[᭒᭔ 24B]
᭞᭒᭔᭞
ᬳᬶᬓᬸ᭞ᬓᬲᬶᬗᬶᬦ᭄ᬲᬶᬭᬂᬲᭂᬤᬾᬯ᭄ᬯᬵ᭞ᬧᬸᬦ᭄ᬱᬶᬭᬵᬳᭀᬮᬶᬳᬶᬂᬩᭀᬜ᭄ᬘᬄ᭟᭑᭑᭑᭞ᬬᬦ᭄ᬲᬶᬦᭂᬓᬸᬮᬵᬫᬗ᭄ᬓᬾᬳᬶᬗᬸᬢᬸᬲ᭄᭞ᬬᬦ᭄ᬥᬸᬃᬕ᭄ᬕᬦᬶᬂᬫᬃᬕ᭄ᬕᬵᬯᬶᬲ᭄ᬳᬶ᭞ᬫᬲᬵᬢᬶᬭᬵ
ᬢᬦ᭄ᬳᭂᬧᬸᬄ᭞ᬮᬫ᭄ᬧᬄᬳᬶᬭᬵᬯᬾᬢ᭄ᬦᭀᬭᬵᬭᬯᬸᬄ᭞ᬧᬦᬵᬯᭂᬦᬶᬭᬶᬂᬩᭀᬢ᭄ᬫᬗ᭄ᬓᬾ᭞ᬲᬳᭂᬗ᭄ᬕᭀᬦ᭄ᬦᬶᬭᬵ᭞ᬳᬗ᭄ᬭᬦ᭄ᬢᬸᬦ᭄᭞ᬧᬦᬶᬂᬧᭂᬃᬕ᭄ᬕᬶᬭᬚᬵᬓᬃᬬ᭄ᬬᬵ᭞ᬧᬦ᭄ᬮᬸᬗᬵᬳᬕᬵᬕᬜ᭄ᬘᬂᬗᬦ᭄᭞
᭑᭑᭒᭞ᬬᬦ᭄ᬲᬂᬯᬺᬓᭀᬤᬭᬵᬓᬂᬳᬶᬗᬸᬢᬸᬲ᭄᭞ᬧᬦ᭄ᬳᬫ᭄ᬩᭂᬓ᭄ᬧᬺᬓᭀᬱᬵ᭞ᬫᭂᬦᬯᬵᬯᭂᬲ᭄ᬢᬶᬭᬶᬂᬫᬃᬕ᭄ᬕᬶ᭞ᬫᭂᬦᬯ᭄ᬯᬵᬯᬗᬵᬳᬸᬫᬸᬂ᭞ᬓᬾᬩ᭄ᬯᬵᬗᬸᬦ᭄ᬤᬂᬳᬸᬚᬃᬕᬗ᭄ᬱᬸᬮ᭄᭞ᬗᬦ᭄ᬢᬾᬂᬓᭂ
ᬮᬮᬵᬢᭀᬦ᭄ᬫᬗ᭄ᬓᬾ᭞ᬫ᭄ᬯᬂᬓᭂᬧᬗ᭄ᬕᬶᬄᬤᬾᬢ᭄ᬬᬵᬗᭂᬋᬩᬸᬢ᭄᭞ᬫᬱᬵᬢᬦ᭄ᬮᬕ᭄ᬬᬵᬳᬧ᭄ᬭᬂᬩ᭄᭞ᬤᬾᬦᬾᬳᬧᭂᬗ᭄ᬕᬄᬲᬶᬩᬶᬫᬵ᭟᭑᭑᭓᭞ᬬᬾᬦ᭄ᬰ᭄ᬭᬶᬤᬃᬫ᭄ᬫᬵᬢᭂᬦᬬᬵ᭞
[᭒᭕ 25A]
ᬫᬶᬗᬸᬢᬸᬲ᭄᭞ᬫᬭᬾᬂᬧᬡ᭄ᬦᬵᬲᬩᬵ᭞ᬳᬦᬸᬯᬸᬃᬰ᭄ᬭᬶᬦᬭᬵᬧᬢ᭄ᬝᬶ᭞ᬫᭂᬦᬯ᭄ᬯᬵᬢᬵᬧᬸᬧᬸ᭞ᬢᬢᬵᬳᬃᬚᬵᬯᭂᬯᭂᬲᭂᬦ᭄ᬧᬸᬦᬶᬓᬸ᭞ᬧᬡ᭄ᬥᬶᬢ᭄ᬝᬵᬢᬸᬢ᭄ᬱᬶᬂᬓ᭄ᬭᬫᬵ᭞ᬲ᭄ᬯᬾᬬᬦ᭄ᬱᬶᬭᬵᬭᬯᬸᬄ᭞
ᬜᬾᬢ᭄ᬳᬯᬶᬯᬾᬓᬦ᭄ᬯᬘᬡ᭄ᬦᬵ᭞ᬳᬗ᭄ᬭᬱᬦᬶᬓᭂᬍᬧᬲᬦ᭄᭟᭑᭑᭔᭞ᬬᬦ᭄ᬲᬶᬅᬃᬚᬸᬡ᭄ᬦᬵᬓᬂᬳᬶᬗᬸᬢᬸᬲ᭄᭞ᬳᬦᬸᬯᬸᬃᬭᬵᬲᬶᬭᬵ᭞ᬰ᭄ᬭᬶᬤᬦᬸᬭᬚᬵᬫᬗ᭄ᬓᬾᬓᬶ᭞ᬫᭂᬦᬯ᭄ᬬᬵᬳ
ᬫᬗ᭄ᬕᬶᬄᬳ᭄ᬬᬂ᭞ᬬᬾᬦ᭄ᬳᬶᬲ᭄ᬢ᭄ᬭᬶᬳᬚᭂᬂᬓᭂᬢᭂᬫᬸ᭞ᬳᬫᬗ᭄ᬕᬶᬄᬓᭂᬲ᭄ᬫᬾᬂᬦᬶᬂᬧᬸᬭᬵ᭞ᬫᬸᬃᬢ᭄ᬝᬶᬫᬸᬃᬢ᭄ᬝᬶᬦᬶᬂᬓᬸᬮᬗᬸᬦ᭄᭞ᬮᬮᬶᬂᬕᬯᬾᬓᭂᬳ᭄ᬦᭂᬢᬦ᭄᭞ᬳᬫᬗᬸᬦ᭄ᬭᬕᬵᬓᬲ᭄ᬫᬭᬦ᭄᭟᭑᭑᭕
ᬝᬭᬶᬓᬸᬦ᭄ᬢᬶᬳᬮᭀᬦ᭄ᬳᬫᬸᬯᬸᬲ᭄᭞ᬳᬄᬲᬸᬦ᭄ᬤᭂᬧᬾᬦᬦᬵ᭞ᬲᭂᬢᬸᬢᬸᬕ᭄ᬢᬸᬢᬸᬕᬶᬂᬫᬃᬕ᭄ᬕᬶ᭞ᬫᬲᬵᬭᬶᬭᬵᬳᬦᬵᬦᭂᬫᬸ᭞ᬳᬶᬲ᭄ᬢ᭄ᬭᬶᬓᭂᬫ᭄ᬩᬕᬶᬂᬤᬸᬮᬸ᭞ᬓᬤᬶᬧᭂᬫ
Page:Bali-lontar-gaguritan-jagat-karana-300ppi.pdf/25
This page has been proofread.
