[᭗᭕ 75B]
᭗᭕
ᬦ᭄ᬫᬫ᭄ᬩᭂᬥᬶᬮ᭄᭟ᬳᬧᬂᬢᬯᬂᬩᭀᬗ᭄ᬓᭀᬮ᭄ᬫᬸᬜ᭄ᬘᬸᬓ᭄ᬮᬯᬦ᭄ᬳᭀᬩᬢ᭄ᬧᬧᬾᬭᬾᬲ᭄ᬫᬶᬯᬄᬫᬶᬫᬶᬲ᭄ᬳᬧᬵᬧᬯᬓᬵᬜᬦᬾᬤᬶᬸᬦᬶᬸᬚᬦᬶᬫᬮᬚᬶᬸᬄ᭟ᬧᬶᬢᬸᬯᬶᬘᬳᬶᬦᬸᬫ᭄ᬩᬓ᭄ᬫᬲᬶᬄ
ᬚᬗᬶᬦ᭄ᬧᬰᬸᬧᬢᬶᬬᬤᬶᬦ᭄ᬓᬤᬸᬢᬦ᭄ᬫᬲᬶᬄᬧᬤᬓ᭄ᬦᭂᬳᬶᬦ᭄᭟ᬳᬧᬂᬢᬯᬂᬘᬘᬓᬦ᭄ᬜᬦᬾᬢᭀᬢᭀᬜᬦᬾᬩᬭᬓ᭄ᬩᬤᭂᬂᬧᬸᬢᬶᬄᬧᬫ᭄ᬧ᭄ᬭ᭄ᬩ᭄ᬲᬶᬯᬚᬵᬬᬾᬦ᭄ᬳᬧᬧᬯᬓᬵᬜ
ᬧᬗᬤᬤᬶᬧᬰᬸᬧᬢᬶᬭᬗ᭄ᬲᬸᬓᬶᬓ᭄ᬓᬍᬧᬥᬫᬳᬯᬓ᭄ᬳᬧᬶ᭟ᬕᬸᬲ᭄ᬢᬶᬩᬕᬸᬲ᭄ᬫᬮᬶᬄᬫᬢᬸᬃᬲᬳᬲᭂᬫ᭄ᬩᬄᬢᬶᬢ᭄ᬬᬂᬫᬳᬢᬸᬃᬲᬶᬲᬶᬧ᭄ᬦ᭄ᬤᬯᭂᬕᬂᬧ᭄ᬭᬲᬗ᭄ᬕᬵᬓᬤᬶᬜᬾᬜᬾᬦᬸᬦᬲᬂ
ᬫᬗ᭄ᬓᬶᬦ᭄ᬭᬶᬂᬧᬮᬸᬗ᭄ᬕᬸᬄᬳᬚᬶᬅ᭄ᬬᬦ᭄ᬢᬶᬢ᭄ᬬᬂᬭᬲᬓ᭄ᬳᭂᬗ᭄ᬓᬾᬦ᭄ᬧᬢᬸᬢ᭄ᬫᬃᬕ᭄ᬕᬶᬦᬶᬦ᭄᭟ᬕᬸᬲ᭄ᬢᬶᬳᬕᬸᬂᬫ᭄ᬭᬭᬸᬲ᭄ᬫᬗᬦ᭄ᬤᬶᬓᬵᬳᭂᬦ᭄ᬢᭀᬢᬓᭀᬦᬂᬘᬳᬶᬚᬦᬶᬢ᭄ᬓᬾᬩᬧᬵᬢᭀᬂᬤᬤᬶᬧ
[᭗᭖ 76A]
ᬕᬯᬾᬦᬂᬲᬭᬢᬶᬢᬳᬾᬫᬗ᭄ᬕᬶᬲᬶᬬᬾᬦ᭄ᬘᬳᬶᬲᬥ᭄ᬬᬵᬲᬶᬤ᭄ᬥᬵᬫᭂᬍᬧᬢᬶᬢᬶᬲ᭄᭟ᬬᬾᬦ᭄ᬓᬲᬶᬤ᭄ᬥᬵᬦ᭄ᬩᬳᬦ᭄ᬘᬳᬶᬫᬗᭂᬦᭂᬳᬂᬢᬗᬶᬢᭂᬧᭂᬢᬾᬳᬸᬗ᭄ᬲᬶᬢ᭄ᬓᬾᬦ᭄ᬲᬦ᭄ᬤᬾᬓᬮᬵᬤᬾᬦᬶᬲᬧ᭄ᬭᬪᬸ
ᬰᬮ᭄ᬬᬵᬫᭂᬍᬂᬚᭂᬕ᭄ᬚᭂᬕ᭄ᬫᬢᬦᬳᬶᬳᬶᬤᬾᬢ᭄ᬬᬯᬺᬢ᭄ᬢᬲᬂᬦ᭄ᬤᬾᬓᬮᬦᬾᬫᬢᬶ᭟ᬢᭀᬦ᭄ᬤᬾᬦ᭄ᬧ᭄ᬕᬵᬢ᭄ᬭᬳᭀᬲᬾᬲᬕᬾᬢᬦ᭄ᬢᭂᬓᬵᬫᬸᬲᬸᬳᬾᬫᬦᬸᬳᬸᬦᬶᬦ᭄ᬬᬫᬩᬩ᭄ᬥᬶᬮᬦ᭄ᬫᬶᬫᬶᬲᬲᬾᬩᬸᬓᬵ
ᬳᬸᬤᬦ᭄ᬓᬤᬸᬮᬸᬭᬶᬦ᭄ᬩᬦ᭄ᬚᬫ᭄ᬧᬶᬭᬶᬂᬧᬥᬫᬳᬸᬧᬲ᭄ᬲᬶᬂᬓ᭄ᬦᬵᬧᬕᬸᬮᬶᬮᬶᬂ᭟ᬓᬩᬶᬦᬯᬵᬩ᭄ᬥᬶᬮᬾᬢᬦ᭄ᬧᬧ᭄ᬕᬢᬦ᭄ᬫᬶᬭᬶᬩ᭄ᬓᬶᬮᬧ᭄ᬮᬦ᭄ᬢᬢᬶᬢ᭄ᬓ᭄ᬤᬾᬧᬦ᭄ᬓᬮᬾᬯᬂᬲᬯᬂᬢᬢᬶᬢ᭄ᬫᬘᬡ᭄ᬥᬵᬮᬶ
ᬦᬸᬄᬕ᭄ᬭᬤᭂᬕᬦ᭄ᬧᬥᬢᬶᬕᭂᬦ᭄ᬢᬸᬄᬚᬍᬫᬵᬳᬦ᭄ᬤᬸᬲᬾᬫᬗ᭄ᬕᬸᬍᬫᬶᬦ᭄᭟ᬫᬸᬜᬶᬦ᭄ᬲᬸᬭᬓ᭄ᬫᬲᬯᬂᬳᬗᬶᬦ᭄ᬧ᭄ᬭᬮᬬᬵᬓᬘᬭᬸᬩᬦ᭄ᬕᭀᬂᬩᬾᬭᬷᬢᬫ᭄ᬩᬸᬃᬢᬯᬢᬯᬵᬳᬭᬾᬭᬾᬢ᭄ᬕᭂᬦ᭄ᬢ
Page:Bali-lontar-gaguritan-hajap-300ppi.pdf/76
This page has been proofread.
