[ ᭖᭗ 67B]
᭖᭗᭞
ᬗᭂᬦ᭄ᬢᭂᬦᬂ᭞ᬲᬓᬶᬂᬳᬮᬶᬢ᭄ᬯᬯᬸᬫᬗ᭄ᬓᬶᬦ᭄᭟ᬲᬕᬾᬢ᭄ᬭᬯᬸᬄᬳᬫ᭄ᬩᬸᬮ᭄ᬗᬩᬢᬶᬃᬣᬫᬺᬢ᭞ᬓᬬᬸᬦ᭄ᬓᬾᬕᬸᬲ᭄ᬢᬶᬦᬸᬮᬸᬗᬶᬦ᭄᭞ᬦᬶᬲ᭄ᬢᬶᬲᬶᬦ᭄ᬯᭀᬂᬓᬮᬭᬦ᭄᭞ᬓᬾᬦᬾᬦᭂᬫᬸᬲᬗ᭄ᬲᬭ᭞
ᬢᬸᬮᬸᬗᬶᬦ᭄ᬚᬵᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬓᭂᬦᬶᬫᬢᬶᬗ᭄ᬕᬮ᭄᭞ᬢᬶᬢ᭄ᬬᬂᬲᬓᬶᬂᬳᬶᬭᬶᬓᬶ᭟ᬬᬦᬶᬂᬓᬭᬶᬳᬶᬭᬶᬓᬶᬢᬶᬢ᭄ᬬᬂᬫᬕᭂᬦᬄ᭞ᬢᬦ᭄ᬧ᭄ᬭᬶᬯᬗ᭄ᬤᬾᬧᬘᬂᬫᬢᬶ᭞ᬓᬢᬤᬄᬩᬦ᭄ᬓᬮ᭞ᬤᬾᬦᬶᬂ
ᬳᬶᬧᬸᬦ᭄ᬧᬘᬂᬢᭂᬓᬵ᭞ᬫᭂᬗᬫ᭄ᬩᬶᬮ᭄ᬢᬶᬢ᭄ᬬᬂᬫᬭᬶᬓᬶ᭞ᬤᬶᬢᬸᬭᬳᬤ᭄ᬬᬦ᭄᭞ᬫᬲᬯᬸᬃᬳᬦ᭄ᬢᬸᬓ᭄ᬲᬲᬶᬦ᭄ᬤᬶᬃ᭟ᬮᬯᬸᬢ᭄ᬫᬓᬶᬤᬸᬂᬢᭂᬫᬗᬾᬗᭂᬜᬕᬂᬘᬶᬢ᭄ᬢ᭞ᬜᭂᬜᭂᬃᬓᬤᬶᬫᬥᬸᬕᭂᬡ᭄ᬥᬶᬲ᭄᭞ᬯ᭄ᬬᬓ᭄ᬢᬶᬫ
ᬳᬯᬶᬦᬦ᭄᭞ᬭᬯᬸᬄᬢᬦ᭄ᬳᭀᬯᬭᬭᬧᬦ᭄᭞ᬫᬶᬲᬤ᭄ᬬᬗᭂᬢᭀᬳᬂᬳᬸᬭᬶᬧ᭄᭞ᬫᬋᬩᬸᬢ᭄ᬬᬰ᭞ᬤᬦᬦᬾᬮ᭄ᬯᬶᬃᬲᬂᬳ᭄ᬬᬂᬭᬢᬶᬄ᭟ᬳᬾᬫᬦ᭄ᬧᬶᬲᬦ᭄ᬭᬢᬶᬳᬾᬢᬦ᭄ᬓᬲᬤ᭄ᬬᬬᬂ᭞ᬤᬾ
[ ᭖᭘ 68A]
ᬦᬶᬂᬪᬓ᭄ᬢᬶᬮᬯᬦ᭄ᬦᬲᬶᬄ᭞ᬬᬦ᭄ᬲᬫ᭄ᬧᬸᬦ᭄ᬳᬦᬸᬢ᭞ᬧᬭᬲ᭄ᬧᬭᭀᬧᬭᬶᬓ᭄ᬭᬫ᭞ᬫᬲᬵᬓᭀᬬᬧᬘᬂᬚ᭄ᬭᬶᬄ᭞ᬤᬾᬦᬶᬂᬳᬶᬦᬸᬘᬧ᭄᭞ᬫᬺᬢᬦᬾᬫᬤᬲᬃᬕ᭄ᬦ᭄᭟ᬢ᭄ᬯᬄᬳᬫ᭄ᬩᬸᬮ᭄ᬢᭀᬲᬲᬶᬫ᭄ᬩᬶᬂ
ᬤᬦᬾᬲᬂᬢ᭄ᬭᬸᬡ᭞ᬭᬲᬦᭂᬩᭂᬓ᭄ᬳᬸᬮᬸᬦ᭄ᬳᬢᬶ᭞ᬤᬤᬶᬭᬵᬚᬚ᭄ᬯᬶᬢ᭞ᬫᬗ᭄ᬭᬯᭀᬲ᭄ᬚ᭄ᬭᭀᬦᬶᬂᬤ᭄ᬭ᭄ᬬ᭞ᬲᬶᬜᬲᬚᬤᬦᬾᬫᬳᬶ᭞ᬓᬬᬸᬦ᭄ᬫᬜᬸᬧᬢ᭄᭞ᬓᬾᬢᭀᬭᬯᭀᬲᬾᬤᬶᬳᬢᬶ᭟ᬤᬶ
ᬢᬸᬮᬯᬸᬢ᭄ᬫᬲᬯᬸᬃᬲᬂᬭᬵᬚᬚ᭄ᬯᬶᬢ᭞ᬬᬦᬶᬂᬯᬦ᭄ᬢᬄᬲᬯ᭄ᬬᬓ᭄ᬢᬶ᭞ᬓᬤᬶᬧᬯᬘᬡᬵ᭞ᬩᭂᬘᬶᬓᬦ᭄ᬕᬸᬲ᭄ᬢᬶᬫᬗ᭄ᬕᬳᬦ᭄᭞ᬇᬭᬶᬓᬶᬫᬗ᭄ᬓᬶᬦ᭄ᬫᬮᬶᬗ᭄ᬕᬶᬄ᭞ᬲᬋᬂᬭᬶᬂᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬳᬶᬭᬶᬓᬫ
ᬗ᭄ᬓᬶᬦ᭄᭟ᬭᬭᬶᬲ᭄ᬢᭂᬥᬸᬦ᭄ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬂᬲ᭄ᬯᬡ᭞ᬲᬓᬶᬂᬓᬸᬤᬦᬾ ᬕᭂᬮᬶᬲ᭄᭞ᬮᬢᬶᬳᬾᬓᬚᭂᬫᬓ᭄᭞ᬤᬶᬩᬸᬗᬲ᭄ᬕᬸᬘᬶᬦᬾᬧᬘᬂ᭞ᬢᬮᬶᬦ᭄ᬚ᭄ᬭᬢᬾᬓᬳᬫ᭄ᬩᬶᬮ᭄᭞ᬮᬯᬸᬢ᭄ᬓᭂᬲ᭄ᬳᭂ᭠
Page:Bali-lontar-gaguritan-indra-bang-induraja-300ppi.pdf/68
This page has been proofread.
