[᭒᭑ 21B]
᭞᭒᭑᭞
ᬩᬶᬫᬵᬲᬶᬡ᭄ᬦᬵᬤᬾᬳ᭄ᬬᬂᬲᬺᬗ᭄ᬕᬵᬫᬭᬸ᭞ᬳᬕ᭄ᬭᬳᬵᬥᬥᬭᬶᬬᬵ᭞ᬳᬬᬸᬳᬬᬸᬢᬸᬳ᭄ᬯᬵᬍᬯᬶᬄ᭞ᬓᭂᬯᬾᬳᬶᬦ᭄ᬥᬥᬭᬶᬧᭂᬧᬶᬢᬸ᭞ᬭᬸᬧᬦ᭄ᬳᬶᬭᬵᬮᬸᬯᬸᬂᬮᬸᬯᬸᬂ᭞ᬲᬂᬲᬸᬧ᭄ᬭᬩᬵ
ᬦᬶᬮᭀᬢᬫᬵ᭞ᬮᬯᬦ᭄ᬲᬶᬭᬵᬍᬂᬍᬂᬫᬦ᭄ᬤᬦᬸ᭞ᬢᬸᬜ᭄ᬚᬸᬂᬩᬶᬭᬸᬥᭂᬥᬭᬶᬓᬾᬦ᭄ᬤ᭄ᬭᬦ᭄᭞ᬧᭂᬫ᭄ᬓᬲᬶᬂᬳᬫ᭄ᬩᬜ᭄ᬘᬦᬵ᭟᭙᭘᭞ᬧᬸᬦᬂᬓᭂᬢᬧᬦ᭄ᬢᬶᬦᬸᬦ᭄ᬢᬦ᭄ᬓᬸᬗ᭄ᬕᬸᬂ᭞ᬯᬾᬢᬦ᭄ᬧᬢᬶ
ᬳᬭᬵ᭞ᬢᬸᬳ᭄ᬯᬵᬳᬩᬾᬮ᭄ᬲᬶᬯᬶᬤ᭄ᬬᬵᬥᬭᬶ᭞ᬓ᭄ᬦᬶᬳᬃᬚ᭄ᬚᬵᬲᬶᬃᬡ᭄ᬦᬵᬮᬶᬦᬸᬲ᭄᭞ᬓᭂᬢᬶᬗ᭄ᬕᬮᬦ᭄ᬯᬶᬭᬸᬯᬶᬭᬸ᭞ᬧ᭄ᬭᬤᬾᬦᬾᬤᬸᬦ᭄ᬢᬦ᭄ᬓᭂᬯ᭄ᬦᬂ᭞ᬧᬦ᭄ᬧᬕᭂᬄᬧᭂᬢᬧᬦ᭄᭞ᬳᬶᬗ᭄ᬱᬸᬂᬦ᭄᭞
ᬳᬦᬳᬜᭀᬲᭀᬦᬶᬦ᭄ᬧᬸᬤᬓ᭄᭞ᬤᬾᬦ᭄ᬓᬯᬾᬧᬸᬢ᭄ᬭᬵᬧᬸᬢ᭄ᬭᬬᬦ᭄᭟᭙᭙᭞ᬳᬯᬾᬢ᭄ᬤᬾᬦ᭄ᬬᬵᬳᬫᬜ᭄ᬘᬡ᭄ᬦᬵᬓᭂᬤᬸᬭᬸᬲ᭄᭞ᬲ᭄ᬯᭂᬂᬕ᭄ᬮᬃᬓᭂᬦ᭄ᬤᬦᬦ᭄᭞ᬧᭂ
[᭒᭒ 22A]
ᬢᬧᬦ᭄ᬳᬶᬗ᭄ᬱᬸᬦ᭄ᬳᬶᬜ᭄ᬯᬳᬚᬶ᭞ᬳᬦᬵᬫᭀᬫᭀᬫᬸᬃᬓ᭄ᬓᬵᬭᬯᬸᬄ᭞ᬳᬫᬦ᭄ᬘᬵᬫᬡ᭄ᬦᬵᬢᬧᬦ᭄ᬳᬶᬗ᭄ᬱᬸᬦ᭄᭞ᬮᬶᬦᭂᬧᬲᬦ᭄ᬢᬵᬭᬶᬗᬵᬧᬦᬄ᭞ᬳᬦ᭄ᬢᬸᬓ᭄ᬓ᭄ᬦᬵᬧ᭄ᬬᬄᬲᬶᬕ᭄ᬭᬵᬤᬶᬦᬸᬮᬸᬃ᭞ᬤᬾᬦᬶᬂᬳ᭄ᬬᬂ
ᬗᬶᬲᬵᬧᭂᬧᬭᭂᬗᬦ᭄᭞ᬫᬦᬄᬭᬸᬦ᭄ᬬᬵᬳᬢᭂᬫᬄᬢᬸᬗ᭄ᬕᬮ᭄᭟᭑᭐᭐᭞ᬤᬤᬶᬲᬸᬦᬳᬧ᭄ᬭᬂᬗᬶᬂᬳ᭄ᬬᬂᬳᬶᬓᬸ᭞ᬦ᭄ᬤᬢᬦ᭄ᬓᭂᬯ᭄ᬦᬂ᭞ᬤᬾᬪᬝᬭᬵᬳᬫᬸᬲ᭄ᬢᬶ᭞ᬬ᭄ᬬᬂᬘᬢᬸᬃᬧᬢ᭄ᬦᬶᬢᬸᬳᬸᬦ᭄᭞ᬳᬓᬶᬭᬂᬳᬦ᭄ᬢᬸᬓ᭄
ᬢᬧᬦ᭄ᬤᬦ᭄ᬳᬶᬬᬂᬲᬺᬗ᭄ᬕᬵᬫᬭᬸ᭞ᬳᬫᬶᬦ᭄ᬢᬵᬲ᭄ᬭᬬᬵᬳᬶᬭᬶᬂᬧ᭄ᬭᬂᬳᬫ᭄ᬚᬳᬵᬥᬾᬢ᭄ᬬᬵᬳᬶᬓᬸ᭞ᬳᬵᬦ᭄ᬦᬶᬯᬢᭂᬲ᭄ᬓᬘ᭄ᬘᬵ᭞ᬧᬶᬦ᭄ᬭᬂᬤᬤᬶᬳᬗᭂᬫᬲᬂ᭟᭑᭐᭑᭞ᬫᬃᬫ᭄ᬫᬦᬶᬂᬳᬦᬵᬕᬜ᭄ᬘᬦ᭄ᬳᬶᬗᬸᬦ᭄᭞
ᬲᬶᬭᬵᬲᬂᬲᬸᬧ᭄ᬭᬩᬵ᭞ᬦᬶᬮᭀᬢᬫᬵᬦ᭄ᬤᬢᬦ᭄ᬓᬭᬶ᭞ᬲᬸᬓᬵᬢ᭄ᬯᬲ᭄ᬳᬶᬗ᭄ᬱᬸᬦ᭄ᬳᬶᬩᬸ᭞ᬰ᭄ᬭᬶᬓᬸᬡ᭄ᬝᬶᬳᬾᬦᬓ᭄ᬳᬗ᭄ᬭᬸᬗᬸ᭞ᬧᬶᬦᭂᬓᬸᬮᬶᬗᬭᬲ᭄ᬳᬭᬲ᭄᭞ᬓᬓᬶ
Page:Bali-lontar-gaguritan-jagat-karana-300ppi.pdf/22
This page has been proofread.
