This page has been proofread.
[᭙ 9B]
᭙
ᬦ᭄᭞ᬳᬦᬓ᭄ᬗᬩᬾᬦ᭄ᬘᬭᬫᬗ᭄ᬓᬶᬦ᭄᭞ᬫᬗ᭄ᬓᬶᬦ᭄ᬯᬯᬸᬫᬧᬶᬢᬸᬗᬦ᭄᭞ᬭᬭᬶᬲ᭄ᬫᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬧᬸᬧᬸᬢ᭄ᬤᬓ᭄ᬱᬶᬦᬓᬓᬮᬶᬄ᭞ᬫ᭄ᬯᬂᬘᬦᬂ
ᬕᭂᬦ᭄ᬢᭂᬦ᭄ᬧᬯᬶᬢᬸ᭞ᬘᬦᬾᬩᬸᬗᬓᬯᬗᬸᬦᬂ᭞ᬫᬗ᭄ᬤᬧᬸᬧᬸᬢ᭄ᬳᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬲᬶᬦ᭄ᬥᬧᬸᬧᬸᬢ᭄᭞ᬫᬗ᭄ᬓᬶᬦ᭄ᬳᬗ᭄ᬕᬾᬦ᭄ᬫ᭄ᬭᬕᬢᬂ᭟ᬢᬶᬗ᭄ᬓᬄᬗᬩᬾ
ᬦ᭄ᬫᬢ᭄ᬕᭂᬧᬦ᭄᭞ᬦᬾᬫᬘᬭᬳᬓᬾᬄᬫᬮᬶᬄ᭞ᬦᬾᬲᬸᬕᬶᬄᬫᬗ᭄ᬮᬄᬩ᭄ᬭᬡ᭞ᬓᬩᬾᬩᬲᬂᬗᬩᬾᬦ᭄ᬗᬱ᭄ᬝᬶ᭞ᬦᬄᬫᬢᬸᬫ᭄ᬧᬂᬲᭀᬮᬲ᭄ᬤᬤᬶ᭞ᬬ
ᬦ᭄ᬜᬶᬤ᭄ᬟᬬᬂᬢᬸᬫ᭄ᬧᬂᬮ᭄ᬬᬸ᭞ᬬᬤ᭄ᬬᬦ᭄ᬧᬢᬸᬮᬗᬦ᭄ᬕᬚᬄ᭞ᬬᬦᬶᬂᬲᬸᬩᬗ᭄ᬮᬄᬧᬶᬧᬶᬲ᭄᭞ᬳᬧᬂᬮᬓᬸ᭞ᬩᬭᬂᬮ᭄ᬯᬭᬾᬳᬾᬗ᭄ᬕᬮᬦ᭄᭟ᬕᬸᬫᬶᬩ
[᭑᭐ 10A]
ᬮᬶᬫᬗ᭄ᬬᬬᬸᬳᬦ᭄᭞ᬫᬸᬮᬦ᭄ᬦᬦᬂᬤᬤᬶᬕᬸᬲ᭄ᬢᬶ᭞ᬗᬫ᭄ᬩᬶᬮ᭄ᬓᬭᬂᬧᬮᬶᬂᬳᬾᬮᬄ᭞ᬤᬾᬯᬲᬦᬾᬓᬧᬶᬮᬶᬳᬶᬦ᭄᭞ᬧᬤᬲᬫ᭄ᬧᬸᬦ᭄ᬓᬢᬭᬶᬦᬶᬦ᭄
᭞ᬲᬫ᭄ᬢᭀᬦᬾᬲᬫᬶᬳᬦᬸᬢ᭄᭞ᬗᬯᬾᬫᬮᬶᬄᬧᬮᬶᬗ᭄ᬕᬶᬳᬦ᭄᭞ᬚᬫ᭄ᬧᬦᬦᬾᬲᬳᬳᬮᬶᬢ᭄᭞ᬫᬗ᭄ᬤᬾᬳᬦᬸᬢ᭄᭞ᬲᬧ᭄ᬭᬢᬶᬗ᭄ᬓᬄᬫᬧ᭄ᬭᬦᬯ
᭟ᬲᬓᬶᬂᬫᬶᬍᬄᬯᬾᬦ᭄ᬢᭂᬦ᭄ᬫᭂᬤᬮ᭄᭞ᬧᬮᬸᬢᬸᬓᬾᬗᬯᬲ᭄ᬢᬦᬶᬦ᭄᭞ᬲᭀᬮᬄᬫᬳᬩᬾᬦ᭄ᬳᬩᬾᬦᬦ᭄᭞ᬭᬾᬄᬫᬓᬾᬄᬲᬂᬗᬫᬃᬕ᭄ᬕᬶᬦᬶᬦ᭄᭞ᬓᬲ᭄ᬯᬾ
ᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬲᭀᬯᬂᬲᭀᬯᬂᬲᬶᬤ᭄ᬥᬧᬸᬧᬸᬢ᭄᭞ᬚᬕᬢᬾᬭᬶᬂᬩᬮᬶᬓ᭄ᬤᬲ᭄᭞ᬗᬦᬸᬢᬶᬦ᭄ᬲᭀᬮᬄᬫᬫᬃᬕ᭄ᬕᬶ᭞ᬤᬩ᭄ᬤᬩ᭄ᬲᬫ᭄ᬧᬸ
