[᭖᭘ 68B]
᭖᭘
ᬬᬸᬫᬢᬶᬦ᭄ᬤᬤᬓᬂᬪᬝᬵᬯᬶᬱ᭄ᬡᬸᬢ᭄ᬥᬸᬦ᭄ᬤᬤᬶᬲᬂᬓᬺᬱ᭄ᬡᬵᬳᬶᬤᬗᭂᬦ᭄ᬢᬸᬗᬂᬓᬧᬲᬶᬄᬫᬘᬍᬩᬸᬕ᭄ᬲᬂᬫᬳᬶᬚᬧᬬᬸᬲᬾᬤ᭄ᬥᬵ᭟ᬢᭀᬓ᭄ᬫᬮᬓᬸᬫᬶᬦᭂᬳᬂᬬᬾᬦ᭄ᬧᬥᬾᬳᬶᬳᬚᬧ᭄ᬫ
ᬢᬶᬩᬧᬢ᭄ᬯᬭᬮᬦ᭄ᬢᬂᬭᬳᭀᬲ᭄ᬬᬾᬦ᭄ᬜᬳᬶᬩᬦᬶᬢᬸᬢᬸᬢᬶᬦ᭄ᬢᭀᬫᬤᬦ᭄ᬳᬦᬓ᭄ᬳᬾᬱ᭄ᬝᬶᬧᬢᬶᬩ᭄ᬭᬢ᭄ᬢᬲᬢᬸᬯᬸᬬᬾᬦ᭄ᬜᬳᬶᬢ᭄ᬯᬭᬩᬾᬮᬵᬲᬢ᭄ᬬᬳᬶᬫ᭄ᬩᬦ᭄ᬫᬩᭂᬋᬲᬶᬄᬤᬤᬶ
ᬲᭂᬗ᭄ᬕᬸᬫᬲᬶᬄᬲᬳᬢᬂᬫᬧᬸᬚᬵ᭟ᬳᬸᬮᬶᬢᭀᬤᬶᬢᬸᬓᭂᬦᭂᬳᬂᬳᬶᬳᬚᬧ᭄ᬳᬚᬓ᭄ᬫᬲᬡ᭄ᬥᬶᬂᬫᬲᬶᬄᬢ᭄ᬓᭂᬤᬂᬓᬾᬦ᭄ᬩᬧᬵᬓᬵᬮᬶᬄᬕᬸᬲ᭄ᬢᬶᬕᬸᬲ᭄ᬢᬶᬦ᭄ᬜᬳᬶᬳᬃᬘ᭄ᬘᬡᬲᬰᬫ᭄ᬧᬢᬶᬢᭀᬲᬸᬩᬲᬓ᭄ᬱ
ᬢ᭄ᬫᬫ᭄ᬩᬸᬓᬸᬃᬬᬾᬦ᭄ᬜᬳᬶᬫᬫ᭄ᬩᬮᬶᬕ᭄ᬬᬵᬓᬾᬯᭂᬄᬗᬮᬶᬄᬩᬳᬲ᭄ᬧᬶᬧᬶᬲ᭄ᬢᬶᬳᬶᬂᬓᬬᬸᬧᬢᬶᬢᬸᬬᬸᬤ᭄ᬗᬶᬤᬶᬄᬳᭀᬮᬲ᭄᭟ᬩ᭄ᬭᬢ᭄ᬢᬦᬾᬓᬾᬯᭂᬄᬧᬲᬚᬵᬤᬗᭂᬦᭂᬳᬂᬩᬳᬲ᭄ᬧᬶᬧᬶᬲ᭄ᬧᬂ
[᭖᭙ 69A]
ᬩᬸᬓᬜᬫ᭄ᬩᭂᬳᬂᬳᬳᭀᬦ᭄ᬓᭂᬦᭂᬳᬂᬩᬧᬢᭀᬂᬤᬤᬶᬳᬤᬢᬸᬢᬸᬭᬦ᭄ᬓᬶᬓᬶᬢ᭄ᬤᬶᬢᬸᬮᬾᬫ᭄ᬩᬂᬳᬤᬭᬢᬸᬫᬮᬸᬲ᭄ᬥᭂᬓ᭄ᬫᬮᬶᬕ᭄ᬬᬵᬤᬤᬶᬩᬸᬓᬗᬗᭂᬦ᭄ᬦᬲᬶᬫᬘᬍᬩ᭄ᬭᬕ᭄ᬲᬂᬧᬶᬢ
ᬭᬵᬤᬤᬶᬩᬾᬫᬲ᭄᭟ᬓᬵᬮᬶᬄᬕᬳᬾᬦᬾᬳᬧᬶᬲᬦ᭄ᬜᬓᬩ᭄ᬦᭂᬄᬜᬓᬢᭀᬲᬶᬂᬫᬲᬶᬄᬢᭀᬧ᭄ᬭᬲᬶᬤ᭄ᬥᬓᬗ᭄ᬰᭀᬬᬾᬦ᭄ᬜᬳᬶᬲᬶᬤ᭄ᬥᬫᬩᬺᬲᬶᬄᬫᬧᬸᬚᬵᬲᬳᬶᬲᬳᬶᬦ᭄ᬤᬸᬕᬓᬾᬲᬲᬃᬲᬢᬸᬳᬸᬓ᭄
ᬫ᭄ᬮᬮᬶᬳᬤᭂᬂᬲᬫᬵᬜᬩᬲ᭄ᬢᭂᬫ᭄ᬯᬂᬢᭂᬫ᭄ᬯᬗᬦ᭄ᬧᭂᬘᬶᬮ᭄ᬲᬶᬜᬓᬢᬸᬢ᭄ᬳᬧᬵᬳᬗᬦ᭄ᬫᬢ᭄ᬭᬫᬢ᭄ᬭ᭟ᬳᬓᬾᬢᭀᬧᬶᬢ᭄ᬓᭂᬢ᭄ᬩᬧᬵᬳᬗ᭄ᬕᭀᬳᬂᬦᬾᬧᭂᬮᬶᬄᬳᭂᬦ᭄ᬢᬸᬗᬂᬓᬢᭂᬮᬕᬯᬚᬦᬾᬩ᭄ᬦᭂᬄᬤᭀᬯᬂ
ᬧᬶᬮᬶᬳᬶᬦ᭄ᬓᬾᬯᬮᬲᬸᬳᬸᬤ᭄ᬲ᭄ᬥᬶᬄᬫᬗᬸᬤ᭄ᬥᬵᬧᬚᭂᬗ᭄ᬓᬸᬢ᭄ᬚᭂᬗ᭄ᬓᬢ᭄ᬳᬯᬓᬾᬩᬓᬮ᭄ᬓ᭄ᬫᬵᬫᬲᬶᬄᬧᬥᬩᬶᬱᬫᬢᬶᬤᬚᬵᬳᬶᬩᬸᬓ᭄ᬬᬤᬶᬦ᭄ᬳᬤᬤᬹᬃᬫᬗ᭄ᬕᬮ᭛᭜᭛ᬕᬸᬲ᭄ᬢᬶᬳᬬᬸ
Page:Bali-lontar-gaguritan-hajap-300ppi.pdf/69
This page has been proofread.
