[᭘᭗ 87B]
᭘᭗
ᬦ᭄ᬕᬸᬲ᭄ᬢᬶᬕ᭄ᬥᬾᬕᬜ᭄ᬘᬂᬫᬩᬶᬦ᭄ᬤᭂᬃᬗᬤᬸᬮᬕᬲ᭄ᬧᬯᬶᬤᬕ᭄ᬥᬫᬢᬗ᭄ᬓᬶᬲ᭄ᬧ᭄ᬭᬥᬧ᭄ᬭᬯᬶᬭᬧᬥᬢ᭄ᬕᬸᬄᬢᬦ᭄ᬲᬶᬧᬶ᭟ᬕᬸᬲ᭄ᬢᬶᬕ᭄ᬥᬾᬚᬕᬧᬢᬶᬧᭀᬮᬶᬄᬜᬶᬤ᭄ᬭᬵᬚᬭᬦᬾᬓᬢᬸᬫ᭄ᬩᬓᬶᬦ᭄ᬳ
ᬧᬶᬲᬦ᭄ᬜᬮᬾᬫ᭄ᬧᬂᬤᬸᬓᬸᬄᬭᭀᬤᬦᬜᬸᬗ᭄ᬲᬂᬫᬦᭂᬧᬾᬦ᭄ᬮᬸᬗᬦ᭄ᬧᬥᬢᬶᬩᬗᬸᬦ᭄ᬫᬕᬾᬩ᭄ᬭᬲ᭄ᬳᬶᬤᬸᬓᬸᬄᬮᬶᬯᬢ᭄ᬪ᭄ᬭᬗ᭄ᬢᬶ᭞ᬫᬲᬸᬲᬸᬫ᭄ᬩᬃᬦᬸᬤᬶᬂᬮᬦ᭄ᬢᬲ᭄ᬫᬦᬸᬫ᭄ᬩᬓ᭄ᬳᬶᬕᬸᬲ᭄ᬢᬶᬚᬕᬧ
ᬢᬶᬓᬲᬲᬮᬗᬦ᭄ᬦᬦ᭄ᬳᬶᬂᬢ᭄ᬕᬸᬄᬓᬮᬶᬯᬢ᭄ᬲᭀᬓ᭄ᬯᬘ᭄ᬘᬦᬾᬲᬶᬢ᭄ᬲᬶᬢ᭄ᬭᬦ᭄ᬢᬶᬂᬫᬍᬲ᭄ᬫᬦᬸᬫ᭄ᬩᬓ᭄ᬤᬸᬓᬸᬄᬭᭀᬥᬦᬓ᭄ᬦᬶ᭟ᬢᬶᬭᬸᬲ᭄ᬧ᭄ᬳᬵᬗ᭄ᬳᬶᬂᬜᬾᬲᬾᬢ᭄ᬕ᭄ᬢᬶᬳᬾᬜᬫ᭄ᬧ᭄ᬬᬦ᭄ᬳᬶᬤᬸᬓᬸᬄᬳᬯᬶᬂᬳ
ᬯᬶᬂᬫᬶᬦ᭄ᬤᭀᬳᬶᬦ᭄ᬫᬦᬸᬫ᭄ᬩᬓ᭄ᬕᬸᬲ᭄ᬢᬶᬕ᭄ᬥᬾᬫᬮᬾᬗ᭄ᬓᬲ᭄ᬜ᭄ᬚᬕ᭄ᬚᬕ᭄ᬦᬸᬫ᭄ᬩᬓ᭄ᬳᬸᬮᬶᬤᭀᬭᬶᬩᬾᬢᬾᬮ᭄ᬓᬩᬲᬩᬤ᭄ᬩᬤ᭄ᬫᬲᬶᬄᬢᭀᬂᬧᬶᬳᬶᬤ᭄᭟ᬲᬬᬜ᭄ᬚᬶᬗ᭄ᬓ᭄ᬭᬓ᭄ᬫᬕᬾᬕᬲ᭄ᬜ᭄ᬚᭂᬫᬓ᭄ᬓᬮᬾ
[᭘᭘ 88A]
ᬯᬂᬫᬗᬩᬵᬲᬶᬂᬓᬧᬗ᭄ᬕᬶᬄᬧᬓ᭄ᬱᬗᬮᬶᬄᬩᬮᬵᬓᬤᬶᬲᬶᬗ᭄ᬳᬵᬓᬘᬸᬃᬡ᭄ᬦᬦ᭄ᬩᬮᬲᬫᬃᬳᬸᬩᬢᬩᬶᬢ᭄ᬲᬢ᭄ᬜᭂᬧᭂᬕ᭄ᬮᬯᬢ᭄ᬢᭀᬂᬫᬢᬶᬦᬗᬩᭂᬲᬶᬓ᭄᭟ᬫᬶᬮᬶᬸᬮᬶᬧᭂᬢᬦ᭄ᬳᬶᬤᬸᬓᬸᬄᬩ᭄ᬯᬶᬦ᭄ᬫ
ᬗᭂᬭᬓ᭄ᬫᬸᬜᬶᬦᬾᬢᬦ᭄ᬧᬰ᭄ᬭᬸᬢᬶᬦᬄᬓ᭄ᬫᬓ᭄ᬢᭀᬕᬂᬓᬥᬂᬯᬃᬕ᭄ᬕᬦᬾᬳᬢᬕ᭄ᬢᬸᬦ᭄ᬤᬾᬦᬂᬫᬗᬺᬩᬸᬢ᭄ᬓᬳᬶᬩᬸᬯᬶᬦ᭄ᬳᬸᬦ᭄ᬤᬗᬦ᭄ᬭᬸᬢᬸᬦᬾᬰᬓ᭄ᬢᬶᬰᬓ᭄ᬢᬶ᭟ᬢᬦ᭄ᬲᬧᬮᬓᬳᬶᬩᬓᬮ᭄ᬫᬵ
ᬢᬦ᭄ᬤᬶᬗᬦ᭄ᬓᬾᬦ᭄ᬳᬶᬩᬢᬸᬯᬕᬶᬮ᭄ᬕᬶᬮ᭄ᬓᬮᬶᬯᬢᬶᬂᬦᬶᬱ᭄ᬝᬵᬓ᭄ᬱᬫᬜᬓᬸᬦᬂᬓᬸᬦᬂᬫᬩᬸᬤ᭄ᬥᬶᬫᬦ᭄ᬤᬭᬸᬂᬰᬰᬶᬄᬧᬶᬤᬦ᭄ᬓᬢ᭄ᬓᬦ᭄ᬫᬢᬶᬤᬾᬄᬩᬓᬮ᭄ᬮᬦ᭄ᬢᬶᬕ᭄᭟ᬕᬸᬲ᭄ᬢᬶᬕ᭄ᬥᬾᬚᬕᬧᬢᬶᬕ᭄ᬮᬶᬲ᭄ᬦᬶᬫ᭄ᬩ
ᬮ᭄ᬩᬗ᭄ᬕ᭄ᬭᬲ᭄ᬳᬤᬾᬂᬫᬗᬢᬶᬄᬫᭂᬦ᭄ᬤᭂᬧ᭄ᬤᬵᬫᬧ᭄ᬝᬵᬳᭂᬦ᭄ᬢᭀᬤᭀᬯᬂᬢᬳᬦᬂᬢᬢᬸᬫ᭄ᬩᬦᬾᬩᬸᬗ᭄ᬓᬂᬩᬗ᭄ᬓᬶᬂᬜᬮᬄᬳᬸᬦ᭄ᬤᬗᬦ᭄ᬓᬮᬶᬗ᭄ᬓᬾᬭᬢᬸᬰᬓ᭄ᬢᬶ᭟ᬓᬳᬶᬤᭀᬯᬂᬓᬸᬯᬗᬦ᭄ᬫᬗ᭄ᬮᬯ
Page:Bali-lontar-gaguritan-hajap-300ppi.pdf/88
This page has been proofread.
