[᭙᭒ 92B]
᭙᭒
ᬮᬶᬯᬢ᭄ᬕ᭄ᬢᬧ᭄ᬫᬜᬶᬗ᭄ᬲᬾᬢ᭄ᬓᬫᬂᬚᬬᬵᬢᭀᬂᬲᬶᬤ᭄ᬥᬓᬳᬶᬫᬢᬶᬢ᭄ᬯᬭᬦᬯᬂᬚ᭄ᬗᬄᬳᬓᬾᬢᭀᬤᬦᬾᬫ᭄ᬩᬢ᭄ᬩᬢ᭄ᬤᬦᬾᬕᬸᬲ᭄ᬢᬶᬩᬕᬸᬲ᭄ᬧ᭄ᬭᬱᬶᬓᬮᬶᬦ᭄ᬢᬂᬓ᭄ᬭᭀᬥᬫ᭄ᬮᬳᬶᬩ᭄ᬗᬫ᭄ᬩᬶᬮ᭄ᬕ
ᬕᬶᬢᬶᬓ᭄᭟ᬢ᭄ᬓᬗᭂᬫ᭄ᬧ᭄ᬮᬂᬩᬢᬶᬲ᭄ᬜᬦᬾᬫᬓᬤᬤ᭄ᬯᬵᬜᬸᬗ᭄ᬓᭂᬮ᭄ᬤᬾᬦ᭄ᬲ᭄ᬮᬾᬲ᭄ᬫᬕᬭᬶᬫ᭄ᬓᬭᬶᬓᬶᬭᬓᬶᬭᬳᬶᬕᬸᬲ᭄ᬢᬶᬩᬕᬸᬲ᭄ᬜ᭄ᬚᬕ᭄ᬚᬕ᭄ᬕ᭄ᬮᬶᬲ᭄ᬤᬦᬾᬗᬸᬦᬸᬲ᭄ᬓᭂᬭᬶᬲ᭄ᬮᬶᬦ᭄ᬢᬂᬲᬳᬲᬵᬘᬸᬗᬸᬄ
ᬜᬦᬾᬓᬳᬶᬳᬶᬲ᭄᭟ᬕ᭄ᬮᬶᬲ᭄ᬜ᭄ᬚᬕ᭄ᬓᬕ᭄ᬕᭂᬥᬾᬤ᭄ᬯᬲᬸᬮᬶᬮᬄᬓᬩᬗᬦ᭄ᬗᭂᬦᭀᬢ᭄ᬤᬾᬦ᭄ᬧᭂᬮᬾᬲ᭄ᬫᬕᬭᬶᬫ᭄ᬦᬸᬓᬮᬭᬭᬭᬵᬗᭂᬭᬓ᭄ᬫᬲᬶᬗ᭄ᬳᬵᬦᬤᬫᬗᬸᬬᭂᬂᬧ᭄ᬤᬂᬫᬳᬶᬗᬶᬤ᭄ᬳᬤ
ᬳᬩ᭄ᬮᬄᬗᬸᬮᬾᬮᬫ᭄ᬫᬶᬭᬶᬩ᭄ᬢᬢᬶᬢ᭄᭟ᬕᬸᬲ᭄ᬢᬶᬩᬕᬸᬲᬶᬤᬧᬃᬡ᭄ᬦᬭᬭᬶᬲ᭄ᬫᬧᬕ᭄ᬢ᭄ᬯᬭᬤᬧᬧᬓᬾᬭᬶᬂᬓᬤᬶᬲᬶᬗ᭄ᬳᬵᬭᭀᬤ᭄ᬭᬫᬗᬤᭂᬕ᭄ᬕᭂᬥᬾᬕᬗ᭄ᬕᬲ᭄ᬭᬫ᭄ᬩᬸᬢᬾᬗ᭄ᬩᭂᬓᬶᬦ᭄ᬕᬶᬕᬶᬃᬓᬭᬶᬲᬮ
[᭙᭓ 93A]
ᬳᬦ᭄ᬘᬘᬶᬗᬓᬾᬫᬗᭂᬦ᭄ᬤᬶᬄ᭟ᬦᬸᬳᭂᬮ᭄ᬢᬸᬫ᭄ᬩᬓ᭄ᬫᬳᬸᬓᬸᬃᬧᬥᬧ᭄ᬭᬯᬶᬭᬵᬧᬥᬯᬶᬤᬕ᭄ᬥᬾᬂᬢᬗ᭄ᬓᬶᬲ᭄ᬓᬤᬶᬫᬲᬰ᭄ᬭᬫᬦ᭄ᬤᬾᬦ᭄ᬯᬓ᭄ᬲᬸᬮᬶᬮᬄᬫᬜᭂᬫ᭄ᬧᬮ᭄ᬓ᭄ᬦᬢᬸᬫ᭄ᬩᬓᬾᬫᬼᬗ᭄ᬓᭂᬢᬶᬓ᭄ᬤᬾᬦ᭄ᬯ
ᬓ᭄ᬲᬸᬮᬶᬮᬄᬫᬲᬸᬭᬓ᭄ᬫᬗᬶᬕᭂᬮᬶᬦ᭄᭟ᬫᬲᬲᬸᬫ᭄ᬩᬃᬗᬮᭀᬓ᭄ᬯᬂᬚᬯᬫᬸᬮᬫᬸᬮᬧ᭄ᬭᬚᬸ᭠ᬭᬶᬢ᭄ᬕᬸᬲ᭄ᬢᬶᬲᬶᬤ᭄ᬥᬧᬃᬡ᭄ᬦᬵᬚ᭄ᬚᬄᬮᬶᬯᬢᬶᬂᬓ᭄ᬭᭀᬥᬕ᭄ᬮᬶᬲ᭄ᬤᬦᬾᬫᬗᬸᬦᬸᬲ᭄ᬓᭂᬭᬶᬲ᭄ᬭᬭᬶᬲ᭄ᬦᬭᬚᬵᬂ
ᬯᬓ᭄ᬲᬸᬮᬶᬮᬄᬓᬳᬸᬗ᭄ᬲᬶ᭟ᬫᬳᬸᬤᭂᬭᬦ᭄ᬧᬥᬵᬘ᭄ᬧᭂᬢ᭄ᬫᬘᬘᬶᬤ᭄ᬭᬦ᭄ᬧᬥᬧ᭄ᬭᬢᬫᬾᬂᬢᬗ᭄ᬓᬶᬲ᭄ᬕᬸᬲ᭄ᬢᬶᬲᬶᬤ᭄ᬥᬧᬃᬡ᭄ᬦᬗᬸᬮᬳᬂᬦᬋᬕ᭄ᬢᬶᬕᬂᬩᬦ᭄ᬓ᭄ᬭᭀᬥᬦᬾᬫᬦ᭄ᬤᬸᬮᬸᬭᬶᬦ᭄ᬫᬳᬦ᭄ᬜᬶᬗ᭄ᬲᬾ
ᬬᬂᬯᬓ᭄ᬲᬸᬮᬶᬮᬄᬗᬸᬮᬶᬦ᭄ᬢᬶᬓ᭄᭟ᬤᬶᬢᬸᬮᬯᬸᬢ᭄ᬕᬸᬲ᭄ᬢᬶᬕ᭄ᬥᬾᬲᬶᬤ᭄ᬥᬧᬃᬡ᭄ᬦᬗᬾᬗ᭄ᬕᬮᬂᬫᬦ᭄ᬕᬓᬶᬦ᭄ᬲᬳᬲᬫᬜ᭄ᬚᬫ᭄ᬩᬓ᭄ᬧ᭄ᬭᬬᬵᬗ᭄ᬕᭀᬭᭀᬓ᭄ᬫᬫᬸᬗ᭄ᬕᬮ᭄ᬘᭂᬧᭂᬢ᭄ᬯᬓ᭄ᬱᬸᬮᬶᬮᬄᬦᬗ᭄ᬓᬶᬲ᭄
Page:Bali-lontar-gaguritan-hajap-300ppi.pdf/93
This page has been proofread.
