[᭒᭘ 28B]
᭒᭘
ᬘᭀᬓᭀᬃᬭᬢᬸᬘᭀᬓᭀᬃᬭᬢᬸᬲᬓᬶᬂᬤᬶᬚᬵᬕᬸᬲ᭄ᬢᬶᬩᬕᬸᬲ᭄ᬫᬜᬯᬸᬭᬶᬦ᭄ᬧᬸᬦᬧᬶᬚᬵᬩᬶᬩᬶᬮᬘᬸᬃᬢᬶᬬᬂᬫᬾᬥᬲᬧᬸᬦᬶᬓᬶᬧᬭᬶᬓᬡ᭄ᬥᬵ᭟ᬕᬸᬲ᭄ᬢᬶᬕ᭄ᬥᬾᬗᬦ᭄ᬤᬶᬓᬵᬭᬶᬲ᭄ᬓ᭄ᬫᬵᬓᬯᬸᬓᬶᬦ᭄ᬳᬚᬥᬫ᭄ᬧᬗᬦ
ᬗ᭄ᬓᬶᬮ᭄ᬕᬸᬲ᭄ᬢᬶᬩᬕᬸᬲ᭄ᬳᬶᬢᬶᬦ᭄ᬢᬓᬫᬚᬮᬦ᭄ᬓᬧᬢᬡ᭄ᬥᬓᬦ᭄ᬗᬢᬸᬭᬶᬦ᭄ᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬮᬦ᭄ᬢᬲ᭄ᬫᬢᬸᬃᬭᬢᬸᬦᬸᬦᬲ᭄ᬓᬧᬸᬭᬶᬓᬧᬦ᭄ᬤᬶᬓᬬᬂ᭟ᬦᬾᬫᬗ᭄ᬓᬶᬦ᭄ᬳᬦ᭄ᬢᬸᬓ᭄ᬳᬶᬳᬚᬶᬳᬶᬕᬸᬲ᭄ᬢᬶᬩᬕᬸᬲ᭄ᬩᬩᬶᬢ᭄ᬭᬕ᭄ᬮᬶ
ᬲ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬜᬾᬦ᭄ᬤᬶᬢᬸᬦᬗ᭄ᬓᬶᬮ᭄ᬳᬶᬩᬧᬵᬳᬧᬂᬫ᭄ᬮᬄᬩᬳᬦ᭄ᬓᬳᬶᬳᬶᬯᬶᬭᬦ᭄ᬢᬓᬫᬳᬢᬸᬃᬳᬦᬓ᭄ᬢᬯᬄᬓᭀᬘᬧ᭄ᬲᬓᬶᬂᬳᬗ᭄ᬕᬦ᭄ᬢᬶᬕ᭟ᬕᬸᬲ᭄ᬢᬶᬩᬕᬸᬲ᭄ᬚᬥᬫ᭄ᬕ᭄ᬮᬶᬲ᭄ᬢᭂᬤᬸᬦ᭄ᬫᭂᬘᬶᬓᬂᬯᬲ᭄ᬢ᭄ᬭᬚᭀᬲ᭄ᬢᬗᬶᬢ᭄ᬥᬸᬦ
ᬦ᭄ᬩᬥᬸᬂᬫᬧᬧ᭄ᬓᭂᬓ᭄ᬧ᭄ᬮᬗᬶᬕᬥᬂᬫᬓᬫ᭄ᬧᬸᬄᬕᬕᬸᬮᬸᬂᬓᬸᬦᬶᬂᬩᬸᬮᬗᬾᬲᬸᬢ᭄ᬭᬫᬢᬸᬭᬸᬢ᭄ᬗ᭄ᬭᬭᬲᬶᬗ᭄ᬳᬵᬘᭀᬢᬦᬾᬘᬭᬕᬶᬬᬜᬃ᭟ᬫᬲᬲᭂᬳᭂᬢ᭄ᬤᬤᬸᬲᬭᬶᬫᬘᬘᬸᬡ᭄ᬥᬸᬓ᭄ᬘᬦᬶᬕᬭᬓᬾᬦ᭄ᬧᬤᬧᬦ᭄ᬲᬸᬂᬲᬸᬂ
[᭒᭙ 29A]
ᬕᬸᬬᬸᬓᬸᬓᬸᬦᬾᬮᬦ᭄ᬢᬂᬗᬭᬢᬓ᭄ᬫᬳᬮᬶᬳᬮᬶᬳᬓᬢᬶᬄᬤᬗᬦᬦ᭄ᬕ᭄ᬭᬦ᭄ᬢᬶᬫᬲ᭄ᬮᬸᬢ᭄ᬫᬯᬭᬗ᭄ᬓᬵᬥᬡ᭄ᬝᬫᬢᬶᬕᬧᭀᬳ᭄ᬫᬲ᭄᭟ᬧᬋᬓᬦ᭄ᬧᬧᬢ᭄ᬫᬗᬶᬭᬶᬂᬓᬫ᭄ᬧᬾᬓ᭄ᬫᬩᬸᬘᬸᬲᬮᬓᬳᬶᬭᬶᬗᬂᬳ
ᬢᬶᬓ᭄ᬫᬲᬯᬸᬂᬲᬫ᭄ᬧᬸᬦ᭄ᬭᬯᬸᬄᬤᬶᬚᭂᬭᭀᬯᬦ᭄ᬩᬯᬸᬮᬶᬯᬢ᭄ᬳᬮᬶᬂᬳᬮᬶᬂᬫᬜᭀᬗ᭄ᬓᭀᬓ᭄ᬘᬭᬢᬦ᭄ᬫᬸᬦ᭄ᬤᬸᬃᬮᬯᬸᬢ᭄ᬜᬸᬫ᭄ᬩᬄᬢᬗ᭄ᬓᭂᬧᬾᬧᬍᬧ᭄ᬫᬩ᭄ᬗᬤ᭄᭟ᬕᬸᬲ᭄ᬢᬶᬕ᭄ᬥᬾᬗᬦ᭄ᬤᬶᬓᬳᬶᬦ᭄ᬦᬄᬫᬳᬶᬮᬯᬸᬢ᭄ᬫ᭄ᬦᬾᬓᬦ᭄ᬤᬶᬦᬶ
ᬧᬋᬓ᭄ᬕᬸᬲ᭄ᬢᬶᬩᬕᬸᬲ᭄ᬦᬾᬕᬸᬲ᭄ᬢᬶᬦ᭄ᬘᬳᬶᬧᬲᬚᬵᬦᬾᬦᬾᬜᬦ᭄ᬤᬂᬲᬶᬦ᭄ᬢᬤ᭄ᬘᬳᬶᬳᬶᬕᬸᬲ᭄ᬢᬶᬤᬶᬳᬗ᭄ᬕᬦ᭄ᬢᭂᬮᬸᬮᬯᬸᬢ᭄ᬜᬸᬫ᭄ᬩᬄᬕᬸᬲ᭄ᬢᬶᬚᬥᬫ᭄ᬦᬸᬦᬲ᭄ᬮᬸᬕ᭄ᬭ᭟ᬕᬸᬲ᭄ᬢᬶᬩᬕᬸᬲ᭄ᬗᬦ᭄ᬤᬶᬓᬵᬭᬶᬲ᭄ᬩᭀᬬᬦᬶᬓᬶᬳᬦᬓ᭄ᬩᬧᬵ
ᬲᬕᬾᬢ᭄ᬲᬫ᭄ᬧᬸᬦ᭄ᬓ᭄ᬮᬶᬄᬩᬕᬸᬲ᭄ᬕᬸᬲ᭄ᬢᬶᬕ᭄ᬥᬾᬭᬭᬶᬲ᭄ᬦᬶᬫ᭄ᬩᬮ᭄ᬧᬢᬸᬢ᭄ᬧᬋᬓᬦ᭄ᬳᬶᬕᬸᬲ᭄ᬢᬶᬕᬸᬲ᭄ᬢᬶᬩᬕᬸᬲ᭄ᬫᬥᬫᬢᬸᬃᬲᬳᬲᬸᬫ᭄ᬩᬄᬭᬢᬸᬢᬶᬢ᭄ᬬᬂᬫᬦ᭄ᬤᬯᭂᬕᬂ᭟ᬓᬤᬶᬫᬗ᭄ᬓᬶᬦ᭄ᬫᬢᬸᬃᬲᬶᬲᬶᬧ᭄ᬓᬮᬶᬦ᭄ᬢᬂᬫᭀ
Page:Bali-lontar-gaguritan-hajap-300ppi.pdf/29
This page has been proofread.
