This page has been proofread.
[᭒᭔ 24B]
᭒᭔
ᬬᬸᬭᬸᬲᬓ᭄ᬓᭂᬦᬲᬓᬶᬢ᭄᭞ᬓᬳᬜᬸᬤᬶᬦ᭄ᬮᬳᬃ᭞ᬩᬮᬩᬃᬢᬸᬓᬤᬾᬲᬳᬶ᭟ᬲᬫ᭄ᬧᬸᬦ᭄ᬦᬧᬓ᭄ᬫᬲᬦᬶᬂᬲ᭄ᬯᬾᬓᬃᬬ᭄ᬬᬢ᭄ᬓ᭞ᬧᬘᬭ᭄ᬯᬦ᭄ᬭᬶᬂᬩ
ᬲᬓᬶᬄ᭞ᬧᬗᬬᬳᬾᬚᬚᬧ᭄᭞ᬧᬤᬓᬳᬸᬭᬸᬕᬦ᭄᭟ᬗ᭄ᬬᬲ᭄᭞ᬭᬫ᭄ᬩᬸᬢᬾᬕᬾᬫ᭄ᬧᬾᬮ᭄ᬢᬸᬃᬕᬶᬮᬶᬂ᭞ᬯᬶᬭᬾᬄᬜᬤ᭄ᬬᬗᬬᬄ᭞ᬫᬓᬃᬬ᭄ᬬᬫ
ᬗ᭄ᬮᬯᬦᬶᬦ᭄᭟ᬧᬦᬸᬫᬬᬦ᭄ᬓᬃᬬ᭄ᬬᬦᬾᬫᬗ᭄ᬤᬦ᭄ᬓᬲᬶᬤ᭄ᬥᬦ᭄᭞ᬧᬜᬗ᭄ᬓᬮᬮ᭄ᬬᬸᬕᬢᬶ᭞ᬚᬮᬶᬚᬶᬄᬲᬫ᭄ᬩᭂᬳᬂ᭞ᬩᬢᬸᬳᬸᬮᬸᬂᬫᬩ᭄ᬬᬬᬕᬦ᭄᭞ᬧᬗᬬᬄ
ᬳᬢ᭄ᬯᬭᬳᬶᬫ᭄ᬩᬶᬄ᭞ᬦᬗ᭄ᬳᬶᬂᬮᬫᬸᬦ᭄ᬲᬤ᭄ᬬ᭞ᬢᭀᬂᬳᬤᬩᬢᬸᬗᭂᬦᬦᬶᬦ᭄᭟ᬤᬸᬓ᭄ᬧᬸᬦᬶᬓᬓᬃᬬ᭄ᬬᬦᬾᬲᬶᬤ᭄ᬥᬢᬦ᭄ᬲᬶᬤ᭄ᬥ᭞ᬲᬶᬤ᭄ᬥᬦᬾᬤᬸᬭᬸᬲ᭄ᬫᬫᬃᬕ᭄ᬕᬶ
[᭒᭕ 25A]
᭞ᬦᬗ᭄ᬳᬶᬂᬳᬓᬾᬄᬓᬶᬭᬂ᭞ᬫᬮᬶᬄᬧᬘᬂᬓᬮᬦ᭄ᬢᬸᬭᬂ᭞ᬩᬾᬜ᭄ᬚᬗᬦ᭄ᬬᬦ᭄ᬲᬫ᭄ᬧᬸᬦ᭄ᬧᭀᬮᬶᬄ᭞ᬗᭂᬭᬸᬭᬸᬄᬳᬸᬧᬓᬭ᭞ᬧᬸᬗ᭄ᬓᬸᬭᬦ᭄ᬫᬮᬶᬄᬯᬯᬦᬶᬦ᭄᭟ᬕᬸᬂ
ᬳᬫ᭄ᬧᬸᬭᬮᬫᬸᬦᬶᬓᬶᬓᬧᬸᬧᬸᬢᬂ᭞ᬫᬗ᭄ᬤᬮᬾᬤᬂᬲᬋᬂᬲᬫᬶ᭞ᬲᬶᬂᬓᬬᬸᬦ᭄ᬫᬫᬘ᭞ᬳᬢᬸᬃᬢᬶᬢ᭄ᬬᬂᬧᬧᭀᬚᭀᬮᬦ᭄᭞ᬓᬾᬯᬦ᭄ᬢᬦ᭄ᬳᬗ᭄ᬕᬾᬦ᭄ᬧᬓᬾᬮᬶᬂ᭞
ᬢᬶᬢ᭄ᬬᬂᬫᬗᬶᬦ᭄ᬤᬬᬂ᭞ᬗᬯᬶᬓᬶᬤᬸᬂᬫᬦᭂᬫ᭄ᬩᬾᬦᬶᬦ᭄᭟ᬫᬤᬓ᭄ᬯᬾᬦ᭄ᬢᭂᬦ᭄ᬳᬶᬘᬦ᭄ᬳᬶᬤᬲᬂᬳ᭄ᬬᬂᬢᬶᬢᬄ᭞ᬓᬲ᭄ᬯᬾᬦ᭄ᬫᬫᬶᬘᬳᬸᬭᬶᬧ᭄᭞ᬧᬂᬯᬾᬦ᭄ᬢᭂᬦ᭄ᬳᬾᬮᬶᬗᬂ᭞ᬤᬸ
ᬓ᭄ᬧᬸᬦᬶᬓᬶ᭞ᬓᬯᬾᬦ᭄ᬢᭂᬦᬂ᭞ᬓᬮᬚᬕᬢ᭄ᬓᭂᬦᬶᬲᬓᬶᬢ᭄᭞ᬓᬳᬸᬭᬸᬕᬦ᭄ᬩ᭄ᬬᬲ᭄᭞ᬲᬤᬸᬓ᭄ᬓᬃᬬ᭄ᬬᬭᬶᬂᬩᬲᬓᬶᬄ᭟ᬧᬸᬧᬸᬢ᭄᭟ᬓᬓᬯ᭄ᬬᬦ᭄ᬩᬩ᭄ᬮᬓᬲᬦ᭄
