[᭓᭔ 34B]
᭓᭔
ᬦᬗᬶᬲ᭄ᬢ᭄ᬯᬭᬩᬶᬱᬫᬫᬗ᭄ᬭᬱᬵᬚᬦᬶᬲᬸᬩᬤᬯᬸᬄᬧᬶᬢᬸᬲᬕᬾᬢ᭄ᬢᭂᬓᬵᬳᬕᬫ᭄ᬮᬦ᭄ᬓᬘᬭᬸᬩᬦ᭄ᬯᬃᬕ᭄ᬕᬲᬭᬶᬳᬦᬓ᭄ᬫᬫᬸᬦ᭄ᬤᬸᬢ᭄ᬓᬓᬸᬮᬸᬄᬩᬸᬯᬶᬦ᭄ᬯᭂᬓᬵᬩ᭄ᬥᬶᬮ᭄ᬫᬫᬲᬾᬫᬓᬡ᭄ᬥ᭟ᬲᭀᬭᭀᬄᬧ᭄ᬭᬧᬹᬢ᭄ᬭᬶ
ᬦᬾᬲᬫᬶᬲᬫ᭄ᬧᬸᬦ᭄ᬫᬲᬮᬶᬦᬦ᭄ᬧᬳ᭄ᬬᬲ᭄ᬧᬥᬫᬩᬸᬗ᭄ᬳᬵᬤᭀᬦ᭄ᬓᬬᬸᬳᬤᬵᬫᬸᬤᭂᬂᬓᬸᬮᬮᬪᬳᬤᬫᬩᬸᬗ᭄ᬳᬵᬚᬭᬶᬭᬶᬳᬤᬫᬘᬘᭀᬗ᭄ᬕᬾᬃᬧᬓᬸᬫᬧᬮᬕᬦ᭄ᬧᬥᬗᬮᬶᬄᬤᬤ᭄ᬫᭂᬦᬦ᭄᭟ᬤᬦᬾ
ᬕᬸᬲ᭄ᬢᬶᬳᬬᬸᬭᬳᬶᬫᬲᬶᬄᬲᬸᬩᬮᬸᬕ᭄ᬲᬸᬃᬧᬳ᭄ᬬᬲ᭄ᬫᬲᬶᬜ᭄ᬚᬂᬧ᭄ᬭᬜ᭄ᬘᬶᬲ᭄ᬤᬥᬸᬫᬳᬦ᭄ᬢᭂᬂᬫᬳᬜ᭄ᬘᬳᬜ᭄ᬘᬬᬦ᭄ᬫᬯᬲ᭄ᬢ᭄ᬭᬕᬸᬫᬶᬮᬂᬢᬗᬶᬫᬧᭂᬓᭂᬓ᭄ᬲᬸᬢ᭄ᬭᬫᬢᬸᬭᬸᬢ᭄ᬫᬮᬫ᭄ᬩᬾᬫᬲ᭄ᬫᬲᭂᬗ᭄ᬓᬂᬳᭂᬫ᭄ᬧᭂᬢᭂᬫ᭄ᬧᭂᬢᬦ᭄᭟
ᬲᭀᬓ᭄ᬧᬶᬗ᭄ᬕᭂᬮ᭄ᬓᬾᬦ᭄ᬳᬮᬶᬳᬮᬶᬤᬾᬦᬶᬂᬧᬳ᭄ᬬᬲ᭄ᬲᬫ᭄ᬩᬭᬡᬫᬩᬍᬗ᭄ᬓᭂᬃᬩᬸᬗ᭄ᬳᬕᬥᬸᬂᬫᬳᭀᬗ᭄ᬕᬭᭀᬗ᭄ᬕᬃᬧᬤᬧᬵᬫᬲ᭄ᬮᬳ᭄ᬩᬳᬦ᭄ᬦᬫ᭄ᬧᬶᬦᬶᬲ᭄ᬦ᭄ᬤᬤᬓ᭄ᬱᬭᬕᬸᬲ᭄ᬢᬶᬳᬬᬸᬫᬢᭀᬮᬶᬳᬦ᭄ᬤᬦᬾᬗᬱᬬᬂᬮ
[᭓᭕ 35A]
ᬜ᭄ᬚᬭᬦ᭄᭟ᬫᬘᬶᬗᬓᬦ᭄ᬫᬋᬧ᭄ᬓᬗᬶᬦ᭄ᬓᬦ᭄ᬢᭂᬦ᭄ᬳᬦᬓ᭄ᬓ᭄ᬢᬸᬤ᭄ᬕᭂᬧᬂᬩᭂᬭᬕ᭄ᬢᬾᬕ᭄ᬭᬾᬕ᭄ᬕᬤᬂᬲᭂᬩᬸᬄᬩᭂᬗᭀᬂᬓᬭᬶᬦᬍᬓ᭄ᬢᭂᬓᬂᬲᭂᬗ᭄ᬕᬸᬄᬤᬦᬾᬲᬸᬩᬫᬢᬶᬫᬲᬶᬄᬢᬶᬢᬳᬾᬫᬦᬸᬤᬸᬄᬦ᭄ᬤᬤᬓ᭄ᬱᬭᬓᬢᬸᬚᬸᬫᬧᬧ
ᬲ᭄ᬮᬶᬬᬢ᭄᭟ᬳᬶᬕᬸᬲ᭄ᬢᬶᬩᬕᬸᬲ᭄ᬫᬓ᭄ᬚᬶᬢ᭄ᬕᬸᬲ᭄ᬢᬶᬳᬬᬸᬫᬗᬮᬾᬦᬂᬲᬫ᭄ᬩᬶᬮᬂᬗᬸᬯᬾᬮ᭄ᬗᬭᬸᬫᬸᬦ᭄ᬢᭀᬢᬢ᭄ᬯᬗᬧᬵᬦᬾᬕᬦᬮ᭄ᬩᬚᬶᬕᬭᬾᬢᬶᬤᭀᬂᬕᬶᬕᬶᬲ᭄ᬢ᭄ᬯᬭᬗ᭄ᬭᬱᬳᬯᬓ᭄ᬕᭂᬭᬄᬓ᭄ᬢᬸᬤ᭄ᬕᭂᬧᬂᬫᬳᬶᬭᬶ
ᬩ᭄ᬩᬗ᭄ᬓᬾᬳᬶᬧᭀᬧ᭄ᬯᬦ᭄᭟ᬫᬲᬶᬄᬳᬤᬓ᭄ᬦᭂᬄᬩᭂᬚᬶᬢ᭄ᬳᬓᬾᬢᭀᬩᬦ᭄ᬤᬦᬾᬫᬢ᭄ᬩᬢ᭄ᬫᬗ᭄ᬓᬶᬦ᭄ᬮᬶᬦ᭄ᬢᬂᬕᬸᬲ᭄ᬢᬶᬳᬕᬸᬂᬧᬗᬶᬭᬶᬗᬾᬲᬫ᭄ᬧᬸᬦ᭄ᬢᭂᬮᬲ᭄ᬓᬾᬯᬦ᭄ᬢᭂᬦᬾᬦᬾᬓᬓᬮᬶᬄᬳᬶᬫᬥᬸᬰᬭᬳᬶᬕᬥᬸᬂᬓ
ᬧᬶᬬᬮᬂᬳᬤᬮᬶᬫᬸᬄᬲᬓᬶᬢ᭄ᬩᬲᬂ᭟ᬧᬓ᭄ᬱᬗᬮᬧ᭄ᬮᬶᬮᬶᬕᭀᬦ᭄ᬤᬶᬤᬤᬶᬫᬗ᭄ᬮᬯᬸᬢ᭄ᬫᭂᬦᬾᬓᬦ᭄ᬗᭂᬦᬄᬳᬦᬓ᭄ᬩᭂᬭᬕ᭄ᬓᭂᬘᬸᬤ᭄ᬳᬶᬫᬥᬸᬰᬭᬫᬜ᭄ᬚᬕ᭄ᬚᬕ᭄ᬮᬳᬸᬢ᭄ᬰ᭄ᬭᬗ᭄ᬕᬭᬦᬓᭀᬦᬶᬦ᭄ᬩᬋᬂᬢ᭄ᬓᬾᬦᬶᬂ
Page:Bali-lontar-gaguritan-hajap-300ppi.pdf/35
This page has been proofread.
