[ ᭖ 6B]
᭖
ᬫ᭄ᬧᬶᬢᬾᬲᬬᬦ᭄ᬮᬶᬬᬸ᭟ᬫᬲᬶᬄᬢ᭄ᬯᬭᬦᬯᬂᬲᬓᬶᬢ᭄ᬤᬤᬶᬫᬘᬦ᭄ᬧᬮᬦ᭄ᬩᬸᬮᬸᬦ᭄ᬜᬦᬾᬮᬶᬬᬸᬳᬳᬲ᭄ᬗᬦ᭄ᬓᬮᬶᬫ᭄ᬧᬶᬢ᭄ᬲᬓᬶᬢᬓᬋᬧᬗᬫᬄᬧᬥᬫᭀᬓᭀᬄᬩᬸᬳᬶᬦ᭄ᬮᬶᬬᬸᬢ᭄ᬯᬭᬗ᭄ᬭᬲᬡ
ᬳᬢ᭄ᬓᬧᬜ᭄ᬚᬓᬂᬩᬦ᭄ᬓᬮᬶᬫ᭄ᬧᬶᬢ᭄ᬫᬘᬦᬾᬫᬲᬶᬄᬫᬜᬭᬧ᭄ᬓᬮᬶᬫ᭄ᬧᬶᬢᬾᬤᬤᬶᬍᬫᬸᬄ᭟ᬳᬶᬢᬶᬩᬸᬂᬓᭂᬥᬾᬓ᭄ᬤᬶᬳᬢᬶᬫᬦᬶᬗᭂᬳᬂᬧᬗ᭄ᬭᬯᭀᬲ᭄ᬳᬦᬓᬾᬳᬕᬸᬂᬭᬢᬸᬢᬶᬢ᭄ᬬᬂᬧᬫᬶ
ᬢ᭄ᬳᬦᬓᬾᬳᬕᬸᬂᬗᬦ᭄ᬤᬶᬓᬫᬚᬮᬦ᭄ᬚᬘᬳᬶᬫᬦ᭄ᬢᬸᬓ᭄ᬳᬗ᭄ᬳᬶᬂᬳᬧᬂᬢᬗᬃᬤᬾᬦᬶᬂᬤᬸᬱ᭄ᬝᬫᬲᬦ᭄ᬚᬦᬶᬳᬶᬢᬶᬩᬸᬂᬓᭂᬥᬾᬓ᭄ᬫᬗ᭄ᬓᬓ᭄ᬳᬧᬂᬧᬶᬲᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭟ᬫᬥᬾᬢᬶᬩᬸᬂᬭᬭᬶᬲ᭄ᬫᬸ
ᬮᬶᬄᬢᭂᬓᭂᬤ᭄ᬚᬸᬫᬄᬓᭀᬘᬧᬦ᭄ᬳᬦᬓᬾᬳᬕᬸᬂᬳᬮᬶᬗ᭄ᬕᬃᬫᬦᬗ᭄ᬓᬶᬮ᭄ᬫᬗ᭄ᬭᬯᭀᬲᬂᬓᬓᬍᬘᬦ᭄ᬚᬮᬦ᭄ᬮᬸᬯᬲ᭄ᬦᬾᬩᬶᬦ᭄ᬢᭂᬮᬸᬦ᭄ᬫᬗᭂᬦ᭄ᬤᭀᬦ᭄ᬓᬲᬶᬩᬂᬚᬩᬓᬸᬝᬵᬧᬥᬫᬳᬶᬲᬂᬮᬶᬫ᭄ᬧᬃᬲ
[ ᭗ 7A]
ᬭᬓᬂᬢᬩᬦᬦ᭄ᬩᬢᬸᬩᬸᬮᬦ᭄ᬤᬾᬢᬚᬼᬧᬸᬂ᭟ᬧᬋᬓᬦᬾᬳᬶᬓᬫᭀᬦᬶᬂᬲᬸᬩᬢᬸᬯᬫᬢᬸᬭᬶᬳᬦᬓᬾᬳᬕᬸᬂᬭᬢᬸᬢᬶᬢ᭄ᬬᬂᬧ᭄ᬬᬸᬦᬶᬂᬳᬸᬚᬃᬧᬜ᭄ᬚᬓᬾᬤᬶᬚᬩᬵᬭᬯᬸᬄᬭᬶᬂᬘᭀᬓᭀ
ᬭᬶᬭᬢᬸᬓᬯᭀᬦ᭄ᬫᬦᬄᬢᬶᬢ᭄ᬬᬂᬤᬲ᭄ᬢᬶᬢᬶᬢ᭄ᬬᬗᬾᬢᬦ᭄ᬲᬶᬧᬶᬤᬤᬶᬧᬜ᭄ᬚᬓ᭄ᬱᬸᬩᬢᬸᬯᬵᬫᬦᬄᬢᬶᬢ᭄ᬬᬂᬓᬤᬶᬤᬸᬫᬸᬦ᭄᭟ᬩᬦ᭄ᬳᬶᬧᬸᬦᬾᬧᬥᬩᬦᬶᬫᬗᭀᬜ᭄ᬘᬭᬂᬳᬶᬯᬂᬧᬗ᭄ᬭ
ᬯᭀᬲᬶᬭᬢᬸᬧ᭄ᬭᬩᭂᬓᭂᬮᬾᬗᬸᬦᬶᬲᬫᬶᬧᬥᬓᬕᭂᬦ᭄ᬢᭀᬲᬶᬦ᭄ᬧᬫᬢᭂᬔᬦᬓᬾᬳᬕᬸᬂᬳᬶᬭᬢᬸᬩ᭄ᬮᬂᬩᬗᬦ᭄ᬧᬥᬤᬦᬾᬰᬹᬭᬾᬂᬚᬸᬭᬶᬢ᭄ᬧᬸᬦᬶᬓᬵᬭᬢᬸᬧ᭄ᬮᬶᬳᬂᬫᬗᬸᬯᬶᬦᬾᬤᬤᬶᬋ
ᬡ᭄ᬥᬸᬄ᭟ᬲᬫ᭄ᬧᬸᬦ᭄ᬤᬦᬾᬓᬚᬚᬸᬮᬸᬓᬶᬦ᭄ᬳᬦ᭄ᬢᬸᬓ᭄ᬤᬾᬯᬢᬵᬕᬸᬲ᭄ᬢ᭄ᬢᬶᬯᬬᬦ᭄ᬧᬦ᭄ᬤᬾᬓᬲᬸᬩ᭄ᬮᬦᬶᬲᬯᬸᬂᬕᬮᬶᬂᬤᬦᬾᬕ᭄ᬭᬲᬶᬓᭂᬢᬸᬢ᭄ᬩᬓᬸᬗᬦ᭄ᬕᬸᬲᬶᬦᭂᬗᬄᬘᬶᬮᬶᬕᬥᬸᬂᬳᬶᬫᬥᬾᬦᬵᬕᬭᬵ
Page:Bali-lontar-gaguritan-gita-yuda-manguwi-300ppi.pdf/7
This page has been proofread.
