[᭖᭒ 62B]
᭞᭖᭑᭞
ᬥᬾᬢ᭄ᬬᬵᬳᬶᬓᬸ᭞ᬓᬮᬵᬩ᭄ᬯᬡ᭄ᬦᬵᬓᬂᬯᬸᬲ᭄᭞ᬳᬦ᭄ᬢᬸᬯᬸᬲ᭄ᬘᬸᬧᬢ᭄ᬋᬓᭀ᭞ᬤᬾᬦᬶᬭᬵᬚᬢᬶᬦ᭄ᬳᬶᬗ᭄ᬱᬸᬦ᭄᭞ᬲᬗ᭄ᬬᬄᬯᬶᬱ᭄ᬡᬸᬳᬸᬦᬶᬓᬵ᭞ᬓᬓ᭄ᬦᬦᬶᬂᬲᬧᬵᬤᬾᬭᬵᬳ᭄ᬬᬂᬦᬶᬂᬓᭂᬤᬾᬯᬢᬦ᭄᭟
᭒᭙᭑᭞ᬮᬶᬂᬪᬝᬭᬵᬗᬸᬦᬶᬭᬶᬂᬲᬸᬦ᭄᭞ᬬᬦ᭄ᬢᬦ᭄ᬧᭂᬦᭂᬗ᭄ᬕᭂᬓᬶᬂ᭞ᬧᭂᬦ᭄ᬤᬯ᭄ᬯᬵᬗᬶᬮᬸᬓᬢ᭄ᬲᬶᬭᬵᬳᬶᬓᬶ᭞ᬦᭀᬭᬵᬳᬦ᭄ᬢᬲᬵᬤᭀᬲᬦᬶᬂᬲᬸᬦ᭄᭞ᬫᬗ᭄ᬓᬾᬓᬶᬢ᭄ᬝᬵᬳᬗ᭄ᬓᬸᬓᬢ᭄ᬗᬸᬮᬸᬦ᭄᭞ᬬᭀ
ᬕ᭄ᬬᬵᬳᬦᬯᬸᬃᬭᬦᬵᬲᭂᬫ᭄ᬩᬄ᭞ᬭᬶᬂᬲᬶᬭᬵᬩᬶᬫᬵᬧᬸᬓᬸᬮᬸᬦ᭄᭞ᬫᬓᬵᬧᭂᬫ᭄ᬮᬲᬾᬂᬳᬸᬢᬂ᭞ᬩᬶᬫᬵᬢᬦ᭄ᬳᬦᬵᬲᬸᬓᬵ᭟᭒᭙᭒᭞ᬳᭂᬦ᭄ᬤᬶᬂᬳᬭᬶᬦᬵᬧ᭄ᬢᬳᬭᬶᬦ᭄ᬧᬸᬦᬶᬓᬸ᭞ᬧᬦ᭄ᬕᬶᬦᬯᬾᬓᬃᬬ᭄ᬬᬵ᭞
ᬳᬗ᭄ᬮᬯᭂᬃᬫᬳᬵᬭᬚᬵᬧᬡ᭄ᬥᬸᬳᬶᬓᬶ᭞ᬦ᭄ᬤᬦ᭄ᬮᬶᬂᬳᬶᬭᬵᬪᬝᬭᬵᬯᬶᬱ᭄ᬡᬸ᭞ᬳᬶᬄᬩᬶᬫᬵᬫᬲᬵᬲᬶᬭᬵᬳᬦ᭄ᬢᬸᬓ᭄ᬲ᭄ᬭᬶᬦᬵᬲ᭄ᬯᬾᬢ᭄ᬝᬵᬧᬸᬦᬶᬓᬵ᭞ᬬᬦ᭄ᬢᬦ᭄ᬳᬶᬗ᭄ᬱᬸᬦ᭄ᬬᬲᬸᬂᬢᬸᬤᬸᬄ᭞
[᭖᭓ 63A]
ᬳᬦᬵᬤᬾᬱᬵᬦᬯ᭄ᬯᬦ᭄ᬢᬭᬵ᭞ᬚᬕᬢ᭄ᬓᬺᬦᬵᬦᬫᬦᬢ᭄᭟᭒᭙᭓᭞ᬲᬶᬭᬵᬳᬦ᭄ᬥ᭄ᬭᬸᬄᬯᬾᬗᬭᬶᬦᬵᬧ᭄ᬢᬓ᭄ᬳᬶᬓᬸ᭞ᬲᬸᬓᬵᬲᬶᬭᬵᬩᬶᬫᬵ᭞ᬳᬫᬶᬢ᭄ᬲᬶᬭᬵᬮᬸᬫᬭᬶᬲ᭄᭞ᬮᬸᬫᬓᬸᬮᬯᬦ᭄
ᬲᬦᬓ᭄ᬳᬶᬧᬸᬦ᭄᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬳᬦᬸᬢ᭄᭞ᬪᬝᬭᬵᬯᬶᬱ᭄ᬡᬸᬮᬸᬫᬫ᭄ᬧᬄ᭞ᬫᬭᬾᬂᬓᭂᬤᬾᬯᬢᬦ᭄ᬲᬫ᭄ᬧᬸᬦ᭄᭞ᬲᬂᬩᬶᬫᬵᬲᬶᬕ᭄ᬭᬵᬮᬸᬫᬫ᭄ᬧᬄ᭞ᬢᬦ᭄ᬓᭂᬘ᭄ᬭᬶᬢᬵᬭᬶᬂᬤᬤᬮᬦ᭄᭟᭒᭙᭔᭞
ᬯᬸᬯᬸᬲᬦ᭄ᬲᬶᬭᬵᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬳᬶᬓᬸ᭞ᬲ᭄ᬤᭂᬂᬗᬶᬂᬢᬶᬦᬗ᭄ᬓᬶᬮ᭄᭞ᬤᬾᬦᬶᬂᬓᬸᬮᬵᬢᬡ᭄ᬥᬵᬫᬦ᭄ᬢ᭄ᬭᬶ᭞ᬯᬸᬲ᭄ᬧᭂᬧᭂᬓ᭄ᬲᬫᬵᬳᬮᬸᬗ᭄ᬕᬸᬄ᭞ᬭᬶᬂᬲᬶᬗᬵᬫᬡ᭄ᬦᬵᬲᬦᬶᬫᬸᬭᬸᬕ᭄᭞ᬮᬸᬯᬸᬃᬧᬾᬦ᭄ᬤᬄ
ᬲᬤᬶᬭᬶᬂᬲᬸᬭᬢ᭄᭞ᬲᭀᬢᬦᬶᬂᬭᬢᬸᬯᬸᬲ᭄ᬯᬶᬩᬸᬄ᭞ᬮ᭄ᬯᬶᬃᬓᬬᬵᬫᬓ᭄ᬱᬵᬲᭂᬓ᭄ᬤᬧᬵ᭞ᬤᬾᬦᬶᬂᬧᭂᬓᬶᬓᬶᬂᬭᬵᬳᬾᬦ᭄ᬤᬄ᭟᭒᭙᭕᭞ᬕᬸᬕ᭄ᬬᬃᬓᭂᬦᬶᬮᬢᬦ᭄ᬤᬾᬦᬶᬂᬲᬾᬡ᭄ᬦᬵ᭞ᬓᬶ
Page:Bali-lontar-gaguritan-jagat-karana-300ppi.pdf/63
This page has been proofread.
