[ ᭑᭒ 12B]
᭑᭒
ᬫᬶᬢ᭄ᬫᬫᬃᬕ᭄ᬕᬶᬓᬓᬭᬂᬲᬸᬯᬸᬂᬳᬗᬦ᭄ᬲᬦᬾᬓᬯᭀᬦ᭄ᬭᬯᬸᬄᬓᬾᬳᬶᬭᬶᬓᬵ᭟ᬕᬸᬲ᭄ᬢᬶᬕ᭄ᬥᬾᬗᬦ᭄ᬤᬶᬓᬵᬭᬶᬲ᭄ᬗᬸᬤ᭄ᬥᬢᭀᬧ᭄ᬭᬚᬦᬶᬮᬸᬯᬲ᭄ᬲᬶᬗ᭄ᬤᬵᬤᬤᬶᬩᬳᬦ᭄ᬲᬶᬲᬸᬚᬮᬦ᭄ᬫᬸᬮᬶᬄᬫᬮᬸᬲᬶᬗ᭄ᬕᬄᬓ
ᬢᭂᬧᬸᬓ᭄ᬢᭂᬓᬾᬦ᭄ᬳᬶᬩᬶᬳᬧᬂᬢ᭄ᬯᬭᬵᬧᬥᬢᬦ᭄ᬤ᭄ᬭᬸᬄᬗᬤᬾᬦ᭄ᬳᬦᬓ᭄ᬩᬸᬯᬶᬦ᭄ᬳᬤᬜᬦ᭄ᬳᬶᬤ᭟ᬧᬦᬓ᭄ᬩᬧᬵᬮᬸᬄᬳᬩᭂᬲᬶᬓ᭄ᬦᬗ᭄ᬳᬶᬂᬬᬩᭀᬘᭀᬓ᭄ᬧᬲᬚᬵᬩᬸᬯᬶᬦ᭄ᬗᭂᬮᭀᬕ᭄ᬮᬶᬯᬢ᭄ᬲᬶᬕᬸᬕ᭄ᬩᬶᬓ
ᬲᬾᬘᬭᬯ᭄ᬯᬂᬲᭀᬖ᭄ᬭᬵᬮᬫᬸᬦ᭄ᬓᬗ᭄ᬕᭀᬩᬳᬦ᭄ᬤᬸᬢᬶᬚᬸᬯᬂᬮᬫᬸᬦ᭄ᬢ᭄ᬯᬭᬵᬘᬸᬫ᭄ᬧᬸᬤᬤᬶᬯᬓᬂᬩᬸᬯᬶᬦ᭄ᬢᭂᬓᬾᬦ᭄ᬳᬦᬓ᭄ᬮᬾᬦᬦ᭄᭟ᬕᬸᬲ᭄ᬢᬶᬩᬕᬸᬲ᭄ᬤᬤᬶᬗᬶᬭᬶᬂᬢᬍᬃᬓᬳ᭄ᬬᬸᬦ᭄ᬲᬳᬸᬦᬶᬗᬵᬭᬶᬂᬦᬾᬦᬾᬓᬳᬸ
ᬘᬧ᭄ᬲᬶᬕᬸᬕ᭄ᬲᬶᬜᬓᬾᬳᭀᬮᭀᬓᭀᬮᭀᬓᬦ᭄ᬳᬶᬕᬸᬲ᭄ᬢᬶᬕ᭄ᬥᬾᬫᬫᬃᬕ᭄ᬕᬶᬢᬦ᭄ᬘᬭᬶᬢᬲᬫ᭄ᬧᬸᬦ᭄ᬭᬯᬸᬄᬤᬶᬚᭂᬭᭀᬯᬦ᭄ᬳᬶᬕᬸᬲ᭄ᬢᬶᬕ᭄ᬥᬾᬗᬦ᭄ᬤᬶᬓᬵ᭟ᬕᬸᬲ᭄ᬢᬶᬳᬾᬗ᭄ᬕᬮᬂᬚᬕ᭄ᬚᬕᬶᬦ᭄ᬦᬾᬧᬦ
[᭑᭓ 13A]
ᬓ᭄ᬕᬸᬲ᭄ᬢᬶᬦᬾᬢ᭄ᬓᬵᬳᬶᬳᬚᬧ᭄ᬤᬶᬳᬗ᭄ᬕᬦ᭄ᬢᭂᬮᬸᬳᬶᬕᬸᬲ᭄ᬢᬶᬇᬲ᭄ᬢ᭄ᬭᬶᬫᬜ᭄ᬚᬕ᭄ᬚᬕ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬫᬦᬶᬲ᭄ᬩᬧᬵᬦ᭄ᬢᬶᬬᬂᬕᬸᬲ᭄ᬢᬶᬩᬕᬸᬲ᭄ᬗᬸᬤᬩᭂᬭᬕ᭄ᬩᬸᬯᬶᬦ᭄ᬓᬾᬦᬾᬕᬮᬶᬤᬶᬕᬦ᭄᭟ᬕᬸᬲ᭄ᬢᬶᬩᬕᬸᬲ᭄ᬫ
ᬜᬯᬸᬭᬶᬦ᭄ᬤᬦᬾᬗᬢᬸᬭᬂᬧᬶᬤᬃᬣᬕᬸᬲ᭄ᬢᬶᬇᬲ᭄ᬢ᭄ᬭᬶᬗᬸᬲᬸᬤᬸᬲᬸᬤ᭄ᬲ᭄ᬤᭂᬕ᭄ᬤᬦᬾᬫᬗᬦ᭄ᬤᬶᬓᬵᬜᬾᬦ᭄ᬲᭂᬮ᭄ᬲᭂᬮ᭄ᬚ᭄ᬯᬄᬧᬸᬮᬓᬺᬧ᭄ᬢᬶᬳᬶᬗ᭄ᬓᬸᬦᬦᬾᬚᬦᬶᬧᬸᬧᬸᬲᬸᬩᬢᬶᬢᬄᬢᭀᬂᬤᬤᬶᬩᬓᬮ᭄ᬕᬯᬾᬦᬂ᭟ᬳᬧᬵ
ᬦ᭄ᬢᬶᬗ᭄ᬓᬳᬶᬂᬤᬸᬫᬤᬶᬘᭂᬭᬶᬓ᭄ᬓᭂᬮᬶᬄᬩᬚᬂᬢᬸᬯᬵᬲ᭄ᬕᭂᬃᬲᬓᬶᬢ᭄ᬫᬢᬶᬳᬶᬤᬸᬧ᭄ᬫ᭄ᬮᬄᬚ᭄ᬮᬾᬳᬶᬩᬸᬓ᭄ᬍᬕᬢ᭄ᬓᬮᬸᬯᬲ᭄ᬲᬸᬕᬶᬄᬧ᭄ᬢᭂᬂᬍᬫᬄᬫᭂᬥᭂᬫ᭄ᬩᬗᬸᬦ᭄ᬮᬗᬶᬢ᭄ᬢᬦᬄᬬᬾᬄᬳᬧᬶᬢᭀᬂᬤᬤᬶᬩ᭄ᬮᬲ᭄᭟ᬩᬸᬮ
ᬦ᭄ᬮᬯᬦ᭄ᬩᬢᬦᬳᬶᬫᬾᬫᬾᬳᬶᬩᬧᬲᬫᬵᬩᬶᬩᬶᬦ᭄ᬤᬶᬗᭂᬄᬳᭀᬃᬣᬫᬮᬸᬳᬤᬳᬦᬓ᭄ᬲᬸᬕᬶᬄᬋᬦ᭄ᬥᬄᬢ᭄ᬯᬭᬳᬤᬓᬸᬯᬂᬗᭂᬲᬶᬂᬤᬤᬶᬧᬫᬸᬧᬸᬢᬜᬫᬸᬢ᭄ᬳᬦᬯᬾᬱ᭄ᬬᬵᬳᬸᬫᬄᬤᬦᬾᬤᬶᬯ
Page:Bali-lontar-gaguritan-hajap-300ppi.pdf/13
This page has been proofread.
