[᭕᭘ 58B]
᭕᭘
ᬲᬩᬸᬓ᭄ᬧᬸᬢᬶᬄᬫᬗᬗ᭄ᬕᭀᬓ᭄ᬫᬶᬢᬦ᭄ᬧᬶᬢᬸᬭᬸᬦ᭄ᬭᬶᬂᬩᬮᬶᬗ᭄ᬓᬂᬦ᭄ᬩᬄᬩᬯᬸᬓᬦᬦ᭄ᬓᬾᬭᬶᬜᬢ᭄ᬭᬸᬯᬶᬦᬰᬢᬸᬃᬗ᭄ᬕᭂᬮᬭᬂᬧᬫᬃᬕ᭄ᬕᬶ᭟ᬲᬫ᭄ᬧᬸᬦ᭄ᬳᬸᬲᬦ᭄ᬳᬶᬕᬸᬲ᭄ᬢᬶᬭᬭᬶᬲ᭄ᬓᬳᭀᬤᬮ᭄ᬲᬶᬓᭂᬧᬾᬲᬫ᭄ᬧᬸᬦ᭄ᬢᬶᬢᬶᬩ᭄
ᬕᬸᬲ᭄ᬢᬶᬳᬕᬸᬂᬫᬸᬗ᭄ᬕᬄᬤᬦᬾᬗ᭄ᬮᬶᬗ᭄ᬕᬶᬳᬶᬦ᭄ᬤᬫ᭄ᬧᬧᬚᭂᬂᬳᬕᬸᬂᬳᬫᬭᬧᬶᬢ᭄ᬳᬭᬶᬢ᭄ᬓᬮᬾᬯᬂᬢᬸᬗ᭄ᬕᬸᬮ᭄ᬮᬦᬸᬩᬭᬩᬶᬃ᭟ᬧᬭᬫᬜ᭄ᬘᬧᬥᬫᬦᭂᬕᬓᬶᬦ᭄ᬚᬭᬦ᭄ᬗᬗ᭄ᬕᭀᬢᬸᬫᬦ᭄ᬤᬂᬫᬦ᭄ᬢ᭄ᬭᬶᬲᬫ᭄ᬧᬸᬦ᭄ᬫᬪᬸᬱᬡᬵ
ᬧᬥᬫᬗᬗ᭄ᬕᭀᬓ᭄ᬫᬶᬢᬦ᭄ᬫᬤᬗᬦᬦ᭄ᬢᭀᬕᭀᬕ᭄ᬲᬫᬶᬫᬧᬗ᭄ᬯᬦ᭄ᬦᭂᬫ᭄ᬩᬮ᭄ᬮᬾᬦ᭄ᬳᬤᬫᬲᬲᬶᬫ᭄ᬧᬶᬂ᭟ᬫᬕᬶᬍᬳᬦ᭄ᬲᬶᬓᭂᬧᬾᬫᬧᬦ᭄ᬢᬧᬦ᭄ᬢᬫᬳᬶᬭᬶᬩ᭄ᬕᬸᬦᬸᬂᬳᬧᬶᬓᬲᬸᬦ᭄ᬤᬭᬶᬦ᭄ᬲᬸᬃᬬ᭄ᬬᬵᬫᬗ᭄ᬭᬭᬶᬲ᭄ᬓ
ᬧᬦᬶᬤ᭄ᬥᬵᬭᬶᬂᬩᬸᬓᬶᬢ᭄ᬩᭂᬤᬸᬕ᭄ᬫᬕᬶᬲᬶᬫᬸᬲᬸᬳᬾᬗᬫ᭄ᬩ᭄ᬬᬃᬓᬦ᭄ᬢᭂᬦ᭄ᬢᬦ᭄ᬧᬾᬦ᭄ᬤᬄᬧᬲᬶᬄ᭟ᬫᬧᬭᬗᬦ᭄ᬚᬭᬦ᭄ᬧᬤᬢᬶᬦᬾᬓᬨᬮ᭄ᬫᬩᬶᬤᬓ᭄ᬳᬸᬩᬃᬳᬩᬶᬭ᭄ᬫᬮᬶᬄᬧᬭᬫᬾᬦᬓ᭄ᬧᬭᬶᬲᬓ᭄ᬱᬢ᭄ᬩᬸ
[᭕᭙ 59A]
ᬬᬵᬓᬓ᭄ᬬᬵᬮᭀᬫ᭄ᬩᬮᭀᬫ᭄ᬩᬫᬮᬶᬄᬮᬫᬸᬦ᭄ᬩᬦ᭄ᬤ᭄ᬭᬗᬦ᭄ᬫᬳᭀᬫ᭄ᬩᬓ᭄ᬳᬢᬸᬓ᭄ᬩᭂᬥᬶᬮ᭄᭟ᬕᬸᬲ᭄ᬢᬶᬳᬕᬸᬂᬓᬭᬶᬫᬮᬶᬗ᭄ᬕᬶᬄᬭᬶᬂᬧᬸᬭᬧᬡ᭄ᬥᬶᬢᬓᬾᬄᬳᬦᬗ᭄ᬓᬶᬮ᭄ᬧᬸᬗ᭄ᬕᬯᬵᬲᬫᬶᬬᬦ᭄ᬤᬦᬾᬦ᭄ᬤᬩ᭄ᬤᬩᬂᬕ᭄ᬮᬃ
ᬧᬭᬫᬜ᭄ᬘᬲᬫᬶᬗᬶᬭᬶᬂᬩᬶᬮᬂᬳᬩ᭄ᬮᬦ᭄ᬓᬧᭀᬩ᭄ᬤᬶᬓ᭄ᬗᬸᬮᬶᬳᬸᬮᬶᬄ᭟ᬢᬦ᭄ᬘᬭᬶᬢᬕᬸᬲ᭄ᬢᬶᬳᬕᬸᬂᬭᬶᬂᬧᬦᬶᬤ᭄ᬥᬵᬳᭀᬃᬢ᭄ᬣᬦᬾᬮᬸᬫ᭄ᬭᬵᬫᬗ᭄ᬓᬶᬦ᭄ᬓᬳᬢᬸᬃᬓᬋᬡ᭄ᬥᬂᬕᬸᬲ᭄ᬢ᭄ᬬᬵᬬᬸᬫᬥᬾᬳᭀᬓᬵᬮᬶ
ᬦ᭄ᬢᬂᬲᬸᬗ᭄ᬲᬸᬢ᭄ᬫᬫᬶᬭᬕᬶᬢᬦᬸᬭᬸᬂᬲᬾᬤ᭄ᬥᬵᬕᬸᬲ᭄ᬢᬶᬬᬕᬸᬲ᭄ᬫᬗᬶᬭᬶᬂ᭟ᬳᭂᬦ᭄ᬢᭀᬓ᭄ᬭᬡᬤᬦᬾᬦᬗᬶᬲ᭄ᬧ᭄ᬢᭂᬂᬍᬫᬄᬗᬚ᭄ᬗᬂᬢ᭄ᬯᬭᬤᬤᬶᬫᭂᬋᬫ᭄ᬜᭂᬮ᭄ᬲᭂᬮ᭄ᬭᬕᬫᬾᬮᬶᬂᬓᬾᬦ᭄ᬧᬸᬭᬓᬺᬢ᭄ᬢᬤᬤᬶᬫᬕᬾᬩ᭄ᬭᬲ᭄ᬫᬢᬗᬶ
ᬫᬜᭂᬫᬓ᭄ᬳᭂᬦ᭄ᬢᬮ᭄ᬲᬕᬸᬯᬂᬳᬦ᭄ᬢᬸᬓ᭄ᬗᬯᬶ᭟᭛᭜᭛ᬑᬫ᭄ᬫᬓ᭄ᬭ᭄ᬬᬦ᭄ᬓ᭄ᬱᬫᬓᭃᬦᬲᭂᬫ᭄ᬩᬳᬶᬗᬢᬸᬃᬓ᭄ᬯᬢᬶᬓᬧᬦᬶᬗᬸᬮᬸᬦ᭄ᬧ᭄ᬭᬢᬶᬓᬸᬮ᭞ᬢᬦ᭄ᬧᬾᬦ᭄ᬤᬄᬓᬤᬶᬥᬃᬥᬸᬭᬾᬚᬸᬭᬗᬫᬵᬭᬗᬶᬕᭂᬮᬧᬶᬭᬶ
Page:Bali-lontar-gaguritan-hajap-300ppi.pdf/59
This page has been proofread.
