[᭒᭐ 20B]
᭒᭐
ᬢᬶᬕᬯ᭄ᬮᬲ᭄᭟ᬕᬸᬲ᭄ᬢᬶᬕ᭄ᬥᬾᬗᬦ᭄ᬤᬶᬓᬵᬭᬶᬲ᭄ᬦᬄᬳᭂᬦ᭄ᬢᭀᬕᬸᬲ᭄ᬢᬶᬤᬩ᭄ᬤᬩᬂᬩᬗᬮᬶᬜᬦᬗᬶᬳᬶᬢᬸᬮ᭄ᬳᬧᬗᬫᬲᬶᬄᬫᬳᬶᬦ᭄ᬤᬦᬸᬫᬢᬶᬗ᭄ᬓᬄᬘᬭᬕᬸᬲ᭄ᬢᬶᬳᬶᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬫᬲᬳᬸᬃᬩᬓᬮ᭄ᬕ᭄ᬦ
ᬳᬦᬓᬾᬘᭂᬭᬶᬓ᭄ᬢᭀᬮ᭄ᬢᭀᬮᬂ᭟ᬲᬧᬲᬶᬭᬲᬫ᭄ᬧᬸᬦ᭄ᬗᬶᬤᬶᬄᬩᬸᬫᬭᬫᬓ᭄ᬤᬶᬗᭂᬄᬳᭀᬃᬢ᭄ᬣᬩᬦ᭄ᬫᭂᬍᬤᬾᬗ᭄ᬮᬄᬫᬦ᭄ᬢᬸᬲᬕᬾᬢ᭄ᬲᬸᬩᬫᬤᬩ᭄ᬤᬩᬦ᭄ᬕᬸᬲ᭄ᬢᬶᬕ᭄ᬥᬾᬫᬜᬳᬸᬭᬶᬦ᭄ᬗᬸᬤᬕᬸᬲ᭄ᬢᬶᬤᬤᬶ
ᬢᬦ᭄ᬯ᭄ᬭᬸᬄᬚ᭄ᬮᬾᬕ᭄ᬮᬄᬢᭀᬜᬾᬦ᭄ᬢᬸᬦ᭄ᬤᬾᬦ᭄ᬫᬦᬫ᭄ᬧᭂᬤᬂ᭟ᬫᬧᬶᬦᭂᬄᬳᬶᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬤᬤᬶᬤᬦᬾᬫᬜᬗ᭄ᬕᬸᬧᬂᬓᭀᬘᬧᬳᬶᬕᬸᬲ᭄ᬢᬶᬳᬬᬸᬲᬸᬩᬢᬗᬃᬢ᭄ᬓᬾᬦ᭄ᬭᬕᬲᬦ᭄ᬤᬾᬓᬵᬮᬗᬜ᭄ᬘᬶᬓᭀᬭᬶᬩᬳᬦᬾᬫ
ᬦᬫ᭄ᬧᬢᬫ᭄ᬬᬸᬫᬜᬸᬭᬗᬄᬲ᭄ᬩᭂᬗᬾᬧᬦ᭄ᬢᬲ᭄ᬧ᭄ᬭᬥᬭ᭟ᬤᬦᬾᬢ᭄ᬯᬭᬲᬚᬳᬸᬦᬶᬂᬳᬚᬶᬦᬾᬲᬸᬩᬦᬶᬩᬓᬂᬫᬮᬶᬄᬓᭀᬘᬧ᭄ᬕᬸᬲ᭄ᬢᬶᬩᬕᬸᬲ᭄ᬫᬗ᭄ᬓᬶᬦ᭄ᬳᬾᬕᬃᬫᬫᬶᬋᬗᬂᬳᬢᬸᬭᬶᬧᬸᬦᬶᬲᬸᬮᬢ᭄ᬭᬶᬤᬾᬦᬶᬂ
[᭒᭑ 21A]
ᬤᬶᬦᬦᬾᬩᬶᬦ᭄ᬢᭂᬮᬸᬦ᭄ᬫᬓᬲᬜ᭄ᬚᬫᬦᬕᬶᬄᬢᬫ᭄ᬩᬳᬚᭂᬗᬦ᭄᭟ᬜᭂᬭᬸᬢ᭄ᬓᬸᬢᬸᬲᬳᬶᬲᬳᬶᬮᬯᬸᬢ᭄ᬦᬗ᭄ᬓᬶᬮ᭄ᬲ᭄ᬮᬶᬤ᭄ᬲᬜ᭄ᬚᬗᬸᬘᬸᬧᬂᬦᬾᬦᬾᬩᬶᬦ᭄ᬢᭂᬮᬸᬦ᭄ᬕᬸᬲ᭄ᬢᬶᬳᬬᬸᬫᬥᬾᬳᭀᬓᬵᬫᬮᬩᬳ
ᬦ᭄ᬫᬲᬲᬶᬭᬶᬄᬦᬗ᭄ᬕᬮ᭄ᬧᬶᬂᬭᭀᬭᬲ᭄ᬓᬧᬶᬂᬢᬸᬗᬮᬶᬮᬬᬂᬳᬭᬶᬧ᭄ᬩᬗ᭄ᬕᬸᬃᬓᬧᬫ᭄ᬭᬚᬦ᭄᭟ᬳᬶᬧᬤ᭄ᬫᬕ᭄ᬮᬶᬲ᭄ᬫᬯᬗ᭄ᬲᬶᬢ᭄ᬕᬸᬲ᭄ᬢᬶᬩᬕᬸᬲ᭄ᬫᬤᬩ᭄ᬤᬩᬦ᭄ᬯᬦ᭄ᬢᭂᬦ᭄ᬳᬗᬦ᭄ᬤᬯᬸᬄᬧᬶᬢᬸᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬧᬤ᭄ᬫᬵᬲᬫ᭄ᬧᬸᬦ᭄ᬫ
ᬗ᭄ᬭᬭᬶᬲ᭄ᬓᬮᭀᬚᬶᬢ᭄ᬯᬭᬳᬤᬳᬦᬓ᭄ᬢᬯᬸᬫᬍᬓᬼᬓᬦ᭄ᬤᬶᬳᭀᬭᭀᬓᭀᬭᭀᬓᬾᬦ᭄ᬕᬓ᭄᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬗᭂᬜ᭄ᬚᬶᬢ᭄ᬲᬸᬦ᭄ᬤᬶᬄᬯᬾᬦ᭄ᬢᭂᬦ᭄ᬳᬗᬦ᭄ᬲᬦ᭄ᬤᬾᬓᬵᬮᬕᬸᬲ᭄ᬢᬶᬳᬬᬸᬫᬥᬾᬫᬦ᭄ᬢᬸᬓ᭄ᬭᬭᬶᬲ᭄ᬤᬦᬾ
ᬫᬗᬦ᭄ᬤᬶᬓᬵᬜᬾᬦ᭄ᬚᬩᬓᬮ᭄ᬫᭂᬤᭂᬫ᭄ᬤᬶᬦᬶᬓ᭄ᬫᬵᬗᬫᬄᬳᬶᬩᬫᬮᬸᬓᬳᬶᬓᬶᬬᬧ᭄ᬓᭀᬭᬶᬦᬾᬓᬜ᭄ᬘᬶᬳᬶᬗᬶᬢᬂ᭟ᬧᬗᬬᬳᬾᬫᬜᬯᬸᬭᬶᬦ᭄ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬤᬾᬦ᭄ᬥᬫᬢᬦ᭄ᬢᬶᬢ᭄ᬬᬂᬓᬶᬬᬧ᭄ᬲᬫ᭄ᬧᬸᬦ᭄
Page:Bali-lontar-gaguritan-hajap-300ppi.pdf/21
This page has been proofread.
