[ ᭘᭘ 88B]
᭘᭘᭞
ᬫᬗ᭄ᬓᬶᬦ᭄ᬓᬧᬸᬭᬶ᭞ᬗᬢᬸᬭᬂᬢᭂᬓᬾᬦ᭄ᬲᬂᬦᬵᬣ᭞ᬧᬦᬸᬗ᭄ᬕᬸᬦ᭄ᬮᬯᬗᬾᬭᬭᬶᬲ᭄᭞ᬫᬮᬳᬶᬩ᭄ᬗᬢᬸᬭᬂᬓᬧᬸᬭᬶ᭞ᬕᭂᬮᬶᬲᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬳᬬᬸᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬮᬯᬸᬢ᭄ᬫᬢᬸᬃᬤᬶᬳᬶ
ᬲ᭄ᬥᬶᬳᬶᬲ᭄᭞ᬇᬗ᭄ᬕᬶᬄᬭᬢᬸ᭞ᬇᬭᬶᬓᬵᬯᬾᬦ᭄ᬢᭂᬦ᭄ᬳᬸᬢᬸᬲᬦ᭄᭟ᬓᬭᬶᬭᬶᬂᬮ᭄ᬯᬭᬶᬂᬚᭂᬩᬕ᭄᭞ᬧ᭄ᬭᬧᬸᬢ᭄ᬭᬦᬾᬗᬸᬢᬸᬲ᭄ᬫ᭄ᬭᬶᬓᬶ᭞ᬚᬕᬵᬢᬗ᭄ᬓᬶᬮ᭄ᬭᬶᬂᬳᬶᬤᬾᬯᬵ᭞ᬲᬂᬦᬵᬣᬳᬮᭀᬦ᭄ᬜᬯᬸᬭᬶᬦ᭄᭞ᬦᬄ
ᬓᭂᬫᬵᬚᬦᬶᬩᬸᬓᬓᬶᬦ᭄᭞ᬢᬸᬦ᭄ᬤᬾᬦᬂᬫᬳ᭄ᬫᬗ᭄ᬮᬯᬸᬢ᭄᭞ᬇᬧᬦᬸᬗ᭄ᬕᬸᬗᬾᬗ᭄ᬳᬮᬂ᭞ᬫᭂᬮᬳᬶᬩ᭄ᬮᬯᬸᬢ᭄ᬫᬸᬓᬳᬶᬦ᭄᭞ᬚᭂᬩᬕ᭄ᬓᭀᬢ᭞ᬳᬸᬢᬸᬲᬦᬾᬮᬯᬸᬢ᭄ᬫᬸᬮ᭄ᬬᬦ᭄᭟ᬳᬶᬢᬸᬗ᭄ᬕᬸᬦ᭄ᬮᬯᬂ
ᬗᬰᭂᬳᬂ᭞ᬳᬸᬢᬸᬲᬦᬾᬓᬚ᭄ᬭᭀᬧᬸᬭᬶ᭞ᬧᬋᬓ᭄ᬭᬶᬂᬳᬶᬤᬲᬂᬦᬵᬣ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬳᬬᬸᬦᬦ᭄ᬰ᭄ᬭᬷᬪᬸᬧᬢᬶ᭞ᬳᬸᬢᬸᬲᬦᬾᬜᭂᬫ᭄ᬩᬩᬄᬤᬶᬢᬸ᭞ᬲᬂᬦᬵᬣᬳᬮᭀ
[ ᭘᭙ 89A]
ᬦ᭄ᬗᬦ᭄ᬤᬶᬓᬵ᭞ᬫᬳᬶᬓᬾᬧᬳᭂᬓᬂᬤᬶᬦᬶ᭞ᬫᭂᬦᬫ᭄ᬧᭂᬓᬂ᭞ᬳᬸᬢᬸᬲᬦᬾᬫᬗᬢᬸᬭᬂ᭟ᬲᬸᬭᬢ᭄ᬭᬶᬂᬳᬶᬤᬲᬂᬦᬵᬣ᭞ᬲᬂᬧ᭄ᬭᬪᬸᬫᬗᬫ᭄ᬩᬶᬮᬶᬦ᭄᭞ᬲᬸᬭᬢ᭄ᬮᬯᬸᬢ᭄ᬓᬦ᭄ᬤᬶᬓᬬᬂ᭞ᬲᬂᬳᬮᬸᬤᬶᬦ᭄ᬗᬯᬘᬾ᭠
ᬦᬶᬦ᭄᭞ᬲᬫ᭄ᬧᬸᬦ᭄ᬓᭂᬫᬘᬲᬫᬶ᭞ᬳᬸᬘᬧᬦ᭄ᬲᬸᬭᬢᬾᬤᬶᬢᬸ᭞ᬫᬓᭂᬩ᭄ᬭᬶᬲ᭄ᬳᬶᬤᬲᬂᬦᬵᬣ᭞ᬯᬃᬡ᭄ᬦᬦ᭄ᬳᬶᬤᬩᭂᬗᬄᬩᬶᬳᬶᬂ᭞ᬲᭂᬩᬸᬄᬮᬡ᭄ᬥᬂ᭞ᬩᬸᬓᬢᬸᬜ᭄ᬚᬸᬗᬾᬲᬦ᭄᭟ᬲᬂᬦᬵᬣᬮᬶᬦ᭄ᬢᬂ
ᬓ᭄ᬭᭀᬥ᭞ᬮᬯᬸᬢ᭄ᬫᬗᬦ᭄ᬤᬶᬓᬕᭂᬮᬶᬲ᭄᭞ᬇᬄᬦᬾᬢᬾᬘᬳᬶᬳᬸᬢᬸᬲᬦ᭄᭞ᬓᭂᬫᭀᬫᬢᬸᬮᬓ᭄ᬦᬾᬚᬦᬶ᭞ᬳᭀᬭᬳᬂᬧᬫᬸᬜᬶᬦ᭄ᬓᬳᬶ᭞ᬓᬾᬦ᭄ᬕᬸᬲ᭄ᬢᬶᬦ᭄ᬘᬳᬶᬦᬾᬤᬶᬢᬸ᭞ᬳᬶᬭᬢᭀᬲᬶᬂᬫ
ᬜᬭᬳᬂ᭞ᬦᬦᬓ᭄ᬕᬮᬸᬄᬦᬾᬦᬾᬚᬦᬶ᭞ᬢᭂᬓᬾᬦᬂᬳ᭄ᬬᬵ᭞ᬧ᭄ᬭᬫᬦ᭄ᬢ᭄ᬭᬶᬦᬾᬦᬾᬢᭀᬢᭀᬦᬦ᭄᭟ᬓᬾᬯᬮᬵᬦᬸᬫᬳᬸᬓᬸᬤᬦ᭄᭞ᬓᬳᬶᬧᬘᬂᬫᬦᬶᬫ᭄ᬧᬮᬶᬦ᭄᭞ᬦᬵᬕᬭᬳᬦ᭄ᬢᬧ᭄ᬭᬫ
