[᭑ 1B]
᭞᭑᭞
ᬯᬶᬓᬸᬫᬦ᭄ᬧᭂᬦᬦ᭄ᬤᬂᬩᬯᬵ᭞ᬕᬸᬚᬗ᭄ᬕᬵᬢᬦ᭄ᬧᬳᬦᬶᬢ᭄ᬬᬵ᭟᭓᭞ᬲᬶᬧᬢ᭄ᬧᬢᬶᬯᬶᬲ᭄ᬫ᭄ᬯᬂᬲᬶᬓᬸᬲᬶᬓᬸ᭞ᬭᬶᬦᭂᬕᭂᬧ᭄ᬲᬸᬓ᭄ᬲᭀᬭᬾ᭞ᬤᬾᬦ᭄ᬬᬵᬓᬭᬸᬦᬵᬓᭂᬭᬸᬦᬶ᭞ᬳᬸᬚᬃᬢᬦᬵ
ᬕᬦᬮ᭄᭞ᬗᬸᬃᬤ᭄ᬭᬡ᭄ᬦᬵᬲᬦ᭄ᬢᭀᬲᬂᬳ᭄ᬬᬦ᭄᭞ᬭᬳᬬᬸ᭞ᬫᬵᬂᬘᬶᬢᬵᬫᬗ᭄ᬓᬾ᭞ᬫᬃᬫ᭄ᬫᬓ᭄ᬬᬵᬳᬶᬗᬧᬸᬲ᭄ᬓᬶᬤᬸᬂ᭞ᬭᬢᬸᬤᬶᬩ᭄ᬬᬵᬲᬸᬡ᭄ᬬᬵ᭞ᬳᬯᬾᬄᬲᬸᬓᬦᬶᬂᬦᭂᬕᬭ᭟᭔᭞ᬦ᭄ᬤᬓ᭄ᬬᬵᬒᬁ
ᬩᬯ᭄ᬬᬭᬱᬵᬲᬳᬶᬡᬸ᭞ᬫ᭄ᬯᬂᬲᬦᬓ᭄ᬲᬯᭀᬤᬭ᭞ᬰ᭄ᬭᬶᬯᭂᬃᬓᭀᬤᬭᬵ᭞ᬢᬦ᭄ᬓᬭᬶ᭞ᬓᭂᬓᬸᬮᬵᬲᭂᬤᬾᬯ᭄ᬬᬡᬸᬫ᭄᭞ᬯᬢᭂᬓ᭄ᬧᬃᬢᬶᬯ᭄ᬯ᭞ᬓᭂᬯᬸᬯᬸᬲ᭄᭞ᬩ᭄ᬭᬳ᭄ᬫᬡ᭄ᬦᬵᬩᬸᬚ
ᬗ᭄ᬕᬵᬫᬗ᭄ᬓᬾ᭞ᬕᬮᬵᬯᬶᬃᬬ᭄ᬬᬵᬲᬫᬵᬭᬯᬸᬄ᭞ᬳᬸᬫᬭᬶᬦ᭄ᬳᬦᬾᬂᬧᬲᬾᬩᬦ᭄᭞ᬚᭂᬂᬳᬶᬭᬵᬰ᭄ᬭᬶᬫᭂᬃᬢ᭄ᬝᬵᬯᬗ᭄ᬱᬵ᭟᭕᭞ᬰ᭄ᬭᬶᬅᬃᬚᬸᬡ᭄ᬦᬵᬓᬭᬶᬳᬶᬡ᭄ᬟ᭄ᬭᬩᬸᬡ᭄ᬦᬵ᭞
[᭒ 2A]
ᬧᬓᬸᬭᭂᬦ᭄ᬫᬗ᭄ᬓᬵ᭞ᬳᭀᬮᬶᬄᬥᬥᬭᬶᬓᭂᬓᬮᬶᬄ᭞ᬯᬸᬲ᭄ᬤ᭄ᬯᬤᬱᬵᬯᬶᬲᬾᬓᬸ᭞ᬤᬾᬦᬾᬰ᭄ᬭᬶᬫᭂᬃᬢ᭄ᬝᬵᬯᬂᬲᬓᬸ᭞ᬳᭂᬧᬸᬄᬢ᭄ᬯᬲ᭄ᬳᬶᬭ᭞ᬢᬦ᭄ᬯᭂᬭᬶᬂᬭᭂᬄ᭞ᬧᬦ᭄ᬭᬯᬸᬇᬂᬓᬭᬓᬸᬫᬦ᭄ᬢᬸᬂ᭞ᬧᬦᬶᬂ
ᬭᬚᬵᬫᬸᬩᬓᬵ᭞ᬭᬓ᭄ᬱᬱᬵᬕᭀᬭᬦ᭄ᬱᬵᬫᬗ᭄ᬱᬵ᭟᭖᭞ᬦ᭄ᬤᬦ᭄ᬰ᭄ᬭᬵᬫᭂᬃᬢ᭄ᬝᬵᬯᬂᬲᬵᬓᭂᬯᬸᬯᬸᬲ᭄᭞ᬫᬢᬸᬃᬭᬶᬂᬭᬾᬦᬦ᭄ᬦᬾ᭞ᬧᬦᭂᬗᭂᬃᬭᬦ᭄ᬤᬾᬯ᭄ᬯᬶᬓᬸᬡ᭄ᬝᬶ᭞ᬲᬳᬵᬲᭂᬫ᭄ᬩᬄᬳᬸᬫᬢᬸᬃ᭞ᬳᬶ
ᬩᬸᬧᬭᬦ᭄ᬳᬶᬗ᭄ᬧᬸᬦ᭄᭞ᬳᬦᭂᬗ᭄ᬓᬸᬄᬧᬦ᭄ᬤᬯ᭄ᬯᬵᬫᬗ᭄ᬓᬾ᭞ᬬᬦ᭄ᬫᬢᬶᬢᬸᬗ᭄ᬕᬲ᭄ᬧᬸᬓᬸᬮᬸᬦ᭄᭞ᬫᬢᬶᬓᬩᬾᬄᬢᭂᬫᬳᬦ᭄ᬜ᭞ᬳᬶᬩᬸᬧᬭᬦ᭄ᬲᭀᬮᬄᬳᬶᬗ᭄ᬯᬂ᭟᭗᭞ᬰ᭄ᬭᬶ
ᬅᬃᬚᬸᬡ᭄ᬦᬵᬧᬦ᭄ᬤᬶᬧᬭᬦᬾᬳᬶᬓᬸ᭞ᬤᬸᬓ᭄ᬫᬮᬦᬾᬢᬧᬵᬭᬶᬂᬕᬶᬭᬶᬓ᭄ᬤᬵᬓᬶᬍᬓᬶ᭞ᬩᬬᬵᬳᬶᬩᬸᬯᬲ᭄ᬳᬦ᭄ᬢᬸᬓᬶ᭞ᬓᬸᬮᬵᬢᬦ᭄ᬳᬶᬢᬵᬲᬹᬓ᭞ᬭᬭᬳᬦ᭄ᬫᬗ᭄ᬓᬾᬕ᭄ᬦ᭞᭙᭞
Page:Bali-lontar-gaguritan-jagat-karana-300ppi.pdf/2
This page has been proofread.
