[᭑᭙ 19B]
᭑᭙
ᬦᬾᬫᬪᬹᬓ᭄ᬢᬶ᭞ᬗᬸᬤ᭄ᬬᬂᬢᬦ᭄ᬫᬦᬹᬢᭀᬮᬶᬄᬜ᭞ᬓᬃᬫ᭄ᬫᬓᬳᭀᬦ᭄ᬦᭂᬫᬸᬩ᭄ᬘᬶᬓ᭄᭞ᬳᬶᬕ᭄ᬥᬾᬉᬧᬾᬓ᭄ᬱᬭᬭᬶᬲ᭄᭞ᬦᭂᬭᬗᬂᬧᬶᬢ᭄ᬕᭂᬲᬶᬧᬸᬦ᭄᭞ᬦᬾᬫᬯᬲ᭄ᬢᬓᬃᬫ᭄ᬫᬨᬮ᭞ᬭᬭᬶᬲ᭄ᬓᭂᬤᬾᬓ᭄ᬦᭂᬓᭂᬧ᭄ᬩᬶᬩᬶᬄ᭞ᬳᬶᬳᬶᬳᬸ᭠
ᬳᬸᬳᬸᬄ᭞ᬓᬲ᭄ᬮᬶᬗ᭄ᬲᬸᬢ᭄ᬘᭂᬦᬶᬂᬗᬺᬱᬲᭂᬧᬂ᭟ᬧᬦᬶᬩᬦᬶᬓᬃᬫ᭄ᬫᬨᬮ᭞ᬢᬸᬲᬶᬂᬮᬓ᭄ᬱᬦᬦᬾᬚᬦᬶ᭞ᬤ᭄ᬬᬦ᭄ᬢᬸᬜ᭄ᬚᭂᬮᬾᬤ᭄ᬬᬲ᭄ᬢᬸᬦ᭄ᬫᭂᬮᬄ᭞ᬦ᭄ᬫᬸᬳᭀᬮᬶᬄᬦᬾᬦᬾᬚᬦᬶ᭞ᬓᬤᬶᬦᬾᬭᬯᭀᬲᬂᬘ᭄ᬦᬶᬂ᭞ᬲᬗ᭄ᬓᬦ᭄ᬬᬦ᭄ᬫᬸᬭ
ᬳᬬᬸ᭞ᬳᭂᬦ᭄ᬢᭀᬓᬃᬫ᭄ᬫᬦᬾᬳᬶᬧᬶᬤᬦ᭄᭞ᬢ᭄ᬫᬦᬶᬧᬸᬦ᭄ᬮᬦ᭄ᬢᬲ᭄ᬚᬦᬶ᭞ᬳᬧᬦᬶᬧᬸᬦ᭄᭞ᬦᬸᬫᬤᬶᬤᬸᬓᬾᬭᬶᬯ᭄ᬓᬲ᭄᭟ᬲᭀᬮᬳᬾᬫᬦᬸᬢᬵᬕᬫ᭞ᬤ᭄ᬫᭂᬦᬶᬧᬸᬦ᭄ᬗᬃᬤ᭄ᬥᬶᬩ᭄ᬘᬶᬓ᭄᭞ᬫᬧᬹᬚᬫᬤᬳᬦᬧᬹᬡ᭄ᬬ᭞ᬓ᭄ᬭᬡ
ᬳᬶᬧᬸᬦ᭄ᬤᬤᬶᬲᬸᬕᬶᬄ᭞ᬬᬦ᭄ᬩ᭄ᬯᬶᬦᬯ᭄ᬓᬲ᭄ᬢᬶᬢᬶᬲ᭄᭞ᬲᬶᬦᬄᬦᬭᬓᬓᬢ᭄ᬧᬸᬓ᭄᭞ᬓᬢᬸᬢᬸᬕ᭄ᬭᬶᬂᬓᬃᬫ᭄ᬫ᭠ᬨᬮ᭞ᬓᬾᬢᭀᬧᬶᬢ᭄ᬕᭂᬲ᭄ᬜᬘ᭄ᬦᬶᬂ᭞ᬧᬢᬹᬢᬶᬧᬸᬦ᭄᭞ᬚᬦᬶᬲ᭄ᬯᬓᬾᬃᬢ᭄ᬢᬶᬮᬶᬫ᭄ᬩᬓᬂ᭟ᬓᬵᬮᬦᬶᬢᬶᬲ᭄ᬩ᭄ᬯᬶᬦᬯ᭄ᬓᬲ᭄᭞
[᭒᭐ 20A]
ᬳᬧᬂᬤᬤᬶᬳᬦᬓᬼᬯᬶᬄ᭞ᬳᬶᬫᬸᬤᬶᬢᬮ᭄ᬕᬧᬶᬲᬦ᭄᭞ᬯᬯᬸᬫᬗᬺᬱᭂᬧᬶᬗ᭄ᬳᬢᬶ᭞ᬫᬮᬶᬳᬶᬧᬸᬦ᭄ᬫᬯᬮᬶ᭞ᬦᬓᭀᬦᬂᬢ᭄ᬓᬾᬦᬶᬕᬸᬭᬸ᭞ᬯᬯᬸᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬫᬵᬦᬸᬱᬦᬾᬫᬮᬶᬄᬦᬶᬳᬶᬲ᭄᭞ᬲ᭄ᬓᭂᬦᬶᬧᬸᬦ᭄᭞ᬓᬵ
ᬮᬧᬥᭂᬫ᭄ᬤᬤᭀᬲ᭄ᬢᬦᬄ᭞ᬲ᭄ᬓᬤᬶᬳᭂᬦ᭄ᬢᬶᬓ᭄ᬳᭂᬦ᭄ᬢᬶᬓᬦ᭄᭞ᬯᭀᬳᬶᬧᬸᬦᬾᬲᬦᬾᬫᭂᬦ᭄ᬢᬶᬓ᭄᭞ᬧᬸ᭠ᬦᬶᬓᬗᬯᬶᬦᬂᬓᬢᬄ᭞ᬭᬶᬓᬭᬶᬓᬶᬳᬶᬧᬸᬦ᭄ᬫᭂᬦ᭄ᬢᬶᬓ᭄᭞ᬲᬾᬯᭀᬲ᭄ᬓᬤ᭄ᬓᬸᬂᬫᬮᬶᬄ᭞ᬤᬤᭀᬲ᭄ᬮᬶᬫ᭄ᬩᬓᬂᬯᬶᬢᬶ᭠
ᬧᬸᬦ᭄᭞ᬓᬤᬶᬫᬗ᭄ᬓᬶᬦᬶᬫᬵᬦᬸᬱ᭞ᬢᬦ᭄ᬧᬯᭀᬄᬢᬦ᭄ᬧᬳ᭄ᬯᬶᬢ᭄᭞ᬓᬸᬤ᭄ᬬᬗᬶᬧᬸᬦ᭄᭞ᬧᬘᬂᬦᬶ᭠ᬢᬶᬲ᭄ᬫᬲᭂᬳ᭄ᬦᬦ᭄᭟ᬯᬦ᭄ᬢᬳᬶᬧᬸᬦ᭄ᬫᬲᭂᬦ᭄ᬢᬦ᭞ᬢᬸᬭᬸᬦ᭄ᬢᬸᬫᬸᬭᬸᬦ᭄ᬮᬸᬄᬫ᭄ᬯᬦᬶ᭞ᬮᬸᬄᬓᬭᬸᬩᬷᬩᬮᬶᬄᬦᬶᬫ᭄ᬩᬮ᭄᭞
ᬭᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬶᬭᬕᬶ᭞ᬢᬢᬸᬭᬶᬧᬸᬦᬾᬕᬩ᭄ᬮᬶ᭞ᬲᬧᬸᬦᬧᬶᬦᬶᬦ᭄ᬤᬶᬓᬶᬧᬸᬦ᭄᭞ᬤᬦᬾᬲᬂ᭠ᬤᬤᭀᬲ᭄ᬫᬵᬦᬸᬱ᭞ᬳᬶᬦᬸᬘᬧ᭄ᬫᬮᬶᬄᬫᬦ᭄ᬤᬺᬱ᭄ᬝᬶ᭞ᬚᬢᬶᬦᬶᬧᬸᬦ᭄᭞ᬧᬸᬦᬶᬓᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭟ᬩᬯᭀᬲ᭄ᬕᬸ᭠
Page:Bali-lontar-gaguritan-gde-upeksa-300ppi.pdf/20
This page has been proofread.
