[᭕᭔ 54B]
᭕᭔
ᬫᬗᬶᬧᬸᬓ᭄ᬲᬳᬶᬢᬸᬃᬫᬥᬃᬥᬥᬃᬪᬸᬱᬡᬦ᭄ᬳᬦᬓ᭄ᬫᬗ᭄ᬓᬗ᭄ᬓᬢ᭄ᬫᬤᬸᬮᬸᬃᬲᬮᬓᬵᬧᬶᬧᬶᬲ᭄ᬧᬜ᭄ᬚᬓᬾᬕᬶᬭᬂᬫᬶᬭᬶᬩ᭄ᬗᬦ᭄ᬢ᭄ᬬᬂᬫᬩᬸᬜ᭄ᬘᬶᬂ᭟ᬕᬸᬲ᭄ᬢᬶᬳᬕᬸᬂᬲᬳᬶᬫᬳᬶᬘ᭄ᬘᬮᬸᬗ᭄ᬲᬸᬭᬦ᭄ᬫᬗᭂᬫ᭄ᬩᬳᬶᬦ᭄ᬫᬲ᭄
ᬧᬶᬧᬶᬲ᭄ᬢᬸᬫᬥᬦᬥᬦᬵᬫᬦᬗᬸᬦ᭄ᬲᬗ᭄ᬕᬃᬢᬯᬂᬫᬤᬸᬮᬸᬭᬦ᭄ᬤᬭᬦ᭄ᬲᬫ᭄ᬧᬶᬩᬶᬮᬂᬓᬮ᭄ᬬᬗᬦ᭄ᬤᬦᬾᬫᬢᬸᬭᬦ᭄ᬲᬸᬘᬶ᭟ᬧᬭᬵᬫᬜ᭄ᬘᬫᬲᬶᬄᬫᬳᬶᬧᬸᬓ᭄ᬳᬶᬧᬸᬓᬦ᭄ᬗᬸᬮᬦᬶᬦ᭄ᬧᬜ᭄ᬘᬓ᭄ᬲᬳᬶᬧᬥᬫ
ᬓᬲᬸᬓᬦ᭄ᬳᬤᬕᬕᬫ᭄ᬩᬸᬳᬦ᭄ᬫᬗᭂᬫ᭄ᬩᬳᬶᬦ᭄ᬳᬭᬓᬦᬶᬲ᭄ᬫᬧᬧᬸᬜᬳᬦ᭄ᬳᬧᬦ᭄ᬫᬧ᭄ᬭᬬᬵᬫᬢᬶ᭟ᬢᬦ᭄ᬘᬭᬶᬢᬯᬾᬦ᭄ᬢᭂᬦ᭄ᬢᬶᬕᬂᬤᬰᬤᬶᬦᬰᬢ᭄ᬭᬸᬦᬾᬭᬯᬸᬄᬢᬶᬢᬶᬩ᭄ᬫ᭄ᬩᭂᬓᬶᬦ᭄ᬩᭀᬯ᭄ᬯᬬᬂᬗᬫ᭄ᬩᬳᬶᬦ᭄
ᬳᬸᬮᬶᬂᬓᬚᬳᬤᬦᭂᬕᬓᬶᬦ᭄ᬧᬥᬢᬶᬦ᭄ᬕᬓᬶᬦ᭄ᬚᬭᬦ᭄ᬲᭀᬭᭀᬄᬧᬲᬶᬬᬢ᭄ᬲᬫᬶ᭟ᬯᬶᬮᬂᬲᬶᬓᭂᬧ᭄ᬓᭀᬘᬧ᭄ᬳᬸᬮᬸᬂᬤᬰᬵᬮᬓ᭄ᬱᬵᬰᬹᬭᬥᬥᬸᬦᭂᬫ᭄ᬢᬮᬶᬲᬸᬩᬦᬗᬸᬦ᭄ᬕ᭄ᬮᬃᬧᭀᬦ᭄ᬤᭀᬓᬾᬓᬩᬶᬦᬯ
[᭕᭕ 55A]
ᬫᬧᬓᬶᬤᬶᬄᬳᬦ᭄ᬢᬸᬓ᭄ᬩ᭄ᬥᬶᬮ᭄ᬫᬭᬶᬬᭂᬫ᭄ᬮᬾᬮᬾᬲᭀᬭᭀᬄᬦᬾᬫᬋᬥᬢᬶ᭟ᬧᬭᬫᬾᬦᬓ᭄ᬯᬾᬦ᭄ᬢᭂᬦ᭄ᬳᬗᬦ᭄ᬧ᭄ᬢᬂᬤᬥᬫᬤᬦ᭄ᬤᬸᬓᬸᬄᬦᬸᬭᬰᬶᬄᬳᬶᬤᬸᬓᬸᬄᬲᬸᬭᬵᬰᬮᬦ᭄ᬳᬶᬤᬸᬓᬸᬄᬭᭀᬤᬦᬧᬸᬦᬶᬓᬵᬦᬾ
ᬜᬾᬦᬧᬢᬶᬫᬦᬶᬗ᭄ᬓᬄᬕ᭄ᬮᬃᬗᬩᭂᬢ᭄ᬬᬥᬦᬾᬲᬫᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬧ᭄ᬭᬤᬸᬓᬸᬄᬤᬤᭀᬲ᭄ᬧᬂᬮᬶᬫᬵᬫᬤᬦ᭄ᬤᬸᬓᬸᬄᬧ᭄ᬭᬬᬢᬶᬳᬶᬤᬸᬓᬸᬄᬓᭀᬃᬱᬡᬵᬫᬶᬯᬄᬤᬸᬓᬸᬄᬳᬃᬢ᭄ᬣᬦᬶᬳᬶᬤᬸᬓᬸᬄᬮᭀᬩᬃᬱᬵᬫ
ᬮᬶᬄᬤᬸᬓᬸᬄᬫᬢ᭄ᬲᬃᬬ᭄ᬬᬵᬤᬦᬾᬤᬸᬓᬸᬄᬫᭀᬯᬤᬶ᭟ᬫᬓᬫᬶᬯᬄᬤᬦᬾᬤᬸᬓᬸᬄᬓᬶᬫ᭄ᬩᬸᬭ᭄ᬯᬥᬫ᭄ᬢᭀᬧᬥᬰᬓ᭄ᬢᬶᬰᬓ᭄ᬢᬶᬢᬸᬃᬩᬶᬱᬫᬜᬸᬗ᭄ᬮᬧ᭄ᬧᬗ᭄ᬓᬸᬗᬾᬍᬄᬳᬲᬄᬫᬗ᭄ᬕᬳᬾᬓᭂᬦᭂᬳᬾᬧᬮᬶᬂᬤᬤᬶ
ᬧ᭄ᬭᬧᬜ᭄ᬘᬦ᭄ᬭᬵᬩᭂᬦᭂᬄᬓᬤᬾᬦ᭄ᬧᭂᬮᬶᬄ᭟ᬫᬮᬶᬄᬯᬾᬦ᭄ᬢᭂᬦ᭄ᬧᬭᬪᬸᬮᬶᬂᬕᬮᬓ᭄ᬕᬮᬓ᭄ᬲᭀᬭᭀᬳᬜᬦᭂᬫ᭄ᬤᬶᬭᬶᬫᬤᬦ᭄ᬤᬾᬦᬸᬭᬶᬤ᭄ᬥᬵᬓᬮᬯᬦ᭄ᬤᬾᬦ᭄ᬲ᭄ᬧᬃᬱᬵᬤᬾᬦᬸᬭᬓ᭄ᬱᬤᬾᬓᬃᬡ᭄ᬦᬵᬯᬶ
Page:Bali-lontar-gaguritan-hajap-300ppi.pdf/55
This page has been proofread.
