[᭔᭘ 48b]
᭔᭘
ᬗ᭄ᬕᬾᬦ᭄ᬓᬦ᭄ᬢᬾᬦᬦ᭄᭟᭓᭖᭞ᬬᬾᬦᬶᬂᬍᬓᭂᬢ᭄ᬫᬲᬯᬶᬢ᭄ᬭᬵ᭞ᬭᬶᬂᬩᬩᭀᬢᭀᬄᬦᬾᬗᬸᬤᬕ᭄ᬳᬤᬶᬕ᭄᭞ᬲᬶᬦᬄᬦᬸᬢᬸᬕ᭄ᬫᬓᭂᬍᬘᬦ᭄᭞ᬗᬸᬢᬂᬓᬵᬃᬬ᭄ᬬᬚᬶᬦᬄᬮᬶᬲᬶᬓ᭄᭞ᬭᬶᬂᬲᬂᬗᭂᬧᬸᬂᬲᬸ
ᬓᬦ᭄ᬳᬢᬶ᭞ᬫᬲᬯᬶᬢ᭄ᬭᬵᬕ᭄ᬭᬤᬕ᭄ᬕᭂᬭᬸᬤᬸᬕ᭄᭞ᬧᬕ᭄ᬮᬳᬦ᭄ᬲᬳᬶᬗᬸᬋᬤᬂ᭞ᬭᬶᬂᬳᬦᬓ᭄ᬕᭂᬫᭂᬲ᭄ᬜᬓᬶᬢᬶᬦ᭄᭞ᬢᬸᬃᬫᬫᬸᬲᬸᬄ᭞ᬫᬓᬦ᭄ᬢᬶᬲᬵᬢ᭄ᬓᬦᭂᬭᬓᬦ᭄᭟᭓᭗᭞ᬭᬶᬂᬲᬂᬫᬧᬸᬜᬄᬧᬸ
ᬜᬳᬦ᭄᭞ᬩᬳᬗᭂᬢ᭄ᬍᬓᭂᬢᬾᬫᬓᬦ᭄ᬢᬶ᭞ᬚᬕᬲᬋᬂᬫᬲᬤᬾᬕᬦ᭄᭞ᬭᬶᬂᬲᬂᬮᬶᬜᭀᬓ᭄ᬦᬧᬶᬫᬮᬶᬄ᭞ᬲᬶᬧᬢ᭄ᬜᬵᬩᭀᬩᬤ᭄ᬯᬭᬶᬲᬶᬦ᭄᭞ᬲᬶᬦᬄᬲᭂᬦᭂᬂᬗᬸᬮᬸᬓ᭄ᬗᬸᬮᬸᬓ᭄᭞ᬭᬶᬂᬲᬂ
ᬲᭂᬦᭂᬂᬗᬤᬸᬳᬤᬵ᭞ᬗᬤᬸᬓᬂᬫᬓᬸᬮᬯᬃᬕᬶ᭞ᬚᬦ᭄ᬢᭀᬲ᭄ᬳᬸᬯᬸᬕ᭄᭞ᬫᬋᬩᬢ᭄ᬫᬫᬸᬲᬸᬄᬫᬸᬲᬸᬳᬦ᭄᭟᭓᭘᭞ᬦᭂᬫ᭄ᬦᭂᬫ᭄ᬪᬬᬦᬾᬢᭂᬫᭀᬓᬂ᭞ᬬᬦ᭄ᬢᬗᬮᬶᬳᬶᬦ᭄ᬫᬓᬦ᭄ᬢᬶ᭞ᬩᬩᭀ
[᭔᭙ 49A]
ᬢᭀᬄᬳᬗ᭄ᬕᭀᬦ᭄ᬲᬯᬶᬢ᭄ᬭᬵ᭞ᬚᬦ᭄ᬫᬵᬗᬸᬢᬂᬗᬸᬢᬂᬫᬮᬶᬄ᭞ᬗᬭᬯᬸᬳᬶᬦ᭄ᬗᬗ᭄ᬕᬾᬦ᭄ᬓᬦ᭄ᬢᬶ᭞ᬢᬍᬃᬲᬕᬮᬂᬲᬕᬸᬮᬸᬂ᭞ᬭᬶᬂᬲᬂᬫᬧᬸᬜᬳᬦ᭄᭞ᬧᬸᬦᬶᬓᬵᬓᭂᬦᬶᬢᬸᬢᬸ᭠
ᬢᬶᬦ᭄᭞ᬗᬯᬾᬤᬸᬭᬸᬲ᭄᭞ᬧᬤᬺᬯᬾᬬᬦᬾᬜ᭄ᬭᭀᬤ᭄ᬲᭀᬤᬂ᭟᭓᭙᭞ᬫᬮᬶᬄᬚᬤ᭄ᬫᬵᬲᬦᬾᬩᭀᬩᬩ᭄᭞ᬧᬸᬦᬶᬓᬵᬲᬦᬾᬦᬫ᭄ᬧᭂᬓᬶᬦ᭄᭞ᬲᬶᬦᬄᬲᬋᬂᬓᬮᬄ
ᬮᬳᬦ᭄᭞ᬲᬂᬕᭂᬫᭂᬲ᭄ᬫᬫᬢᬶᬫᬢᬶ᭞ᬳᬕᬭᬯᬸᬄᬗᬗ᭄ᬕᬾᬦ᭄ᬓᬦ᭄ᬢᬶ᭞ᬲᬳᬲᬵᬦᬾᬕᭂᬮᬶᬲ᭄ᬦᬸᬤᬸᬢ᭄᭞ᬳᬦᬓ᭄ᬲᭂᬦᭂᬂᬫᬗᬤᬸᬓᬂ᭞ᬗᬯᬾᬋᬩᬢ᭄ᬓᬸᬮᬯᬃᬕᬶ᭞ᬲᬫᬶ᭠
ᬦ᭄ᬳᬶᬧᬸᬦ᭄᭞ᬧᬭᬓᬦ᭄ᬢᬶᬲᬦᬾᬘᭀᬭᬄ᭟᭔᭐᭞ᬯᬾᬦ᭄ᬢᭂᬦ᭄ᬧᬭᬸᬭᬸᬗᬦ᭄ᬭᬸᬲᬓ᭄᭞ᬧᬸᬦᬶᬓᬵᬲᬧᬢᬾᬍᬗᬶᬢ᭄᭞ᬲᭂᬦᭂᬂᬫᬫᬍᬲ᭄ᬫᬍᬲᬦ᭄᭞ᬫᬵᬗ᭄ᬕᬸᬃᬳᬗ᭄ᬕᬸᬭ
