[᭒᭙ 29B]
᭒᭙
ᬗᭂᬳᬂ᭞ᬳᬶᬩ᭄ᬮᭀᬕ᭄ᬫᬲᬤᬸᬲ᭄ᬤᬶᬄ᭞ᬦᬸᬮᬶᬗ᭄ᬭᬯᭀᬲ᭄ᬩᬦ᭄ᬩᬦ᭄᭞ᬩ᭄ᬮᭀᬕ᭄ᬚᬦᬶᬧᬤᬶᬗᭂᬳᬂ᭞ᬲᭀ᭠ᬮᬄᬳᬶᬩᬳᬧᬂᬩ᭄ᬘᬶᬓ᭄᭞ᬳᬯᬓᬾᬧ᭄ᬮᬚᬳᬂ᭞ᬫᬕᬳᬾᬳᬦ᭄ᬚᭂᬗᬦ᭄ᬢᭂᬗᬶᬦ᭄᭟ᬚᬦᬶᬘᬳᬶᬗᬦ᭄ᬢᬾᬦ᭠
ᬚᬓ᭄ᬦᬶᬮᬸᬄᬲ᭄ᬓᬭ᭄᭞ᬓᬾᬯᬮᬧ᭄ᬮᬧᬦᬶᬦ᭄᭞ᬬᬲᬓᬶᬦᬶᬹᬢᬳᬶᬬᬦ᭄᭞ᬳ᭄ᬤᬧᬢᬶᬯᬶᬭᭀᬱ᭞ᬢᬸᬲᬶᬂ᭠ᬤᬤᬶᬬᬕᭂᬫᭂᬲᬶᬦ᭄᭞ᬚᬦᬶᬮᬯᬸᬢᬂ᭞ᬗᬦ᭄ᬢᬾᬦ᭄ᬤᬶᬩᬮᬾᬤᬗᬶᬦ᭄᭟ᬫᬓᭂᬫ᭄ᬩᬭᬦ᭄ᬫᬤᬦ᭄ᬤᬦ᭄ᬮᬶᬫᬫᬚ᭠
ᬮᬦ᭄᭞ᬫᬦᬸᬚᬸᬫᬩ᭄ᬮᬾᬤᬗᬶᬦ᭄᭞ᬫᬗᬾᬜᭀᬭᬾᬜᭀᬭᬦ᭄᭞ᬮ᭄ᬕᬦᬫ᭄ᬢᬫᬶᬦ᭄ᬓᬲᬸᬓᬦ᭄᭞ᬮᬫᬶᬲᬸᬩᬬᬦᬫ᭄ᬢᬫᬶᬦ᭄᭞ᬲᬸᬓᬲᬂᬕᬫ᭞ᬳᬶᬩ᭄ᬮᭀᬕ᭄ᬫᬧᬶᬦᭂᬄᬚᬦᬶ᭟ᬦᬶᬮᬸᬄᬲ᭄ᬓᬃᬚᬦᬶᬮᬓᬃᬓ
ᬲᬬᬗᬂ᭞ᬤᬶᬚᬶᬦᭂᬂᬧᬸᬍᬲᬂᬩ᭄ᬘᬶᬓ᭄᭞ᬫᬗ᭄ᬤᬳᬦᬓ᭄ᬦᬯᬂ᭞ᬲᬶᬦᬄᬮᬓᬃᬧᬤᬶᬓ᭞ᬬᬦ᭄ᬦᬶᬲ᭄ᬓᬃᬓᬳᬸᬦᬶᬗᬶᬦ᭄᭞ᬚ᭄ᬕᬾᬕ᭄ᬫᬗᬬᬂ᭞ᬜᬦ᭄ᬤᬂᬧᬶᬦᬓᬭᬩᬶ᭟ᬧᬫ᭄ᬭᬕᬢ᭄ᬜᬦᬶᬮᬸᬄᬲ᭄ᬓᬃᬓᬲᬬᬗᬂ᭞ᬢᬸᬲᬶᬂᬩᬗᬓ᭄ᬫᬫ᭠
[᭓᭐ 30A]
ᬳᬶ᭞ᬤᬶᬚᬶᬦᭂᬂᬲᭂᬧ᭄ᬮᬂ᭞ᬕ᭄ᬮᬶᬲᬶᬂᬲᬢ᭄ᬯᬘᬭᬶᬢ᭞ᬗᭂᬦ᭄ᬢᬳᬳᬶᬬᬦᬾᬚᬦᬶ᭞ᬳ᭄ᬩᬄᬗᬺᬫ᭄ᬧᬬᬓ᭄᭞ᬫᬦ᭄ᬢᭂᬧᬦ᭄ᬧᭂᬲᬸᬕ᭄ᬢᬶᬄ᭟ᬚ᭄ᬭᭀᬦᬶᬂᬫᬵᬢᬶᬳᬶᬧᬸᬦ᭄ᬦᬶᬮᬸᬄᬲ᭄ᬓᬭ᭄᭞ᬳᬶᬩ᭄ᬮᭀᬕᬼᬕᬫᬓ᭄ᬫᬶᬢ᭄᭞ᬢᬸᬲᬶᬂᬳ᭄ᬬ
ᬧᬸᬍᬲᬦ᭄᭞ᬚᬩᬦ᭄ᬚᬶᬦᭂᬂᬫᬚᬕ᭄ᬭ᭞ᬢᬓᬸᬢ᭄ᬢᬯᬗᬦᬓ᭄ᬯ᭄ᬬᬓ᭄ᬢᬶ᭞ᬓᬲ᭄ᬯᬾᬦᬶᬂᬤᬶᬦ᭞ᬩᬗᭂᬲ᭄ᬩᬗ᭄ᬓᬾᬦᬾᬧ᭄ᬗᬶᬢ᭄᭟ᬤᬤᬶᬕ᭄ᬮᬸᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄ᬫᬓᭂᬲ᭄ᬬᬩ᭄᭞ᬯᬶᬭᬾᬄᬫᬳᬫ᭄ᬩᬸᬧ᭄ᬗᬶᬢ᭄᭞ᬩᬗᭂᬲ᭄ᬗᭂᬩᭂᬓᬶᬦ᭄ᬓᬭᬂ᭞
ᬮᬯᬸᬢ᭄ᬬᬦᬫᬓᭀᬦᬂ᭞ᬩ᭄ᬮᭀᬕ᭄ᬤᬶᬚᬦᬶᬮᬸᬄᬚᬦᬶ᭞ᬲᬶᬂᬢᬳᬾᬦ᭄ᬗᭂᬦᬄ᭞ᬳᬸᬮᬶᬫᬓ᭄ᬮᭀᬕᬢᬶ᭟ᬫ᭄ᬓᭂᬦ᭄ᬦᬶᬮᬸᬄᬲ᭄ᬓᬃᬓᬲᬬᬗᬂᬢ᭄ᬬᬂ᭞ᬤᬶᬚᬶᬦᭂᬂᬲᭂᬧ᭄ᬮᬂᬳᬶᬮᬶᬤ᭄᭞ᬢ᭄ᬬᬂᬗ᭄ᬩᬓ᭄ᬤᬶᬚᬩᬬᬦ᭄᭞ᬧ᭄ᬢᭂᬂᬮ᭄ᬫᬄᬲᬶᬂᬧᬸ
ᬍᬲᬦ᭄᭞ᬳᬧᬗ᭄ᬤᬚ᭄ᬯᬂᬫᬮᬶᬂ᭞ᬲᬗ᭄ᬓᬦ᭄ᬓᬶᬮᬶᬤᬂ᭞ᬳᬧᬂᬢᬸᬲᬶᬗᬦᬓ᭄ᬫᬤᬶᬓ᭄᭟ᬲᬬᬦ᭄ᬲᬬ᭠ᬦ᭄ᬦᬶᬮᬸᬄᬓᬦ᭄ᬢ᭄ᬭᬸᬗᬦ᭄ᬲᬗ᭄ᬰᬬ᭞ᬕᬕᬾᬲᭀᬦ᭄ᬫᬦ᭄ᬮᭀᬓᬶᬦ᭄᭞ᬚᬶᬦᭂᬗᬾᬕᬕᬳᬂ᭞ᬢ᭄ᬧᬸᬓ᭄ᬩᬗ᭄ᬓᬾᬦᬾᬜᭂᬫ᭄ᬧᬂ᭞
Page:Bali-lontar-gaguritan-gde-upeksa-300ppi.pdf/30
This page has been proofread.
