[᭔ 4B]
᭞᭔᭞
ᬭᬶᬂᬳᬶᬡ᭄ᬥ᭄ᬭᬵᬓᬶᬮᬵᬋᬓᬾᬓᬶ᭞ᬳᬶᬗ᭄ᬱᬸᬦ᭄ᬲᬸᬓᬵᬢᬸᬫᬸᬢᬸᬃ᭞ᬫᬢᬶᬭᬶᬂᬬᬬᬶᬧᬃᬢᬾᬓᬸ᭞ᬲᬭᭂᬂᬳᬢᬸᬗ᭄ᬕᬮᬦ᭄ᬲ᭄ᬯᬃᬕ᭄ᬕᬵ᭞ᬳ᭄ᬬᬂᬦᭂᬭᬤᬵᬲᬶᬭᬵᬫᬸᬯᬸᬲ᭄᭞ᬓᬓᬶᬧᭀᬢ᭄ᬭᬓᬵᬧᭂᬗᬾᬭᬦ᭄᭞
ᬳᬚᬵᬳᬕᬾᬮᬩᬸᬄᬯᬸᬢᬵ᭟᭑᭘᭞ᬲᬂᬧᬃᬢ᭄ᬝᬵᬗᬶᬦ᭄ᬤ᭄ᬭᬵᬩᬯᬡ᭄ᬦᬵᬲᬫ᭄ᬧᬸᬦ᭄᭞ᬲᬶᬭᬵᬳᬓᬵᬓᬦ᭄ᬢᭂᬦ᭄᭞ᬳᭀᬮᬶᬄᬥᬥᬭᬶᬓᭂᬓᬮᬶᬄ᭞ᬢ᭄ᬯᬲ᭄ᬱᬶᬭᬵᬳᬬᬾᬂᬲᬢ᭄ᬭᬸ᭞ᬲᬂᬦᬶᬯᬢᭂ
ᬓ᭄ᬯᬘ᭄ᬘᬵᬯᬸᬲ᭄ᬓᬳᬸᬦᬂᬤᬾᬦᬾᬲᬶᬧᬃᬢ᭄ᬝᬵ᭞ᬰ᭄ᬬᬫᭂᬃᬢ᭄ᬝᬵᬯᬗ᭄ᬱᬵᬳᬫᬸᬯᬸᬲ᭄᭞ᬬᬾᬦ᭄ᬬᬸᬓ᭄ᬢᬶᬳᬸᬭᬶᬧ᭄ᬲᬶᬧᬃᬢ᭄ᬝᬵ᭞ᬓᭀᬦ᭄ᬫᬭᬳᬶᬫᬭᬾᬦ᭄ᬧᬤᬵ᭟᭑᭙᭞ᬧᬜ᭄ᬘᬤᬶ
ᬦᬵᬲᬸᬦᬦ᭄ᬢᬵᬓᭂᬦᬾᬓᬸ᭞ᬬᬦ᭄ᬧ᭄ᬭᬧ᭄ᬢᬵᬫᬗ᭄ᬓᬾ᭞ᬲᬸᬓᬵᬲᬸᬦ᭄ᬳᬮᬩᬸᬄᬕ᭄ᬦᬶ᭞ᬳ᭄ᬬᬂᬦᭂᬭᬤᬵᬳᬫᬸᬯᬸᬲ᭄᭞ᬳᬚᬵᬳᬕᬾᬧᭀᬢ᭄ᬭᬓᬦ᭄ᬳᬶᬗ᭄ᬱᬸᬦ᭄᭞
[᭕ 5A]
ᬭᬾᬂᬓᭂᬤᬾᬯᬢᬦ᭄ᬫᬗ᭄ᬓᬾ᭞ᬲᬓᬾᬓ᭄ᬬᬅᬃᬚᬸᬡ᭄ᬦᬵᬢᬸᬫᬸᬭᬸᬦ᭄᭞ᬳᬸᬫᬭᬾᬗᬵᬫᭂᬃᬘ᭄ᬘᬵᬧᬤ᭄ᬥᬵ᭞ᬳᬫᬶᬢᬶᬂᬪᬝᬭᬵᬓᬶᬯ᭄ᬯᬵ᭟᭒᭐᭞ᬳ᭄ᬬᬂᬦᭂᬭᬤᬫᭂᬍᬘᬸᬢ᭄ᬦᬫᬸᬦᬫᬸ᭞ᬫ᭄ᬯᬂ
ᬳ᭄ᬬᬂᬓᬧᬶᬯᬭᬵ᭞ᬧ᭄ᬭᬧ᭄ᬢᬾᬂᬳᬶᬡ᭄ᬥ᭄ᬭᬵᬩᭂᬕᬯ᭄ᬯᬦ᭄ᬳᬕ᭄ᬮᬶᬲ᭄᭞ᬦ᭄ᬤᬦ᭄ᬲᬂᬧᬃᬢ᭄ᬝᬵᬓᭂᬢᭂᬫᬸᬳᬓᬮᬶᬬᬦ᭄ᬳᬶᬲ᭄ᬢ᭄ᬭᬶᬦ᭄ᬳᬶᬧᬸᬦ᭄᭞ᬲᬧ᭄ᬭᬜᬫ᭄ᬯᬂᬢᬶᬮᭀᬢᬫᬵ᭞ᬳᬫᬸᬓ᭄ᬢᬶᬲᭂᬭᬕᬾᬂᬓᬲᬸᬃ᭞ᬧ᭄ᬭᬧ᭄ᬢᬵ
ᬪᬫᬭᬵᬦᭂᬭᬤᬵ᭞ᬳᬤᬸᬮᬸᬃᬲᬂᬓᬧᬶᬯᬭᬵ᭟᭒᭑᭞ᬮᬶᬂᬦ᭄ᬬᬵᬳᬭᬶᬲ᭄ᬓᬓᬶᬧᭀᬢ᭄ᬭᬓᬦ᭄ᬳᭀᬗ᭄ᬱᬸᬦ᭄᭞ᬫᬸᬮᬶᬄᬲᬶᬭᬵᬫᬗ᭄ᬓᬾ᭞ᬭᬶᬂᬩᬸᬫ᭄ᬬᬵᬫᭂᬃᬘ᭄ᬘᬵᬧᬤᬵᬓᬶ᭞ᬲᬦ᭄ᬰ᭄ᬭᬶ
ᬓᬸᬡ᭄ᬝᬶᬲᬤᬸᬮᬸᬃ᭞ᬮᬦ᭄ᬲᬦᬓ᭄ᬳᬶᬭᬵᬧᬸᬦᬶᬓᬸ᭞ᬳᬧ᭄ᬢᬶᬬᬵᬮᬩᬸᬄᬕ᭄ᬦᬶᬫᬗ᭄ᬓᬾ᭞ᬕᬃᬕᬶᬢ᭄ᬝᬵᬲᬶᬧᬃᬢ᭄ᬝᬵᬗᬺᬩᬸ᭞ᬳᬸᬯᬸᬚᬃᬭᬾᬲᬂᬓᬧᬶᬯᬭᬵ᭞ᬫ᭄ᬯᬄᬩᭂᬕᬯ᭄ᬯᬦ᭄ᬦᭂᬭᬦ᭄ᬤᬵ᭟
Page:Bali-lontar-gaguritan-jagat-karana-300ppi.pdf/5
This page has been proofread.
