This page has been proofread.
[᭖ 6B]
᭖
ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬢᬡ᭄ᬥᬶᬂ᭞ᬫᬓᬵᬤᬶᬳᬶᬤᬲᬂᬧ᭄ᬭᬪᬸ᭞ᬩ᭄ᬯᬢ᭄ᬫᬗᭂᬲᬾᬗᬶᬦ᭄ᬢᬶᬢ᭄ᬬᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬕ᭄ᬮᬶᬲ᭄ᬭᬯᬸᬄ᭞ᬯᬾᬦ᭄ᬢᭂᬦ᭄
ᬧᬘᬂᬓᬢᬸᬦᬲᬂ᭟᭐ᬧᬗᬭᬯᭀᬲ᭄ᬳᬸᬭᬶᬦ᭄ᬳᬶᬤᬾᬯ᭞ᬢᬶᬢ᭄ᬬᬂᬢ᭄ᬮᬲ᭄ᬯᬦ᭄ᬢᬄᬗᬶᬭᬶᬂ᭞ᬤᬾᬦᬶᬂᬫᬲᬮᬶᬦᬦ᭄ᬯᬃᬡ᭄ᬦ᭞ᬳᬸᬍᬤ᭄ᬢᬦᬳᬾᬫᬓᬫ᭄ᬧᬶᬤ᭄᭞
ᬫ᭄ᬭᬓᬾᬗᬸᬭᬕ᭄ᬢᬸᬃᬕᭂᬲᬶᬢ᭄᭞ᬩᬗ᭄ᬓᬸᬂᬩ᭄ᬭᬕᬾᬤᬶᬤᬸᬳᬸᬃ᭞ᬫᭂᬤᭂᬫ᭄ᬫᬕᬍᬂᬮᬶᬫ᭞ᬲᬸᬳᬸᬤ᭄ᬗᬫᬄᬩᬜᬸᬧᭂᬗᬶᬢ᭄᭞ᬬᬾᬦ᭄ᬜᬫᬦ᭄ᬥᬸᬲ᭄᭞ᬓᬓᬼ
ᬩᬸᬢᬦᬾᬮᬓᬸᬦ᭄ᬜ᭟᭐ᬲᬧᬸᬦᬶᬓᬳᬦ᭄ᬢᬸᬓ᭄ᬳᬶᬤᬵ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬶᬭᬶᬗᬶᬦ᭄᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬓᬋᬗᭃ᭞ᬳᬸᬮᬢ᭄ᬜᬭᬸᬯᬂᬫᬜᬶ
[᭗ 7A]
ᬮᬶᬩ᭄᭞ᬦᬄᬳᬸᬘᬧᬂᬦᬾᬦᬾᬫᬗ᭄ᬓᬶᬦ᭄᭞ᬫᬃᬕ᭄ᬕᬦ᭄ᬳᬶᬤ᭄ᬯᬕᬸᬗᬾᬢᭂᬧᬸᬓ᭄᭞ᬢ᭄ᬯᬭᬤᬤᬶᬳᭂᬮᬾᬦᬂ᭞ᬳᬧᬦ᭄ᬧᬦᬶᬢᬳᬶᬂᬯᬶᬥᬶ᭞ᬲ
ᬕᬾᬢ᭄ᬭᬯᬸᬄ᭞ᬳᬶᬮᬢ᭄ᬣᬵᬫᬦᬫ᭄ᬧᬘᬦᬂ᭟᭐ᬫᭂᬯᬤᬄᬮᬮᬜ᭄ᬘᬂᬳ᭄ᬫᬲ᭄᭞ᬳᬶᬤ᭄ᬯᬕᬸᬂᬧᬸᬢᬸᬦ᭄ᬤᬯᬸᬳᬶᬦ᭄᭞ᬮᬢ᭄ᬣᬵᬦᬄᬫᬳᬶᬧᬳᭂᬓᬂ᭞
ᬳᬢᬸᬭᬂᬢᭂᬓᬾᬦ᭄ᬳᬶᬬᬤᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬜᬶᬗᬓᬶᬦ᭄᭞ᬤᬤᬶᬓᬲ᭄ᬫᬭᬵᬦ᭄ᬳᬸᬮᬗᬸᬦ᭄᭞ᬢᬦ᭄ᬧᭂᬕᬢ᭄ᬫᬦᬼᬓ᭄ᬢᭂᬓᬂ᭞ᬫᬫᬃᬕ᭄ᬕᬶᬢ
ᬦ᭄ᬦᬫ᭄ᬧᬓ᭄ᬱᬶᬢᬶ᭞ᬬᬦ᭄ᬫᬮ᭄ᬬᬢ᭄᭞ᬭᬲᬦᭂᬩᭂᬓ᭄ᬩᬢᬸᬦ᭄ᬫᬦᬄ᭟᭐ᬓ᭄ᬮᬶᬬᬄᬘᬳ᭄ᬬᬦᬾᬤᬸᬫᬶᬮᬄ᭞ᬭᬲᬦ᭄ᬜᬗᭂᬩᭂᬓᬶᬦ᭄ᬕᬸᬫᬶ᭞ᬦᬗ᭄ᬳᬶᬂ
