[᭒᭗ 27B]
᭞᭒᭗᭞
ᬤᬾᬯ᭄ᬯᬵᬳᬚᬶ᭞ᬳᬶᬦᬸᬢᬸᬲ᭄ᬤᬾᬦᬶᬂᬳᬶᬩᬸᬓᬸᬡ᭄ᬝᬶ᭞ᬳᬦᬸᬯᬸᬃᬧᬸᬓᬸᬮᬸᬦ᭄᭞ᬦᭂᬗ᭄ᬕᬸᬄᬰ᭄ᬭᬶᬧᬡ᭄ᬥᬸᬓᬶᬦ᭄ᬬᬚ᭄ᬜᬵ᭞ᬮᬶᬦᬸᬯᭂᬃᬤᬾᬦᬶᬂᬳᬶᬩᬸ᭞ᬤᬾᬯ᭄ᬯᬶᬳᬚᬶᬳᬗᭂᬫ᭄ᬮᬦᬵ᭞ᬋᬓᬾᬧᬸᬦᬂᬧᬸᬲ᭄ᬧ
ᬦᬶᬂᬮᬶᬗ᭄ᬕᬵ᭟᭑᭒᭖᭞ᬲᬸᬓᬵᬰ᭄ᬭᬶᬤᬦᬸᬭᬚᬵᬳᬫᬸᬯᬸᬲ᭄᭞ᬮᬄᬕᬕ᭄ᬬᬵᬫᬗ᭄ᬓᬾ᭞ᬮᬫᬸᬦᬵᬕᬯᬾᬳ᭄ᬬᬵᬬᬸᬓ᭄ᬢᬶ᭞ᬮᬄᬓᬓᬶᬳᬶᬗᬭᬸᬦ᭄ᬳᬳ᭄ᬬᬸᬦ᭄᭞ᬬᬤ᭄ᬬᬦ᭄ᬬᬦ᭄ᬯᬶᬲ᭄ᬢᬶᬓᭂᬢᭂᬫᬸ᭞
ᬧᬶᬢ᭄ᬯᬶᬳᬫᬗ᭄ᬕᬶᬄᬤᬸᬲ᭄ᬓᭂᬃᬢᬻ᭞ᬲᬸᬦ᭄ᬓᬓᬶᬢᬦ᭄ᬳᬳ᭄ᬬᬸᬦ᭄᭞ᬳᬗᬶᬂᬲᬸᬦ᭄ᬓᭂᬲ᭄ᬓᬦᬶᬂᬢ᭄ᬯᬲ᭄᭞ᬲᬶᬭᬵᬳᬢ᭄ᬫᬚᬵᬳᬧᬦ᭄ᬮᬶᬦᬫᬃ᭟᭑᭒᭗᭞ᬤᬾᬦᬶᬰ᭄ᬭᬶᬫᬤᬸᬲᭀᬤᬡ᭄ᬦᬵᬳᬶᬓᬸ᭞
ᬳᬯᬯ᭄ᬤᬶᬓᬶᬦᬫᬦᬵ᭞ᬫᬸᬲᬸᬄᬲᬂᬥᬾᬯ᭄ᬬᬵᬧᬢᬶ᭞ᬯ᭄ᬯᬂᬩᬂᬳᬲ᭄ᬢᬸᬢᬶᬳᬸᬫᬢᬸᬃ᭞ᬧᬸᬦᬧᬵᬓᬭᬦᬾᬳᬶᬓᬸ᭞ᬳᬚᬵᬳᬸᬕᬵᬯᬾᬄᬳᬓ᭄ᬦᬵ᭞ᬫᬱᬵᬩᬬᬵᬲᬂᬲ᭄ᬭᬩᬸ᭞ᬬᬦ᭄
[᭒᭘ 28A]
ᬫᬗᬶᬮᬵᬤᬸᬲ᭄ᬓᭂᬃᬢᬻ᭞ᬳᬦᬓ᭄ᬳᬶᬭᬵᬬᬗ᭄ᬮᬯᬦᬦᬵ᭟᭑᭒᭘᭞ᬧᬸᬦ᭄ᬕᬚᬄᬲᭂᬓᬾᬮᬶᬲᬶᬭᬵᬳᬸᬫᬯᬸ᭞ᬭᬶᬂᬲᬂᬤᬦᬸᬭᬚᬵ᭞ᬳᬫᬲ᭄ᬢᬶᬓᭂᬦ᭄ᬳᬸᬚᬃᬦᬾᬓᬶ᭞ᬬᬦ᭄ᬳᬲᬶᬂᬮ
ᬯᬦ᭄ᬢᬦ᭄ᬳᬲᬸᬂ᭞ᬳᬾᬦᬓ᭄ᬢᬵᬳᬶᬗ᭄ᬱᬸᬦ᭄ᬳᬯᬦ᭄ᬢᬸᬦ᭄᭞ᬫᬢᬸᬃᬭᬵᬭᬶᬂᬰ᭄ᬭᬶᬤᬾᬯ᭄ᬬᬵᬭᬚᬵ᭞ᬓᬶᬯ᭄ᬯᬮᬾᬦ᭄ᬫᬗ᭄ᬓᬶᬬᬵᬫᬸᬯᬸᬲ᭄᭞ᬢᬦ᭄ᬳᬲᬸᬂᬗᬵᬧᬗᬾᬭᬦ᭄᭞ᬮᬄᬓᭀᬦᭂᬦ᭄
ᬳᬤᬦ᭄ᬳᬧ᭄ᬭᬂᬗᬵ᭟᭑᭒᭙᭞ᬓᬶᬕᬚᬄᬓᭂᬓᬾᬮᬾᬲᬶᬭᬵᬬᬮ᭄ᬧᬵᬫᬸᬯᬸᬲ᭄᭞ᬳᬓᬾᬄᬤᬾᬦᬾᬯᭂᬲᬡ᭄ᬦᬵ᭞ᬮᬄᬢᬶᬓᭂᬯ᭄ᬯᬂᬩᬗᬲ᭄ᬢᬸᬢᬶ᭞ᬯ᭄ᬯᬵᬂᬕᬚᬄ
ᬳᭀᬬᬵᬳᬶᬓᬸ᭞ᬲᬦᬓᬶᬂᬧᭂᬦ᭄ᬤᬯ᭄ᬯᬵᬳᬶᬓᬸ᭞ᬧᬶᬭᬵᬢᬵᬓᭂᬲᬓ᭄ᬢᬶᬦ᭄ᬦᬶᬭᬵ᭞ᬳᬫᬸᬲᬸᬄᬭᬓ᭄ᬱᬱᬵᬯᬶᬩᬸᬄ᭞ᬯ᭄ᬯᬵᬂᬕᬚᬄᬳᭀᬬᬵᬧᬦ᭄ᬤᬯᬵ᭞
Page:Bali-lontar-gaguritan-jagat-karana-300ppi.pdf/28
This page has been proofread.
