This page has been proofread.
[᭘ 8B]
᭘
ᬫᬘᬭ᭞ᬘᬶᬗᬓ᭄ᬢᬶᬢ᭄ᬬᬂᬲᬸᬩᭂᬲᬶᬢ᭄ᬲᬶᬢ᭄᭞ᬢᬸᬲᬶᬂᬓᬾᬳᬶᬤᬵᬜᬬᬗᬂ᭞ᬗ᭄ᬮᬄᬧᬜ᭄ᬚᬓ᭄ᬢ᭄ᬯᬄᬳᬩ᭄ᬲᬶᬓ᭄᭞ᬜᭂᬦ᭄ᬮᬯᬸᬢ᭄ᬬᬂᬫᬢᬶ᭞ᬜᬾᬦ᭄ᬲᬶ
ᬯᬾᬮᬶᬦ᭄ᬳᬦᬓ᭄ᬳᬕᬸᬂ᭞ᬳᬶᬤᭀᬗ᭄ᬓᬂᬬᬮᬯᬸᬢ᭄ᬦᬶᬫ᭄ᬩᬮ᭄᭞ᬜᭂᬓᬓᬾᬢᭀᬜᭂᬓᬓᭂᬲᬶᬂ᭞ᬳᬸᬧᬄᬳᬚᬸᬫ᭄᭞ᬲᬳᬶᬫᬗ᭄ᬮᬾᬤᭀᬓ᭄ᬚᬫ᭄ᬩ
ᬗᬦ᭄᭟ᬓᬸᬤᬸᬳᬶᬤᬸᬧ᭄ᬮᬓᬃᬳᬧᭂ᭞ᬲᬬᬦ᭄ᬢ᭄ᬯᬢᬸᬫ᭄ᬩᬸᬄᬩ᭄ᬚᬶᬢ᭄᭞ᬲᬳᬶᬫᬗ᭄ᬮ᭄ᬯᬩᬂᬓᬯᬄ᭞ᬗ᭄ᬕᬯᬾᬓ᭄ᬩᬸᬲ᭄ᬳᬸᬮᬸᬦ᭄ᬳᬢᬶ᭞ᬢᭀᬂᬢᬳᬾᬦ᭄ᬍ
ᬕᭂᬳᬲ᭄ᬮᬶᬤ᭄᭞ᬳᬶᬬᭂᬗ᭄ᬕᬸᬂᬓ᭄ᬜᬸᬲ᭄ᬫᬲᬳᬸᬢ᭄᭞ᬮᬦᭀᬦ᭄ᬩᬦ᭄ᬳᬶᬤᬵᬮᬕᬲ᭄᭞ᬗ᭄ᬫᬶᬓᬂᬩᬶᬩᬶᬳᬾᬫᬦᬶᬲ᭄᭞ᬳᬤᬮᬫᬸᬦ᭄ᬢ᭄ᬬᬂᬦᬶᬗᭂᬄᬲ᭄ᬫᬭ
[᭙ 9A]
ᬲ᭄ᬢᬯ᭄ᬯᬵ᭟ᬧᬶᬦᬄᬲᬸᬩᬮᬶᬫᬂᬤᬶᬦᬵ᭞ᬳᬶᬬᭂᬗ᭄ᬕᬸᬂᬤᬶᬢᬸᬦᭀᬗᭀᬲᬶᬦ᭄᭞ᬗᬼᬮᬶᬧᬸᬃᬫᬗ᭄ᬤᬾᬦᬾᬲᬄᬲᬄ᭞ᬕ᭄ᬥᭂᬕᬾᬳᬗᬦ᭄ᬳᬕᬶᬕᬶᬲ᭄᭞ᬘ᭄ᬭᬶ
ᬢ᭄ᬣᬳᬶᬓᬢᬓ᭄ᬚᬦᬶ᭞ᬕ᭄ᬥᭂᬕ᭄ᬓ᭄ᬦᭂᬳᭂᬗᬺᬭᬶᬫᬸᬢ᭄᭞ᬜ᭄ᬗᭀᬂᬬᬫᬯᬶᬸᬧᬯᬲᬦ᭄᭞ᬗᬮᬶᬄᬲᬶᬗ᭄ᬲᬾᬫᬗ᭄ᬤᬾᬲ᭄ᬧᬶ᭞ᬮᬯᬸᬢ᭄ᬧ᭄ᬲᬸ᭞ᬜᬭᬸᬬ
ᬫᬲᬮᬶᬦ᭄ᬤᭂᬗᬦ᭄᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬫᬓᭂᬩ᭄ᬮᬾᬲ᭄ᬮᬯᬸᬢ᭄ᬫᭂᬲ᭄ᬯᬂ᭞ᬢ᭄ᬯᬭᬢᬓᬸᬢ᭄ᬓ᭄ᬥᭂᬂᬓ᭄ᬦᭂᬳᬾᬧᬮᬶᬂ᭞ᬫᬚᬮᬦ᭄ᬲᬢᬶᬩᬮᬓᬸ᭞ᬚᬢ᭄ᬬᬦᬶᬂ
ᬗᬸᬢᬂᬳᬯᬓ᭄᭞ᬲᬸᬩᭂᬳᭂᬚᭀᬄᬤᬶᬧᬸᬦ᭄ᬥᬸᬓᬦᬾᬜᬮᬸᬓ᭄ᬱᬸᬓ᭄᭞ᬓᬢ᭄ᬧᬸᬓ᭄ᬳᬶᬕᬤᬕᬦ᭄᭞ᬫᬢᬓᭀᬦ᭄ᬫᬸᬜᬶᬦᬾᬫᬦᬶᬲ᭄᭟
