[᭒᭑ 21B]
᭒᭑
ᬦ᭄ᬢᭀᬢᬓᭀᬦᬂ᭞ᬤᬶᬢᬸᬢᬸᬃᬢᬢ᭄ᬯᬳᬮᬶᬳᬶᬦ᭄᭞ᬓᬾᬦ᭄ᬓᬾᬦ᭄ᬧᬢᬹᬢ᭄ᬲᬂᬕ᭄ᬭᬳᬱ᭄ᬝ᭞ᬫᬶᬯᬄᬪᬶᬓ᭄ᬱᬸ᭠ᬓᬦᬾᬩ᭄ᬯᬦ᭄᭞ᬭᬾᬄᬢᬦ᭄ᬤᬾᬦ᭄ᬩᬦ᭄ᬤᬂᬮᬓᭀᬦᬶᬦ᭄᭞ᬦᭂᬍᬩᬂᬧᬘᬂᬫᬳᬸᬭᬸᬓ᭄᭞ᬳᬓᬾᬢᭀᬘ᭄ᬦᬶᬂᬋ
ᬲᭂᬧᬂ᭞ᬚᬮᬦ᭄ᬫᬢᭂᬕ᭄ᬢᭂᬕᬦ᭄ᬚᬦᬶ᭞ᬧᬗ᭄ᬤᬩᬶᬗᬸᬂ᭞ᬦᬫ᭄ᬧᬶᬧᬶᬢᬸᬢᬸᬭᬫᬢ᭄ᬭ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬳᬸᬲᬦ᭄ᬦᬸᬢᬸᬃᬳᬶᬕ᭄ᬥᬾᬉᬧᬾᬓ᭄ᬱᬩᬸᬤᬮ᭄᭞ᬗᭀᬚᭀᬕ᭄ᬧᬲᬭᬾᬬᬦ᭄ᬗᭂᬢᬶᬲ᭄᭞ᬗᬮᬳᬸᬢ᭄ᬫᬗᬦᬸ
ᬲ᭄᭞ᬫᬭᬧᬸᬍᬲᬚᬺᬧ᭄ᬚᭂᬧᬦ᭄᭞ᬢᬸᬫᬸᬮᬶᬩᬗᬸᬦ᭄ᬫᬗ᭄ᬭᬭᬶᬲ᭄᭞ᬮᬸᬄᬓᬭᬸᬡᬷᬢ᭄ᬭᬕ᭄ᬬ᭞ᬜᬯᬶ᭠ᬲᬂᬕᬸᬭᬸᬦᬾᬓᭀᬧᬶ᭟ᬭᬶᬲᬵᬫ᭄ᬧᬸᬦᬾᬯᬸᬲᬦ᭄ᬗᭀᬧᬶᬲᬫᬶᬕᬶᬭᬂ᭞ᬳᬶᬫᬸᬤᬶᬢᬗᬯᬯᬦᬶᬦ᭄᭞ᬦᬸᬦ᭠
ᬲᬭᬦ᭄ᬲᬢ᭄ᬯ᭞ᬳᬗ᭄ᬕᬾᬦ᭄ᬧᬗ᭄ᬮᬶᬮᬘᬶᬢ᭄ᬢ᭞ᬕᬸᬭᬸᬗᬶᬭᬶᬂᬓᬾᬓᬯᬶᬢᬶᬦ᭄᭞ᬫᬳᬭᬦ᭄ᬲᬢ᭄ᬯ᭞ᬢᬶᬢ᭄ᬬᬂᬤ᭄ᬫᭂᬦ᭄ᬫᬶᬭᬕᬶ᭟ᬲᬢ᭄ᬯᬓᬸᬦᬲᬦᬾᬫᬤᬕᬶᬂᬳᬸᬫᬶᬫ᭄ᬩ᭞ᬫᬮᬶᬄᬢᬶᬢ᭄ᬬᬂᬫᬶᬭᬕᬶ᭞ᬓᭀᬘᬲᬦᬓ᭄ᬮᬯ᭠
[᭒᭒ 22A]
ᬲ᭄᭞ᬓᬮᬶᬦ᭄ᬢᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬫᬓᬪᬹᬓ᭄ᬢᬶᬓᬤᬶᬫᬗ᭄ᬓᬶᬦ᭄᭞ᬧ᭄ᬭᬚ᭄ᬜᬗᬃᬤ᭄ᬥᬶᬲᬢ᭄ᬯ᭞ᬤᬕᬶᬂᬜᬳᬸᬢ᭄ᬢᬫᬯ᭄ᬬᬓ᭄ᬢᬶ᭟ᬫᬮᬶᬄᬦᬶᬫ᭄ᬩᬮ᭄᭞ᬦᬶᬮᬸᬄᬓᬭᬸᬡᬷᬧ᭄ᬭᬡᬫ᭄ᬬ᭞ᬗᬶᬭᬶᬂᬕᬸᬭᬸᬓᬯᬶᬢᬶᬦ᭄᭞ᬫᬸᬧᬸᬂᬯᬾᬦ᭄ᬢᭂ
ᬦ᭄ᬕᬮᬄ᭞ᬩ᭄ᬘᬶᬓ᭄ᬫᬗ᭄ᬓᬶᬦ᭄ᬮᬦ᭄ᬢᬸᬭᬂ᭞ᬳᬸᬲᬦ᭄ᬫᬭᬦ᭄ᬲᬢ᭄ᬯᬫᬮᬶᬄ᭞ᬓᬵᬃᬬ᭄ᬬᬧᬸᬧᬸᬢᬂ᭞ᬫᬗ᭄ᬤᬲᬫᬶᬫᬧᬶᬳᭀᬮᬶᬄ᭟ᬳᬶᬕ᭄ᬥᬾᬉᬧᬾᬓ᭄ᬱᬫᬮᬶᬹᬗ᭄ᬮᬢᬸᬭᬂᬲᬢ᭄ᬯ᭞ᬫᬥᬾᬫᬸᬤᬶᬢᬘ᭄ᬦᬶᬂ᭞ᬮᬸᬄᬓᬭᬸᬡᬶᬫᬸᬯᬄ᭞
ᬕᬸᬭᬸᬚᬦᬶᬜᬢ᭄ᬯᬬᬂ᭞ᬫᬭᬹᬧᬲᬢ᭄ᬯᬦ᭄ᬦᬓ᭄ᬘᭂᬦᬶᬓ᭄᭞ᬳᬦᬢᬓᭀᬘᬧ᭄᭞ᬯ᭄ᬯᭀᬂᬤᬸᬲᬸᬦ᭄ᬤ᭠ᬳᬢ᭄ᬲᬸᬕᬶᬄ᭟ᬢᬸᬃᬫᬳᬤᬦ᭄ᬳᬶᬕ᭄ᬥᬾᬫᬹᬃᬓᬓᭀᬘᬧ᭄᭞ᬤ᭄ᬫᬶᬢᬾᬢᬦ᭄ᬲᬶᬦᬶᬧᬶ᭞ᬤ᭄ᬫᭂᬦ᭄ᬫᬜᬾᬯᬓ᭞᭠
ᬢ᭄ᬯᬭᬩᬦᬶᬦᬳᬃᬕ᭄ᬮᬄ᭞ᬫᬧᬗᬗ᭄ᬕᭀᬤᬓᬶᬘᬸᬯᬶᬮ᭄᭞ᬦᬸᬦᬳᬶᬦᬯᬓ᭄᭞ᬕ᭄ᬮᬄᬧᬶᬲᬕᬦᬾᬳᬶᬤᬶᬄ᭟ᬓᬧᬾᬂᬩ᭄ᬭᭀᬗᭀᬲ᭄ᬫᬩᭀᬗᬲ᭄ᬫᬳᬶᬫ᭄ᬧᬸᬕᬦ᭄᭞ᬯᬮᬸᬬᬫᬭᬹᬧᬕ᭄ᬭᬶᬂ᭞ᬫᭀᬳᬦᬾᬫ᭄ᬭᬾ
Page:Bali-lontar-gaguritan-gde-upeksa-300ppi.pdf/22
This page has been proofread.
