This page has been proofread.
[᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬰᬶᬥ᭄ᬬᬀ᭛᭐᭛ᬧᬸᬄᬧᬗ᭄ᬓᬸᬃ᭟᭐᭟ᬳᬶᬲᭂᬂᬢᬶᬢ᭄ᬬᬂᬫᬗᬶᬓᭂᬢᬂ᭞ᬗᬯᬾᬓᬶᬤᬸᬂᬢᬸᬢᬸᬭᬦ᭄ᬲᬢ᭄ᬯᬵᬳᬓᬶᬤᬶ
ᬓ᭄᭞ᬧᬸᬧᬸᬳᬶᬦ᭄ᬩᬦ᭄ᬲᬶᬦᭀᬫ᭄ᬧᬗ᭄ᬓᬸᬃ᭞ᬗᬯᬾᬧᬜ᭄ᬮᬶᬫᬸᬃᬫᬦᬄ᭞ᬜᬭᬶᬢᬬᬂᬳᬯᬓᬾᬧᬗ᭄ᬓᬄᬢᬸᬃᬳᬚᬸᬫ᭄᭞ᬢ᭄ᬯᬭᬢᬓᬸᬢ᭄ᬓᬕᬸᬬᭀ
ᬦᬦ᭄᭞ᬩᬸᬓᬧᭀᬗᬄᬫᬗᬯᬾᬦᬶᬦ᭄᭟᭐ᬦᬗ᭄ᬳᬶᬂᬭᬢᬸᬳᬫ᭄ᬧᬸᬭᬬᬂ᭞ᬳᬲᬶᬂᬓᬬᬸᬦ᭄ᬧᬘᬂᬫᬫᬯᭀᬲᬶᬦ᭄᭞ᬰᬲ᭄ᬢ᭄ᬭᬓᬲᬃᬫ
ᬮᬶᬄᬩᬦ᭄ᬥᬸᬂ᭞ᬢᬸᬦᬧᬲᬗᬾᬓᬮᬶᬦ᭄ᬢᬂ᭞ᬗᬯᬾᬓᬶᬤᬸᬂ᭞ᬤᬤᬶᬬᬂᬫᬢᭂᬫ᭄ᬩᬂᬧᬗ᭄ᬓᬸᬃ᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂᬫᬦᬄ᭞ᬲᭀᬓ᭄ᬤᭂᬫᭂᬦ᭄ᬢᬶᬬᬂ
[᭒ 2A]
ᬫᬦᬸᬮᬶᬲ᭄᭟᭐ᬤᬶᬢᬾᬧᬳᬶᬗᬾᬳᬸᬘᬧᬂ᭞ᬯᬭᬲᬶᬦ᭄ᬢᬵ᭞ᬳᬶᬭᬶᬓᬫᬗᬯᬶᬢᬶᬦ᭄᭞ᬰᬰᬶᬄᬓᬢᬶᬕᬵᬫᬦᭂᬫᬸ᭞ᬲᭂᬤᭂᬓ᭄ᬢᬗ᭄ᬕᬮ᭄ᬧᬶᬂᬮᬶ
ᬫᬵ᭞ᬫᬗᬸᬗ᭄ᬕᬳᬂ᭞ᬲᬢ᭄ᬯᬵᬦᬾᬳᬶᬮᬢ᭄ᬣᬢᬸᬳᬸ᭞ᬓᭀᬘᬧ᭄ᬲᬂᬧ᭄ᬭᬪᬸᬭᬶᬂᬤᭂᬳᬵ᭞ᬳᬶᬤᬵᬗᬗ᭄ᬕᬾᬦ᭄ᬧᬸᬢ᭄ᬭᬵᬯ᭄ᬬᬓ᭄ᬢᬶ᭟᭐ᬳᬶᬤᬵᬲᬂᬧ᭄ᬭᬪᬸᬭᬶᬂᬤᭂ
ᬳᬵ᭞ᬫᬓᬵᬤᬶᬦ᭄ᬜᬳᬶᬤ᭄ᬯᬕᬸᬂᬧᬸᬢᬸᬯ᭄ᬬᬓ᭄ᬢᬶ᭞ᬓᬮᬶᬓᬸᬢ᭄ᬳᬦ᭄ᬢᬸᬓ᭄ᬳᬶᬮᬶᬫ᭄ᬩᬸᬃ᭞ᬦ᭄ᬢᭀᬳᬯᬦᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬬᬓᬢᬸᬡ᭄ᬥᬸᬂ᭞ᬓᬓᬸᬢᬂᬭᬶᬂᬳᬮ
ᬲ᭄ᬳᬕᬸᬂ᭞ᬭᬳᬵᬤᬾᬦ᭄ᬕᬮᬸᬄᬤᭂᬳᬵ᭞ᬓᬓᬸᬢᬂᬢᬸᬃᬓᬧᭂᬘᬢᬶᬦ᭄᭟᭐ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬳᬸᬘᬧᬂ᭞ᬲᬫ᭄ᬧᬸᬦ᭄ᬤᬦᬾᬫᬤ᭄ᬯᬾᬳᭀᬓᬓᬓᬵᬮᬶᬄ᭞
