[᭔᭒ 42B]
᭔᭒
ᬚᬚ᭞ᬢᬦᬦᬵᬂᬗᭂᬲᬸᬃᬧᬦᬯᬶᬢᬗ᭄ᬓᬸᬭᬭᬶᬲᬧᬦᬶᬢᬄᬢᬭᬶᬂᬚᬶᬦᭂᬫ᭄᭞ᬬᬢᬤᭀᬱᬦᬶᬂᬯᬶᬕᬸᬡᬳᬵᬫᬭᬶᬯᬭᬮᬮᬸᬬᭀᬕ᭄ᬬᬧᬢ᭄ᬬᬦ᭛ᬬᬦᬸᬯᬸᬲ᭄ᬧᭂᬚᬄᬓᬸᬤᬸᬲᬦᬵᬍᬳᬶᬭᬢᬶᬦᬮᬶ
ᬦᬶᬂᬫᬦᬄᬮᬸᬮᬸᬢ᭄᭞ᬭᬸᬭᬸᬩᬵᬓᬮᬗ᭄ᬲᬭᬦᬶᬓᬾᬦ᭄ᬢᬧ᭄ᬢᬚᬫᬓᬘᬭᬸᬦ᭄ᬲᭂᬧᬄᬫᬶᬗᬶᬂ᭞ᬧᬸᬚᬦᬾᬂᬢᬗᬶᬲ᭄ᬢᬳᬲᬯᬂᬪ᭄ᬭᬫᬭᬫᭂᬢᬭᬶᬧᬜ᭄ᬚ᭄ᬭᬳᬶᬲᭂᬓᬃ᭞ᬮᬶᬡᬦᭂᬦ᭄ᬢᬬᬵᬭᬶᬍᬬᭂᬧᬶᬂᬘᬶᬢᬳ
ᬯᬦᬦᬶᬂᬦᬶᬭᬢ᭄ᬫᬓ᭛ᬢᭂᬓᬭᬶᬂᬳᬶᬘᬶᬦ᭄ᬢ᭄ᬬᬲᬭᬶᬢᬦ᭄ᬯᬮᬶᬯᬮᬶᬳᬤᬸᬮᬸᬃᬲᬥᬫ᭄ᬧᬢᬶ᭞ᬫᬓᬳᬃᬤ᭄ᬥᬧᬢ᭄ᬦᬶᬳᬢᭂᬫᬄᬪᬸᬨᬮᬓᬓᬸᬓᬶᬢᬵᬦᬭᬾᬰ᭄ᬯᬭᬶ᭞ᬲᬧᬭᬦ᭄ᬤᬤᬶᬗ᭄ᬓᬸᬓᬶᬢᬢᬦ᭄ᬲᬳᬶ
ᬦᬫᭂᬭᬗᬚᭂᬂᬓᬭᬵᬰᬶᬓᬦ᭄᭞ᬅᬢᬶᬢᬵᬢᭂᬓᬾᬂᬦᬕᬢᬯᬃᬣᬫᬡᬓᬶᬢᬯᬶᬰᬾᬱᬢᬦ᭄ᬯᬦᬾᬄ᭛᭜᭛ᬳᬫ᭄ᬩᬸᬮ᭄ᬢᭀᬫᬶᬲᬶᬓᬓᬯᬶᬦ᭄ᬓᬤᬸᬮᬸᬭᬶᬦ᭄ᬩᬦ᭄ᬓᬭᬸᬡᬵᬫᬘᬘᬶᬭᬾᬦ᭄ᬳᬶᬓᬯ᭄ᬮ
[᭔᭓ 43A]
ᬲ᭄ᬳ᭄ᬬᬸᬦ᭄ᬦ᭄ᬤᬯᭂᬕᬂᬦᬸᬦᬲ᭄ᬮᬸᬗ᭄ᬲᬸᬭᬦ᭄ᬲ᭄ᬥᬄᬢᬸᬫ᭄ᬧᭂᬭᬦᬲᬶᬓᬶᬭᬯᬸᬳᬶᬂᬍᬲᭂᬳᬦ᭄ᬓᬸᬭᬸᬩ᭄ᬤᬤᬶᬓ᭄ᬭᭀᬥᬵᬕᬸᬲ᭄ᬢᬶᬳᬬᬸᬗᬧᬓᬧᬓ᭄᭟ᬳ᭄ᬥᬵᬩᬧᭀᬗᬄᬚ᭄ᬯᬭᬶᬫᬗᬗ᭄ᬕᭀᬓᬳᬶᬤᬕᬗᬦ᭄
ᬓᬤᬶᬦ᭄ᬳᬶᬩᬧᬦᬓ᭄ᬩᬦ᭄ᬓᬸᬂᬩᬗ᭄ᬓᬂᬳᬩᬓᬧᬲᬗ᭄ᬓᬦ᭄ᬲᬗ᭄ᬓᬳᬶᬩᬵᬢ᭄ᬓᬳᬢᬶᬳᬾᬗ᭄ᬕᬮᬂᬩᬢᬶᬦᬾᬲᬳᬸᬧ᭄ᬳᬧᬂᬳᬶᬩᬵᬲᬸᬕᬶᬄᬫᬧᬩ᭄ᬯᬦ᭄ᬮᬮᬜ᭄ᬘᬂ᭟ᬩᬦ᭄ᬢ᭄ᬯᬭᬫᬦᬯᬂᬗ᭄ᬲᬶᬂᬢᭀᬓᬾᬦ᭄ᬓᬾᬦᬶᬩᬫᬩ᭄ᬭᬬ
ᬓ᭄ᬭᬫᬶᬸᬡᬳᬶᬩᬢ᭄ᬓᬮᬚᬸᬳᬶᬫᬥᬸᬲᬭᬫᬜᬸᬫ᭄ᬩᬄᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄ᬲᬬᬯᬦᬶᬂᬗ᭄ᬮᬸᬂᬧᬸᬧᬸᬢ᭄ᬲᬭᬳᬾᬦᬓ᭄ᬳᬕᬶᬧᬓᬳ᭄ᬬᬸᬦᬦ᭄ᬤᬸᬓ᭟ᬢᬶᬢ᭄ᬬᬂᬓᬮᬶᬦ᭄ᬢᬂᬲᬳᬶᬭᬶᬂᬳᬶᬕᬸᬲ᭄ᬢᬶᬳᬬᬸᬗᬦ᭄ᬤᬶᬓᬵ᭠
ᬢᬸᬫᬦ᭄ᬢᬸᬫᬦ᭄ᬳᬶᬩᬮᬸᬘᬸᬲᬶᬗ᭄ᬤᬩᬸᬳᬸᬂᬓᬳᬢᬸᬭᬂᬚᬦᬶᬢ᭄ᬓᬾᬦ᭄ᬳᬢᬸᬳᬚᬶᬧᬗᬶᬩᬩᬦᬗ᭄ᬓᬫᬳᬶᬜ᭄ᬘᬸᬓ᭄ᬫᬩᬮᬸᬮᬂᬩᬲ᭄ᬤᭂᬕᬕᬾᬩᬶᬦᬯ᭟ᬳᬶᬕᬥᬸᬕ᭄ᬫᬗᬲᬶᬳᬲᬶᬄᬳᬯᬶᬦᬦ᭄ᬢᬶᬢ᭄ᬬᬂᬧ᭄ᬭ
Page:Bali-lontar-gaguritan-hajap-300ppi.pdf/43
This page has been proofread.
