[᭓᭔ 34B]
᭓᭔
ᬦᬗᬸᬲ᭄ᬢᬸᬃᬫᬮᬳᬶᬩ᭄᭞ᬤᬾᬦᬶᬂᬩᭀᬩᭀᬢ᭄ᬯᬬᬄ᭞ᬳᬗ᭄ᬲᭂᬕ᭄ᬳᬗ᭄ᬲᭂᬕ᭄ᬤᬶᬬᬶᬲ᭄ᬤᬶᬬᬶᬲ᭄᭞ᬚᬦᬶᬗᬫᭂᬤᬮᬂᬧᬸᬢ᭄ᬭ᭟ᬫ᭄ᬤᬮ᭄ᬕ᭄ᬦᬶᬳᭂᬦ᭄ᬢᭀᬤᬤᬶᬳᬭᬶᬳᬭᬶ᭞ᬫᬗᭂᬲᭂᬂᬳᬶᬤᬾᬢ᭄ᬬ᭞ᬫᬢᬶ
ᬦᬾᬓᬮᬶᬧᬸᬢ᭄ᬕ᭄ᬦᬶ᭞ᬧᬸᬯᬸᬦᬾᬯᬸᬄᬳᬂᬳᬮᬲ᭄᭟ᬳᭂᬦ᭄ᬢᭀᬧᬧᬶᬭᬶᬂᬢᬶᬗ᭄ᬓᬄᬗᭂᬫ᭄ᬧᬸᬳᬦᬓ᭄ᬳᬮᬶᬢ᭄᭞ᬯᬦ᭄ᬢᬄᬢᬦ᭄ᬗᬮᬦ᭄ᬢᬲ᭄᭞ᬳᬮᬦᬾᬫᬧᬮᬩ᭄ᬘᬶᬓ᭄᭞ᬫᬲᬶᬄᬬᬳᬤᬲ
ᬓᬶᬢᬂ᭟ᬓᬢᬸᬳᬸᬭᬂᬳᬯᬶᬦᬦᬤᬓᬢᬫᬶ᭞ᬕ᭄ᬦᬶᬲᬃᬯ᭄ᬯᬤᬓ᭄ᬱ᭞ᬧᬗᬯᬶᬢ᭄ᬲᬓᬶᬂᬧᬸᬦᬶᬓᬶ᭞ᬤᬤᬶᬲᬓ᭄ᬱᬶᬦ᭄ᬳᬦᬓ᭄ᬳᬶᬯᬂ᭟ᬭᬶᬂᬲᬫ᭄ᬧᬸᬦᬾᬳᬮᬲ᭄ᬧᬸᬦᬾᬤᬾᬢ᭄ᬬᬩᬲ᭄ᬫᬶ᭞ᬋᬱᬶ
ᬩᬺᬕᬸᬓᭀᬘᬧ᭄᭞ᬫᬓᬲ᭄ᬬᬩ᭄ᬗᬓ᭄ᬱᬶᬦᬶᬦ᭄ᬕ᭄ᬦᬶ᭞ᬓᬧᬃᬡ᭄ᬦᬗᭂᬲᭂᬗᬲ᭄ᬭᬫ᭟ᬕᬕᭂᬮᬶᬲᬦ᭄ᬲᬂᬋᬱᬶᬩᬸᬤᬮ᭄ᬫᬮᬳᬶᬩ᭄᭞ᬭᬩᬶᬓᬤᬧᭂᬢᬂ᭞ᬗᭂᬫ᭄ᬩᬦ᭄ᬧᬸᬢ᭄ᬭᬮᬦᬗᬮᬶᬢ᭄᭞
[᭓᭕ 35A]
ᬲᬂᬧᬸᬮᭀᬫᬫᬶᬤᬃᬢ᭄ᬢᬬᬂ᭟ᬲᬫ᭄ᬧᬸᬦ᭄ᬢᭂᬮᬲ᭄ᬧᬹᬃᬯ᭄ᬯᬓᬦ᭄ᬤᬓᬧᬶᬳᬸᬦᬶᬂ᭞ᬋᬱᬶᬩᬺᬕᬸᬤᬸᬓ᭞ᬭᬶᬂᬳ᭄ᬬᬂᬳᬕ᭄ᬦᬶᬤᬤᭀᬲ᭄ᬲᬓ᭄ᬱᬶ᭞ᬢᬦ᭄ᬧᬢᬸᬢ᭄ᬧᬓ᭄ᬱᬶᬦᬶᬦᬶᬤ᭟ᬩᭀᬬᬧ᭄ᬭᬄᬳᬶᬕᭀᬯᬓ᭄ᬫᬗᬶᬤᬶᬄᬚᬤ᭄ᬫᬶ᭞
ᬫᬸᬜᬶᬦᬦᬓ᭄ᬗᭂᬫ᭄ᬩᬦ᭄᭞ᬢ᭄ᬯᬭᬓᬃᬯᬦ᭄ᬓᬯᬸᬄᬓᬗᬶᬦ᭄᭞ᬫᬗᬯᬾᬭᬭᬾᬦᬾᬮ᭄ᬬᬂ᭟ᬗᬸᬮᬄᬳᭂᬜᬓ᭄ᬢᬦ᭄ᬧᬢᬸᬢ᭄ᬩᬓᬢ᭄ᬲᬓ᭄ᬱᬶᬦᬶᬦ᭄᭞ᬯᬲ᭄ᬢᬸᬲᬃᬯ᭄ᬯᬪᬓ᭄ᬱ᭞ᬢ᭄ᬓᬾᬂᬳᬤᬳ᭄ᬬᬂᬗᬕ᭄ᬦᬶ᭞ᬢᬦ᭄ᬗᬯᬶᬮᬂᬳᬮᬘ
ᬫᬄ᭟ᬓᬾᬢᭀᬢ᭄ᬫᬄᬪᬕᬯᬦ᭄ᬩᬺᬕᬸᬦᬾᬭᬶᬬᬶᬦ᭄᭞ᬦᬗᬶᬂᬳ᭄ᬬᬂᬗᬕ᭄ᬦᬬ᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄ᬫᬧᬫᬶᬢ᭄᭞ᬭᬶᬗᬶᬤᬪᬝᬵᬭᬩ᭄ᬭᬳ᭄ᬫ᭟ᬢᬦ᭄ᬧᬗᬶᬭᬶᬂ᭞ᬓᬫᬤ᭄ᬬᬧᬤᬫᬯᬮᬶ᭞ᬲ᭄ᬯᬾᬓᬓᬾᬯᭂ
ᬳᬦ᭄᭞ᬚᬕᬢᬾᬢᬦ᭄ᬯᬾᬦ᭄ᬢᭂᬦ᭄ᬕ᭄ᬦᬶ᭞ᬤᬾᬯᬢᬲᬫᬶᬫᬳᬸᬫᬂ᭟ᬓᬧᬸᬧᬸᬢᬂᬳᬧᬂᬧᬤᬲᬶᬤᬲᬶᬤ᭄ᬥ᭞ᬤᬶᬮᬳᬾᬓᬾᬯᬮ᭞ᬲᬃᬯ᭄ᬯᬪᬓ᭄ᬱᬭᬯᬸᬄᬫᬗ᭄ᬓᬶᬦ᭄᭞ᬬᬦ᭄ᬗᬢᬸᬭᬶᬦ᭄ᬳ᭄ᬬᬂ
Page:Bali-lontar-gaguritan-gagalihan-350ppi.pdf/35
This page has been proofread.
