This page has been proofread.
[᭒᭐ 20A]
᭒᭐
ᬫᬾᬧᬶᬲᬦ᭄ᬫᬢ᭄ᬕᭂᬧ᭄ᬳᬦᬓᬾᬭᬢᬸᬄ᭞ᬫᬤᬓ᭄ᬯᬾᬦ᭄ᬢᭂᬦ᭄ᬩᬚᬂᬩᬚᬂ᭞ᬦᬾᬘᬸᬫᭀᬦᬶᬦ᭄᭞ᬧᬘᬂᬮᬩᬸᬳᬶᬦ᭄ᬤᬶᬫᬦᬄ᭟ᬦᬗ᭄ᬳᬶᬂᬢᬶᬢ᭄ᬬᬂ
ᬮᬘᬸᬃᬧᬶᬲᬦ᭄᭞ᬓᬢᬸᬚᬸᬢᭀᬂᬗ᭄ᬮᬄᬧᬶᬧᬶᬲ᭄᭞ᬤᬶᬩᬶᬧᭀᬮᬶᬄᬗᬤᭀᬮ᭄ᬓᬮᬧ᭞ᬯᬦ᭄ᬢᬄᬳᬚᬶᬧᬶᬢᬸᬂᬳ᭄ᬬᬸ᭞ᬦᬾᬯᬯᬸᬓᬯᭀᬦᬂᬢᬶᬢ᭄ᬬᬂ
᭞ᬭᬶᬂᬫᬮᬦ᭄ᬢᬶᬂ᭞ᬳᬬᬫᬾᬩᬶᬬᬶᬂᬫᬮᬳᬶᬩᬂ᭟ᬫᬲᬯᬸᬢ᭄ᬳᬶᬩᬧᬯᬬᬦ᭄᭞ᬤᭀᬂᬗᬸᬤᬲᬶᬗ᭄ᬮᬄᬧᬶᬧᬶᬲ᭄᭞ᬫᬶᬭᬶᬩ᭄ᬘᬳᬶᬗᬸᬮᬸᬓ᭄ᬩᬧ᭞ᬘ
ᬳᬶᬮ᭄ᬬᬸᬗ᭄ᬮᬄᬜᬸᬄ᭞ᬩᬢᬲ᭄ᬧᬶᬧᬶᬲ᭄ᬩᭂᬓᭂᬮ᭄ᬮ᭄ᬯᬲ᭄᭞ᬓᬩᬲᬓᬶᬄ᭞ᬦᬸᬚᭀᬄᬩᬶᬦ᭄ᬤ᭄ᬯᬩᬸᬮᬦ᭄᭟ᬩ᭄ᬯᬶᬦ᭄ᬫᬦᬶᬢᬢᬚᬾᬦ᭄ᬢ᭄ᬭᬂ᭞ᬤᬶ
[᭒᭑ 21A]
ᬲᬗ᭄ᬓᬾᬢᬦ᭄ᬢ᭄ᬮᬸᬂᬯᬳᬶ᭞ᬲ᭄ᬬᬧᬾᬦᬾᬳᬶᬚᭀᬳᬤᭀᬓ᭄᭞ᬲᬶᬮᬶᬳᬂᬧᬶᬧᬶᬲ᭄ᬧᬧᬶᬢᬸ᭞ᬫᬤᬓ᭄ᬲᬤ᭄ᬬᬳᬤᬫ᭄ᬦᬂ᭞ᬧᬂᬤᬧᬮᬶᬂ᭞ᬘᬳᬶ
ᬗᬮᬶᬄᬩ᭄ᬓᭂᬮ᭄ᬮ᭄ᬯᬲ᭄᭟ᬩᬲ᭄ᬮ᭄ᬬᬸᬩᬦ᭄ᬜᬢ᭄ᬯᬬᬂ᭞ᬩᬚᬶᬕᬃᬧᬜ᭄ᬚᬓᬾᬲᬫᬶ᭞ᬩᬦ᭄ᬓᭂᬦ᭄ᬤᭂᬮ᭄ᬫᬦᬶᬗᭂᬄᬳᭀᬃᬣ᭞ᬮᬸᬫ᭄ᬯᬾᬦᬶᬬᬫᬧᬶᬕᬸᬫ᭄᭞ᬫ
ᬧᬸᬦ᭄ᬤᬸᬄᬧᬸᬦ᭄ᬤᬸᬄᬫᬗᭀᬃᬣ᭞ᬘ᭄ᬦᬶᬓ᭄ᬓᭂᬮᬶᬄ᭞ᬇᬰᬓᬦ᭄ᬚᬕᬢᬾᬮᬶᬦ᭄ᬢᬂ᭟ᬗᬾᬮᬶᬗᬂᬲᬸᬫᬶᬗ᭄ᬓᬶᬦ᭄ᬮᬶᬧ᭄ᬬ᭞ᬳᬾᬮᬶᬂᬭᬶᬂᬢᬳᬸᬦ᭄ᬫᬲᬾᬳᬶ᭞ᬦᭂ
ᬫ᭄ᬧᬸᬄᬢᬗ᭄ᬕᬮ᭄ᬧᬶᬂᬢᬮᬸᬮᬲ᭄᭞ᬩᬸᬮᬦ᭄ᬫᬭᬢ᭄ᬤᬸᬓ᭄ᬧᬸᬦᬶᬓᬸ᭞ᬢᬳᬸᬦ᭄ᬜᬦᬾᬲ᭄ᬬᬸᬲᬗ᭄ᬳ᭞ᬫᬦᭂᬫᭀᬦᬶᬦ᭄᭞ᬦᭂᬫ᭄ᬤᬰᬢᬶᬕᬢᬗ᭄ᬕᬸ
