[᭒᭕ 25B]
᭒᭕
ᬩ᭄ᬮᭀᬕ᭄ᬤᬶᬧᬳᬗᭀᬦᬦ᭄᭞ᬘᬭᬶᬢᬬᬂᬕᬸᬭᬸᬚᬦᬶ᭞ᬜᬸᬳᬜᬸᬤ᭄ᬤᬶᬢ᭄ᬮᬩᬄ᭞ᬓᬫ᭄ᬩᬂᬓᬸᬫ᭄ᬩᬂᬫᬓᬫ᭄ᬩᬗᬦ᭄᭞ᬳᬶᬩ᭄ᬮᭀᬕ᭄ᬓᭂᬦ᭄ᬤᭂᬮ᭄ᬜᬕ᭄ᬚᬕᬶᬦ᭄᭞ᬗᬸᬮᬳᬂᬦ᭄ᬫᬓ᭄᭞ᬮᬯᬸᬢ᭄ᬫᭂᬮᬳᬶᬩ᭄ᬫᬸᬮᬶᬄ᭟ᬢ᭄ᬓᭂᬤ᭄ᬚᬸᬫᬄ
ᬮᬯᬸᬢ᭄ᬓᬜ᭄ᬚᬸᬳᬂᬢ᭄ᬓᬾᬦ᭄ᬫᭂᬓᭂᬮ᭄ᬜ᭞ᬢ᭄ᬬᬂᬦᬸᬤᬸᬓ᭄ᬜᬸᬄᬳᬩ᭄ᬲᬶᬓ᭄᭞ᬤᬶᬢ᭄ᬮᬩᬳᬾᬓᬫ᭄ᬩᬂ᭞ᬚᬦᬶᬳᬤᭂᬧᬂᬢ᭄ᬬᬂ᭞ᬮᬶᬄᬓᬦ᭄ᬢ᭄ᬭᬸᬂᬳᭂᬗ᭄ᬲᭂᬓ᭄ᬤᬶᬳᬢᬶ᭞ᬮᬯᬸᬢ᭄ᬫᬗᬸᬘᬧ᭄᭞ᬲᬚᬘᬳᬶᬩ᭄ᬮᭀᬕ᭄ᬕᬢᬶ᭟ᬫᬭ᭠
ᬓᬫ᭄ᬩᬂᬳᭂᬜᬸᬧᬸᬬᬸᬂᬦ᭄ᬢᭀᬳᬤᬦ᭄ᬜ᭞ᬚᬦᬶᬳᬸᬮᬳᬂᬜᬕ᭄ᬚᬕᬶᬦ᭄᭞ᬩᬾᬩᬾᬓ᭄ᬧᬗ᭄ᬤᬳᬶᬮᬂ᭞ᬳᬶᬩ᭄ᬮᭀᬕ᭄ᬮᬯᬸᬢ᭄ᬗᭀᬤᬾᬩ᭄ᬭᬲ᭄᭞ᬜᬕ᭄ᬚᬕᬶᬦ᭄ᬩᬾᬩᬾᬓ᭄ᬫᬯᬮᬶ᭞ᬢ᭄ᬓᭂᬤ᭄ᬤᬶᬧᬗᭀᬦᬦ᭄᭞ᬩᬾ
ᬩᬾᬓ᭄ᬤᬶᬢ᭄ᬮᬩᬳᬾᬲᬫᬶ᭟ᬓᬫ᭄ᬩᬂᬓᬸᬫ᭄ᬩᬂᬩᬾᬩᬾᬓᭂᬗ᭄ᬮᬗᬶᬤᬶᬢᭀᬬ᭞ᬓ᭄ᬦᭂᬄᬓ᭄ᬦᭂᬄᬳᬶᬩ᭄ᬮᭀᬕ᭄ᬚᬦᬶ᭞ᬳᭂᬜᬸᬄᬧᬸᬬᬸᬂᬓᬫ᭄ᬩᬂ᭞ᬩᬾᬩᬾᬓᬾᬓᬫ᭄ᬩᬂᬫᬓ᭄ᬚᬂ᭞ᬩᬾᬩᬾᬓ᭄ᬧᬸᬬᬸᬂᬦᬾᬳᬶᬗᭀᬦᬶᬦ᭄᭞᭠
[᭒᭖ 26A]
ᬲᬓᬶᬂᬩᬚᬶᬕᬃ᭞ᬫ᭄ᬓᭂᬮ᭄ᬧᬦ᭄ᬧᬓ᭄ᬦᭂᬄᬢᬸᬯᬶ᭟ᬗᬸᬤ᭄ᬬᬂᬩᬾᬩᬾᬓ᭄ᬧᬸᬬᬸᬂᬢᬸᬦ᭄ᬤᬾᬦᬗᬗᭀᬦᬂ᭞ᬧᬮᬶᬂᬫ᭄ᬮᬄᬦᬾᬦᬾᬚᬦᬶ᭞ᬮᬦ᭄ᬢᬶᬕ᭄ᬬᬫᬓ᭄ᬚᬂ᭞ᬫᬵᬢᬶᬬᬂᬮᬯᬸᬢ᭄ᬓᬸᬢᬂ᭞ᬲᬸᬩᬮᬦ᭄ᬢᬲ᭄ᬓᬮᬦ᭄ᬢᬶᬕᬶ᭠
ᬦ᭄᭞ᬫᬵᬢᬶᬫᬓ᭄ᬚᬂ᭞ᬳᬜᬸᬤ᭄ᬗᬢ᭄ᬩᬾᬦᬂᬲᬫᬶ᭟ᬲᬸᬩᬲᭀᬭᬾᬳᬶᬩ᭄ᬮᭀᬕ᭄ᬫᬸᬮᬶᬄᬗᬾᬗ᭄ᬕ᭠ᬮᬂ᭞ᬢ᭄ᬓᬤ᭄ᬚᬸᬫᬄᬲ᭄ᬩᭂᬂᬚ᭄ᬜᬶᬲ᭄᭞ᬫᬸᬘᬧ᭄ᬫᬢᬸᬗ᭄ᬓᬤ᭄ᬩᬗ᭄ᬓ᭄ᬬᬂ᭞ᬳᬶᬄᬫ᭄ᬓᭂᬮ᭄ᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬢᬦ᭄ᬧᬲ᭄ᬫᬸᬳᬶᬭᬶ
ᬳᬢᬶ᭞ᬗᬸᬤᬶᬬᬂᬯᬕ᭄᭞ᬩᬾᬩᬾᬓ᭄ᬧᬸᬬᬸᬂᬧᬗᭀᬦᬶᬦ᭄᭟ᬫᬭᬢᬸᬳᬸᬦ᭄ᬤᬶᬢ᭄ᬮᬩᬳᬾᬓᬫ᭄ᬩᬂᬓᬸᬫ᭄ᬩᬂ᭞ᬓᬮᬦ᭄ᬢᬶᬕ᭄ᬫᬵᬢᬶᬬᬂᬲᬫᬶ᭞ᬳᭂᬗ᭄ᬲᭂᬓ᭄ᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬫᬗ᭄ᬭᬲᬢ᭄ᬓᬾᬦ
ᬯᬓ᭄᭞ᬚᬦᬶᬲᬢᬹᬢ᭄ᬧ᭄ᬮᬚᬳᬶᬦ᭄᭞ᬳ᭄ᬤᬧᬸᬗ᭄ᬕᭂᬮ᭄ᬫᬦᬄ᭞ᬩᬵᬦ᭄ᬤᭀᬢ᭄ᬢᭂᬓᬾᬦ᭄ᬧᬦᬓ᭄ᬫ᭄ᬯᬦᬶ᭟ᬚᬦᬶᬩ᭄ᬮᭀᬕ᭄ᬲᬫ᭄ᬧᬶᬦᬾᬘᬳᬶᬗᬗᭀᬦᬂ᭞ᬢ᭄ᬓᭂᬓᬂᬢᬮᬶᬦ᭄ᬦᬾᬗᬶᬲᬶ᭞ᬳ᭄ᬤᬧᭂᬲᬦ᭄ᬮᬾᬩᬂ᭞ᬳᬧᬂᬳ᭄ᬤᬬ
Page:Bali-lontar-gaguritan-gde-upeksa-300ppi.pdf/26
This page has been proofread.
