This page has been proofread.
[᭑᭖ 16B]
᭑᭖
ᬗ᭄ᬕᬶᬄ᭞ᬧᬤᬗᬶᬢᬸᬂᬩᬩᬦ᭄ᬤᬭᬦ᭄᭟ᬫᬮᬶᬄᬫᬮᬶᬗ᭄ᬕᬶᬄᬭᬶᬂᬧᬸᬮᬢ᭄᭞ᬓᬳᬸᬘᬧᬂᬲᬓᬶᬂᬗᬸᬦᬶ᭞ᬚᬕᬢ᭄ᬩᬤᬸᬂᬕᬸᬩᭂᬃᬦᬸᬭᬦ᭄᭞ᬩ᭄ᬭᬳ᭄ᬫ
ᬡᬦ᭄ᬜᬫᬗ᭄ᬕᭂᬄᬯᬶᬓᬸ᭞ᬧᬢᬸᬢ᭄ᬯᬶᬓᬸᬜᬦ᭄ᬤᬂᬯᬶᬓᬦ᭄᭞ᬫᬭᬶᬂᬳᬶᬦ᭄ᬤᬶᬓ᭄᭞ᬲᬫ᭄ᬧᬸᬦ᭄ᬓᬲᬸᬫ᭄ᬩᬸᬂᬭᬶᬂᬚᬕᬢ᭄᭟ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬗᬸᬯᬸᬩ᭄ᬕᭂ
ᬦᬄ᭞ᬓᬧᬶᬂᬓᬮᬶᬄᬗᬸᬯᬸᬩ᭄ᬳᬶᬦ᭄ᬤᬶᬓ᭄᭞ᬳᬦᬓ᭄ᬧᬓᬬ᭄ᬬᬦ᭄ᬜᬓᬾᬢᭀ᭞ᬗᬸᬮᬶᬓ᭄ᬰᬲ᭄ᬭ᭄ᬢᬗᬶᬦᭂᬂᬢᬸᬢᬸᬃ᭞ᬢᭀᬂᬳᬤᬓᭂᬚᬶᬮ᭄ᬳᬫᬢ᭄ᬭ᭞
ᬲᬸᬩᬭᬶᬭᬶᬄ᭞ᬩ᭄ᬯᬶᬦ᭄ᬫᬳᬦ᭄ᬢᭀᬗᭀᬲ᭄ᬫᭂᬮᬄ᭟ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬧᬤᬢ᭄ᬬᬕ᭞ᬧᬘᬂᬮᬸᬗ᭄ᬳᬓᬩᬲᬓᬶᬄ᭞ᬧᬓᬬᬸᬦᬦ᭄ᬳᬶᬤ
[᭑᭗ 17A]
ᬳᬾᬕᬃ᭞ᬦᭀᬭᬯᬾᬦ᭄ᬢᭂᬦ᭄ᬲᬦ᭄ᬢᬸᬮ᭄ᬲᬦ᭄ᬢᬸᬮ᭄᭞ᬲᬮᬶᬂᬧᬭᬶᬦ᭄ᬢᬄᬳᬲᬭᬢ᭄᭞ᬢᬸᬃᬓᬚᬫᬶᬦ᭄᭞ᬕᬕ᭄ᬮᬭᬦ᭄ᬳᬦ᭄ᬢᬸᬓ᭄ᬚᬶᬦᬄ᭟ᬲᬶ
ᬬᬦ᭄ᬤᬦᬾᬲᬫ᭄ᬧᬸᬦ᭄ᬓᬢᬸᬭᬦ᭄᭞ᬧᬸᬧᬸᬢ᭄ᬗᬶᬮᬾᬦᬂᬫᬫᬃᬕ᭄ᬕᬶ᭞ᬫᬳᬶᬭᬶᬗᬦ᭄ᬤᬬᬸᬓᬢᬄ᭞ᬧᬲᬶᬄᬳᬶᬤᬩᬕᬸᬲ᭄ᬮ᭄ᬬᬸ᭞ᬳᬤᭀᬫ᭄ᬳ
ᬦᭀᬫ᭄ᬤᭂᬳᬤᭂᬳ᭞ᬤᭂᬳᬲᬭᬶ᭞ᬳᬦᬾᬲᬭᬸᬫᬲᬶᬄᬳᬤ᭟ᬢᬦ᭄ᬓᭀᬘᬧ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬳᬓᬾᬄᬬᬦ᭄ᬲᬢ᭄ᬯᬬᬂᬫᬮᬶᬄ᭞
ᬭᬶᬂᬢᬩᬦᬦ᭄ᬬᬦ᭄ᬢᬓᭀᬘᬧ᭄᭞ᬤᬬᬸᬫᬧᬶᬮᬶᬄᬦᬾᬤᬸᬫᬸᬦ᭄᭞ᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬲᬋᬂᬧᬢ᭄ᬧᬢ᭄᭞ᬦᬾᬓᬓᬮᬶᬄ᭞ᬳᬶᬤᬫᬸᬲ
