭂᬄᬳᬸᬬᬂᬫᬩᬸᬤᬶᬫᬜᬕ᭄ᬚᬕᬶᬦ᭄᭞ᬜᬭᬸᬫ᭄ᬲᬶᬓ᭄ᬮᬯᬸᬢ᭄ᬧ᭄ᬲᬸ᭞ᬤᬶᬧᬸᬦ᭄ᬤᬸᬓᬦᬾᬗᭂᬗ᭄ᬕᬕ᭄᭞ᬓᬢᬸᬚᬸ
ᬲᬦ᭄ᬳᬶᬓᬢᬓ᭄ᬥᬶᬢᬸᬓᬘᬸᬦ᭄ᬤᬸᬓ᭄᭞ᬳᬤᭂᬳᬗ᭄ᬕᭀᬦ᭄ᬜᬤᬮᬶᬳᬦ᭄᭞ᬫᬗ᭄ᬤᬾᬦᬾᬫᬳᬦ᭄ᬫᬫᬸᬜᬶ᭟ᬫᬢᬓᭀᬦ᭄ᬫᬸᬜᬶᬦᬾᬕ᭄ᬢᬃ᭞
[᭒ 2A]
ᬜᬳᬶᬓ᭄ᬚᬚᬮᬦ᭄ᬮᬸᬯᬲ᭄ᬫᬮᬮᬶ᭞ᬤᬶᬢᬶᬩᬸᬦᬾᬢᭀᬗᭀᬲ᭄ᬗᬗ᭄ᬕᬸᬃ᭞ᬲᬫ᭄ᬩᬶᬮᬂᬫᬳᬶᬦ᭄ᬤᭂᬗᬦ᭄᭞ᬧᬶᬮᬶᬄᬳᬤᬳᬦᬓ᭄ᬜᬓ᭄ᬳᭀᬮᬲ᭄ᬫ
ᬦᬸᬤᬸᬓ᭄᭞ᬳᬧᬂᬩᬺᬓ᭄ᬫ᭄ᬩᭀᬓ᭄ᬫᬶᬲᬤ᭄ᬬ᭞ᬫᬲᭂᬲᬗᬶᬗᬗ᭄ᬕᭀᬦ᭄ᬕᬸᬲ᭄ᬢᬶ᭟ᬳᬶᬓᬢᬓ᭄ᬕᬶᬭᬂᬓᬚᬓᬦ᭄᭞ᬳᬭᬄᬫᬶᬦ᭄ᬤᬄᬢ᭄ᬬᬂᬦᬾᬦ᭄ᬢᭂᬦ᭄
ᬫ᭄ᬮᬮᬶ᭞ᬫᬳᬶᬦ᭄ᬤᭂᬗᬦ᭄ᬦᬾᬦᬾᬲᬸᬯᬸᬂ᭞ᬢ᭄ᬯᬭᬵᬫᬲᬦ᭄ᬧᭂᬦ᭄ᬢᬲᬦ᭄᭞ᬫᬭᬶᬓᬫ᭄ᬩᭀᬓ᭄ᬫᬮᬮᬶᬧ᭄ᬲᬸᬫᬗ᭄ᬮᬯᬸᬢ᭄᭞ᬫᬧᬶᬗᬫ᭄ᬩ᭄ᬭᬾᬲᬂᬳᬶ
ᬓᬢᬓ᭄᭞ᬫᬢᭂᬗ᭄ᬓᬾᬳᬾᬫ᭄ᬲᬤᬩ᭄ᬚᬶᬢ᭄᭟ᬓ᭄ᬜᭂᬫ᭄ᬳᬶᬳᭂᬗ᭄ᬕᬸᬂᬦᭂᬲᭂᬓᬂ᭞ᬲᬧᬲᬶᬭᬵᬦᬶᬓᬶᬫᬲᬲᬗᬶ᭞ᬢᭀᬂᬦᬸᬕᬵᬲᬾᬭᬢᬸᬮ
