This page has been proofread.
[᭒᭙ 29B]
᭒᭙
ᬩᬶᬗᬸᬂ᭞ᬲᬶᬦᬧᬸᬢᬶᬂᬧᬜ᭄ᬘᬾᬦ᭄ᬤ᭄ᬭᬶᬬ᭚ᬤᬤᬶᬧᭂᬲᬸᬫᬸᬜᬶᬗᬭᬂ᭞ᬤᬶᬧᭂᬤᭂᬫᬦ᭄ᬗᬰᬶᬳᬰᬶᬄ᭞ᬭᬢᬸᬳᬕᬸᬂᬲᬲᬸᬳᬸᬦᬦ᭄᭞ᬩᭀᬬᬜᬶᬤ᭄ᬥᬬᬂᬦᬦ᭄ᬥᬗᬶ
ᬦ᭄᭞ᬗᭂᬦᭀᬢ᭄ᬫᬦᬶᬲᬾᬳᬧᬲᬶᬄ᭞ᬗ᭄ᬳᬶᬂᬓᬵᬭᬶᬢᭂᬍᬗᬶᬂᬢᬦᬸ᭞ᬓᭂᬮᬧ᭄ᬓᭂᬮᬧ᭄ᬚᭀᬄᬤᬶᬢᭂᬗᬄ᭞ᬢ᭄ᬯᬭᬓᭀᬓᭂᬦᬳᬸᬲᬸᬤᬶᬦ᭄᭞ᬤᬾᬯᬭᬢᬸ᭞᭠
ᬓᬵᬗᭂᬦ᭄ᬮᬘᬸᬭᬾᬓᬮᬶᬦ᭄ᬢᬂ᭚ᬲᬓᬶᬢ᭄ᬲᬦ᭄ᬓᭀᬫᬦᬄᬢᬶᬢ᭄ᬬᬂ᭞ᬗ᭠ᬤᬸᬳᬂᬢᭀᬂᬳᬤᬲᬓᬶᬢ᭄᭞ᬳᬶᬩᬳᬯᬓ᭄ᬢᬦ᭄ᬧᬘᬸᬭ᭞ᬫᬜᬓᬶᬢᬂ
ᬍᬢᭂᬄᬕᬸᬫᬶ᭞ᬦᬾᬢ᭄ᬯᬭᬲᭂᬥᭂᬂᬤᭂᬫᭂᬦᬶᬦ᭄᭞ᬢᬸᬯᬄᬕᬦ᭄ᬢᬶᬦ᭄ᬳᬶᬩᬮᬘᬸᬃ᭞ᬚᬮᬦᬾᬩᬲ᭄ᬮᬶᬯᬢ᭄ᬲᬲᬃ᭞ᬢᭀᬂᬢᬳᬾᬦ᭄ᬫᬓᬾᬃᬣᬶᬬᬸᬓ᭄ᬢᬶ᭞
[᭓᭐ 30A]
ᬤᬶᬚᬭᬸᬭᬸᬄ᭞ᬭᬵᬳᬬᬸᬦᬾᬩᬓᬮ᭄ᬕᭀᬬᬄ᭚ᬲᬳᬸᬲᬦ᭄ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬮᬳᬸᬢ᭄ᬩᬗᬸᬦ᭄ᬬᬫᬓᬺᬱᬶᬄ᭞ᬫᬲᬶᬲᬶᬕ᭄ᬫᬫ᭄ᬩᬸᬄᬫᬲᬸᬯᬄ᭞ᬭ
ᬭᬶᬲ᭄ᬫᭂᬲᬾᬄᬯᬲ᭄ᬢ᭄ᬭᬰᬸᬘᬶ᭞ᬳᬶᬥᭂᬧᬾᬧᬘᬂᬫᬓᬵᬃᬤ᭄ᬥᬶ᭞ᬫᬗ᭄ᬥᬓᬲᬶᬤ᭄ᬥᬦ᭄ᬭᬵᬳᬬᬸ᭞ᬤ᭄ᬬᬲ᭄ᬢᬸᬓᬾᬗᭂᬫᬲᬶᬦ᭄ᬧᭂᬚᬄ᭞ᬬᬦ᭄ᬲᬵᬫ᭄ᬧᬸᬦ᭄ᬫᬓᬶᬃᬣᬶᬄ᭠
ᬬᬸᬓ᭄ᬢᬶ᭞ᬩᭀᬬᬓᬾᬗ᭄ᬕᬸᬄ᭞ᬓᬧᬸᬗ᭄ᬓᬸᬃᬫᬮᬶᬄᬬᬰᬬᬂ᭚᭜᭚ᬧᬸᬧᬸᬄᬧᬗ᭄ᬓᬸᬃ᭚ᬦᭂᬳᭂᬃᬢᬸᬫᬸᬮᬶᬫᬚᬮᬦ᭄᭞ᬫᬗᬮᬾᬭᬂᬚᬸᬫᬸᬚᬸᬂ
ᬯᬦᬕᬶᬭᬶ᭞ᬓᬂᬤᬾᬰᬓᬳᬸᬦ᭄ᬢᬧ᭄ᬲᬫ᭄ᬧᬸᬦ᭄᭞ᬢᭂᬓᬫᬭᬶᬂᬢᭂᬕᬮ᭄ᬢᭂᬕᬮ᭄᭞ᬤᬤᬶᬧᬗ᭄ᬕᬶᬄᬭᬵᬫ᭄ᬬᬦᬶᬂᬚᭂᬗ᭄ᬕᬮᬕᬸᬦᬸᬂ᭞ᬳᬋᬦᭂᬩ᭄ᬓᬂᬧ
