[᭓᭓ 33B]
᭞᭓᭓᭞
ᬮᬶᬲᬄᬧᬦᬸᬦ᭄ᬢᬸᬦ᭄ᬤ᭄ᬯᬶᬢ᭄ᬝᬵ᭞ᬤᬾᬦᬵᬯ᭄ᬮᬲ᭄ᬳᬶᬭᬵᬫᬲ᭄ᬓᬸ᭞ᬓᬸᬫᬸᬓᬸᬳᬾᬂᬳᬭᬶᬦ᭄ᬳᬶᬭᬵ᭞ᬲᬶᬭᬵᬯ᭄ᬯᬂᬩᬂᬦᬸᬳᬸᬦ᭄ᬳᬦ᭄ᬤᬶᬓᬵ᭟᭑᭕᭔᭞ᬰ᭄ᬭᬶᬧ᭄ᬭᬫᬶᬲ᭄ᬯᬭᬶᬳᬫᬸᬯᬸᬲ᭄᭞ᬳᬶᬄᬯ᭄ᬯᬂᬩᬂᬳ
ᬲ᭄ᬢᬸᬢᬶᬬᬵ᭞ᬤᬾᬦ᭄ᬢᬸᬮᬸᬲᬶᬂᬯ᭄ᬮᬲ᭄ᬳᬰᬶᬄ᭞ᬳᬗᬸᬓᬸᬳᬭᬵᬚ᭄ᬯᬾᬓᬸ᭞ᬓᬶᬯ᭄ᬯᬂᬩᬂᬳᬲ᭄ᬢᬸᬢ᭄ᬬᬵᬳᬸᬫᬢᬸᬃ᭞ᬲᬫ᭄ᬧᬸᬦ᭄ᬲᬂᬲᬬᬵᬥᬾᬯ᭄ᬯᬵ᭞ᬳᬤ᭄ᬯᬾᬓᬯᬸᬮᬵᬭᬶᬂᬲᬸᬦ᭄᭞ᬬᬾᬦ᭄ᬧ᭄ᬭᬧ᭄ᬢᬵ
ᬥᬾᬢ᭄ᬬᬵᬭᬚᬵ᭞ᬓᬯᬸᬮᬦ᭄ᬦᬶᬭᬵᬳᬫᬧᬕ᭄᭟᭑᭕᭕᭞ᬧᬶᬭᬵᬓᭂᬲᬗ᭄ᬢᬾᬦᬾᬢᬵᬧᬸᬓᬸᬮᬸᬦ᭄᭞ᬰ᭄ᬭᬶᬫᬤᬸᬲᭀᬤᬡ᭄ᬦᬵ᭞ᬓᬯᬸᬮᬵᬢᬦ᭄ᬤᬶᬂᬓᬯᬶᬦᬦ᭄᭞ᬳᬢᬓᬻ
ᬓᬂᬳᬫᬭᬸᬲ᭄᭞ᬳᬯᬶᬮᬂᬯᬶᬮᬂᬗᬦ᭄ᬢᬢᬸ᭞ᬲ᭄ᬮᬂᬘᬗ᭄ᬓᭂᬂᬩᭂᬩᬲᬳᬶᬦ᭄᭞ᬲᬮᬂᬲ᭄ᬩᬶᬢ᭄ᬘᬃᬫ᭄ᬫᬵᬳᬶᬓᬸ᭞ᬲᬂᬦᬢ᭄ᬝᬵᬓᬭᬾᬦᬦ᭄ᬗ᭄ᬭᬸᬗᬸᬳᬶᬭᬵ᭞ᬲᬤᬸᬮᬸᬃ
[᭓᭔ 34A]
ᬓᬃᬬ᭄ᬬᬵᬳᬦᬓ᭄ᬳᬶᬯ᭄ᬯᬂ᭟᭑᭕᭖᭞ᬲᬂᬦᬢ᭄ᬝᬵᬲᬶᬭᬵᬮᬸᬫᬭᬶᬲ᭄ᬫᬦ᭄ᬢᬸᬓ᭄᭞ᬳᬤᬸᬮᬸᬃᬳᬦᬓᬾ᭞ᬯᬸᬲ᭄ᬧ᭄ᬭᬧ᭄ᬢᬶᬲᬶᬭᬵᬭᬶᬂᬧᬸᬭᬶ᭞ᬓᬩᬾᬄᬧᬺᬲᬫᬵᬢᬸᬭᬸ᭞ᬥᬾᬯ᭄ᬯᬶᬰ᭄ᬭᬶᬕᬢ᭄ᬝᬶᬳᬯᬸᬬᬸᬂ᭞
ᬢᬦ᭄ᬮᬶᬬᬦ᭄ᬓᬂᬲ᭄ᬢᬶᬦᬶᬂᬘᬶᬢ᭄ᬝᬵ᭞ᬲᬶᬭᬵᬲᬂᬳᬦᬾᬂᬓᬮᬗᬸᬦ᭄᭞ᬢᬦ᭄ᬳᬾᬦᬓ᭄ᬤᬾᬦᬶᬭᬵᬦᬶᬤᬻ᭞ᬤᬳᬢᬵᬮᬭᬵᬓᬲ᭄ᬫᬭᬦ᭄᭟᭑᭕᭗᭞ᬓᬓᬦ᭄ᬦᬶᬭᬵᬕᬡ᭄ᬥᬵᬓᬓᬵᬲᬭᭀᬚᬵ᭞ᬫ᭄ᬯᬂᬓ
ᬓᬵᬲ᭄ᬯᬾᬢ᭄ᬝᬵ᭞ᬓᬾᬲᬄᬳᬶᬗ᭄ᬱᬸᬦ᭄ᬳᬧ᭄ᬢᬶᬳᬗᬸᬕᬳᬶᬦ᭄᭞ᬓᬶᬯ᭄ᬯᬂᬩᬂᬳᬲ᭄ᬢᬸᬢᬶᬓᬸ᭞ᬤᬾᬦᬶᬂᬲᬸᬦ᭄ᬧᬶᬦᬘᬂᬲᬫ᭄ᬧᬸᬦ᭄᭞ᬳᬦᬓ᭄ᬢᬶᬥᬾᬢ᭄ᬬᬵᬭᬓ᭄ᬱᬱᬵ᭞ᬳᬦ᭄ᬤᬶᬓᬦ᭄ᬦᬶᬭᬵᬲᬂᬧ᭄ᬭᬩᬸ᭞ᬲᬸᬓᬵ
ᬬᬾᬦ᭄ᬗᭂᬫᬲᬦᬵ᭞ᬓᬮᬶᬄᬓᬶᬯ᭄ᬯᬂᬩᬂᬳᬲ᭄ᬢᬸᬢᬶᬬᬵ᭟᭑᭕᭘᭞ᬢᬸᬃᬲᬶᬭᬵᬳᬫᬶᬂᬓᬮᬶᬄᬮᬦ᭄ᬳᬶᬗ᭄ᬱᬸᬦ᭄᭞ᬓᬶᬯ᭄ᬯᬂᬩᬂᬳᬲ᭄ᬢᬸᬢᬶᬬᬵ᭞ᬫᬃᬫ᭄ᬫᬦᬾᬲᬸᬦ᭄ᬳᬗ᭄ᬮᬫ᭄ᬧᬳᬶᬦ᭄᭞
Page:Bali-lontar-gaguritan-jagat-karana-300ppi.pdf/34
This page has been proofread.
