[᭔᭙ 49B]
᭔᭙
ᬳᬦᬓ᭄ᬧ᭄ᬭᬚ᭄ᬜ᭄ᬬᬦ᭄ᬗᬶᬦ᭄ᬭᬶᬭᬶᬄᬢᬸᬃᬤᬵᬯᬮᬓ᭄ᬱᬡᬜ᭄ᬚᬮᬦᬂᬲᬫᬥᬡ᭄ᬥᬦᬩᬾᬥᬦᬾᬢᬦ᭄ᬫᬭᬶᬦᬯᬂᬱᬤ᭄ᬕᬸᬡᬵᬫᬶᬯᬄᬲᬧ᭄ᬢᬧ᭄ᬭᬓᬺᬢ᭄ᬢᬶ᭟ᬲᬶᬗ᭄ᬤᬫ᭄ᬮᬄᬢᭀᬳᬦᬓᬾᬮᬶᬯᬢ᭄ᬩᬗ᭄ᬕᬵᬲᬂᬕ᭄ᬭᬸᬥᬲᬸᬩᬰᬓ᭄ᬢᬶ
ᬧᬬᬸᬩᬄᬜ᭄ᬚᬕᬤᬕ᭄ᬫᬗ᭄ᬮᬯᬸᬢ᭄ᬧᬧ᭄ᬢᭂᬗᬦ᭄ᬩᬳᬢ᭄ᬫᬦᬶᬓᬸᬮ᭄ᬚᬭᬶᬚᬶᬓᬵᬮᬶᬲᬂᬓᬃᬡ᭄ᬦᬩᬗ᭄ᬮᬸᬲ᭄ᬫᭂᬲᬸᬳᬂᬫᬸᬜᬶ᭟ᬓᬮᬶᬂᬩᬜᬢ᭄ᬯᬭᬗ᭄ᬕᭂᬮᬄᬓᬯᬶᬰᬾᬱᬦ᭄ᬪᬝᬵᬭᬧᬤ᭄ᬫᬵᬬᭀᬦᬶᬪᬝᬵ
ᬭᬧᬤ᭄ᬫᬦᬵᬪᬳᬶᬤᬜᬸᬫ᭄ᬩᬸᬗᬂᬳᭂᬳᬕᬤᬤᬶᬜ᭄ᬚᭂᬍᬕ᭄ᬮᬶᬗ᭄ᬕᬵᬫᬡᬶᬓ᭄ᬲᬫᬮᬶᬄᬳᬤᬭᬢᬸᬮᬶᬯᬢᬶᬂᬰᬓ᭄ᬢᬶ᭟ᬫᬧᭂᬲᬾᬗᬦ᭄ᬫᬳᬵᬭᬚᬤᬦ᭄ᬪᭀᬤ᭄ᬪᬯᬵᬲᬳᬲᬫᬗᭂᬦ᭄ᬤᭀᬦᬶᬦ᭄ᬋᬱᬶᬦᬭᬬ
ᬡᬵᬤᬾᬦᬶᬂᬳᬶᬤᬧᬡ᭄ᬥᬶᬢᬢ᭄ᬯᬭᬓᬳ᭄ᬬᬸᬦ᭄ᬫᬦᬶᬫ᭄ᬧᬮᬶᬦ᭄ᬫᬲᬶᬄᬓᬢᬂᬢᬂᬧᬬᬸᬲᬂᬧ᭄ᬭᬪᬸᬮᬶᬮᬶᬄ᭟ᬢᭀᬧᬗ᭄ᬳᭂᬤᬫᬸᬜᬶᬦᬾᬫᬗ᭄ᬕᬳᬾᬚ᭄ᬗᬄᬳᬶᬬᬩᬓᬮ᭄ᬩᬮᬶᬓᬶᬦ᭄ᬩᬦᬾᬩᬧᬢᬸᬯᬵ
[᭕᭐ 50A]
ᬢᭀᬂᬫᬫ᭄ᬧᬸᬄᬫᬮᬓ᭄ᬱᬡᬵᬢᬓᬸᬢ᭄ᬫᬫᬲᬸᬳᬂᬫᬸᬜᬶᬮᬫᬸᬜᬲᬶᬤ᭄ᬥᬵᬗᬶᬭᬶᬂᬓᬳ᭄ᬬᬸᬦ᭄ᬳᬶᬕᬸᬲ᭄ᬢᬶ᭟ᬳᬦᬓ᭄ᬩᬶᬦᬢᬶᬗ᭄ᬓᬳᬾᬦᬫᬭᬧᬳᬶᬘ᭄ᬘᬵᬧᬥᬬᬂᬢ᭄ᬓᬾᬦᬢᬶᬫᬲᬶᬄᬦᬸᬚᬳᭂᬦᬦ᭄ᬚᬸᬓᬸᬢᬾᬩᬓ
ᬮ᭄ᬳᬫᬄᬤᬶᬚᬮᬦᬾᬗᭂᬫ᭄ᬧᬸᬕ᭄ᬩ᭄ᬭᬡ᭄ᬥᬶᬫᬲᬲᬥᬾᬕᬦ᭄ᬫᬸᬓᬂᬫᬸᬓᬂᬩᬾᬕᬸᬮᬶᬂ᭟ᬭᬱᬵᬤᬿᬢ᭄ᬬᬵᬓᭀᬢ᭄ᬓᬵᬩᬦᬶᬫᬗ᭄ᬮᬯᬦ᭄ᬓᬮᬶᬂᬫᬳᬵᬯ᭄ᬯᬂᬚᬯᬶᬦᬗ᭄ᬳᬶᬂᬭᬱᬵᬤᭀᬯᬂᬓᬾᬢᭀᬭᬭᬱᬓ᭄ᬩᬧᬵᬤᭀᬂ
ᬤᬩᬧᬵᬜᬫ᭄ᬩᬢ᭄ᬘᬳᬶᬳᬧᬗ᭄ᬤᬵᬲᬮᬄᬩᬧᬵᬫᭂᬲᬸᬳᬂᬫᬸᬜᬶ᭟ᬭᬭᬶᬲ᭄ᬦᬶᬫ᭄ᬩᬮ᭄ᬳᬶᬕᬸᬲ᭄ᬢᬶᬕ᭄ᬥᬾᬲᬭᭀᬗ᭄ᬕᬵᬲᬫ᭄ᬧᬸᬦᬂᬚᬗ᭄ᬕᭂᬮᬭᬶᬦ᭄ᬬᬦ᭄ᬯᬗᬸᬦᬂᬕ᭄ᬮᬃᬓᬳᬸᬮᬦᬾᬩᬲ᭄ᬩᬬᬵᬳᬦ᭄ᬢᬸᬓ᭄ᬓᬮᬶᬦ᭄ᬢᬗᬶᬂᬦᬶᬤᬶᬓ᭄ᬭ
ᬭᭀᬲ᭄ᬢᬶᬕ᭄ᬢᬶᬕᬂᬕ᭄ᬮᬶᬲᬦ᭄ᬳᬶᬧᬸᬦ᭄ᬲᬓᬶᬢ᭄᭞ᬩᭀᬬᬓᬗ᭄ᬓᬢ᭄ᬚᬕᬳᬤᭀᬓᬂᬫᬬᬸᬥᬵᬕᬸᬲ᭄ᬢᬶᬕ᭄ᬥᬾᬕᬸᬫᬶᬭᬶᬓ᭄ᬫᬲᬳᬸᬢ᭄ᬦᬫ᭄ᬩᬭᬵᬗᬋᬗ᭄ᬕᭂᬂᬧᬤᬶᬤ᭄ᬬᬦ᭄ᬗᬲ᭄ᬓᭂᬋᬂᬚᬗᭂᬧᬓᭀᬯᬶᬗ᭄ᬕᬳᬾᬓᬲᬸᬕ᭄ᬬᬦ᭄ᬢᭀᬘᬶᬡ
Page:Bali-lontar-gaguritan-hajap-300ppi.pdf/50
This page has been proofread.
