[᭖᭔ 64B]
᭞᭖᭓᭞
ᬦᭀᬭᬵᬳᬢᬶᬧᭂᬧᬢᬾᬓᬶ᭞ᬯᬲᬓᬶᬂᬧᬭᬵᬬᭀᬕᬦᬕᬦ᭄ᬢᬸᬦ᭄᭞ᬢᬢᬲᬶᬂᬧᬸᬚᬵᬓᬤᬶᬢᬸᬢᬸᬃ᭞ᬲᬶᬭᬵᬚᬬᬾᬂᬧ᭄ᬭᬂᬗᬵᬤᬳᬢ᭄᭞ᬲᬶᬳᬶᬦ᭄ᬯᬶᬤ᭄ᬥᬶᬲᬫ᭄ᬧᬸᬦ᭄᭞ᬩ᭄ᬭᬳ᭄ᬫᬵᬡ᭄ᬦᬵᬋᬰᬶᬲᭀ
ᬕᬢ᭄ᬝᬵ᭞ᬲᬾᬯ᭄ᬯᬵᬤᬡ᭄ᬦᬵᬭᬶᬂᬓᬯᬸᬮ᭄᭟᭒᭐᭑᭞ᬳᬯᬾᬄᬲᭀᬂᬗᬶᬂᬓᭂᬢᬶᬓ᭄ᬱᬦᭂᬦ᭄ᬲᬫ᭄ᬧᬸᬦ᭄᭞ᬢᬸᬃᬬᬸᬓ᭄ᬢᬶᬳᬶᬗᬸᬘᬧ᭄᭞ᬤᬾᬦᬶᬂᬅ᭄ᬭᬢ᭄ᬲᭂᬓᬮᬵᬩᬸᬫᬶ᭞ᬯ᭄ᬦᬂᬕᬶᬦᬯᬾᬬᬵᬢᬸ
ᬢᬸᬃ᭞ᬬᬢ᭄ᬝᬵᬓᬂᬯ᭄ᬦᬂᬢᬶᬫᬸᬭᬸᬢ᭄᭞ᬭᬶᬂᬓᭂᬫᬭᬵᬫᭂᬃᬢ᭄ᬝᬵᬫᬗ᭄ᬓᬾ᭞ᬫ᭄ᬯᬄᬮᬸᬗ᭄ᬕᬸᬳᬶᬂᬓᭂᬧ᭄ᬭᬩᬸᬦ᭄᭞ᬳᬗ᭄ᬮᬶᬂᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵ᭞ᬫ᭄ᬯᬂᬲᬂᬭᬢᬸᬓᭂᬦᬩᬾᬳᬦ᭄᭟᭒᭐᭒᭞ᬧᬭᬦ᭄ᬫ
ᬦᬵᬤᬮᬦᬶᬂᬳᬦ᭄ᬢᬸᬓ᭄᭞ᬭᬓᬦᬾᬲᬯᬶᬢ᭄ᬝᬵ᭞ᬓᭂᬮᬯᬦ᭄ᬭᬢᬸᬓᬂᬬᬸᬓ᭄ᬢᬶ᭞ᬰ᭄ᬭᬶᬤᬃᬫ᭄ᬫᬵᬢᬦᬬᬵᬲᬤᬸ᭞ᬫᬓᬵᬳᬸᬮᬸᬦ᭄ᬳᬶᬗ᭄ᬱᬸᬦ᭄᭞ᬳᬗ᭄ᬭᬸᬗᬸᬢᬲᬶᬓ᭄ᬓᬍᬢᬦ᭄᭞
[᭖᭕ 65A]
ᬮᬫ᭄ᬧᬳᬶᬂᬩᬸᬫᬶᬧᬮᬾᬓᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬵᬲᬶᬭᬂᬩᬶᬫᬵ᭞ᬮᬯᬦ᭄ᬦᭂᬓᬸᬮᬵᬲᭂᬤᬾᬯ᭄ᬯᬵ᭟᭓᭐᭓᭞ᬢ᭄ᬓᬵᬲᬶᬭᬵᬳᬮᬸᬗ᭄ᬕᬸᬄᬭᬶᬂᬳᬳ᭄ᬬᬸᬦ᭄᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵ᭞ᬓᭂᬕ᭄ᬬᬢ᭄ᬲᬓ᭄ᬯᬾᬳᬶᬂᬳᬦᬗ᭄ᬓᬶᬮ᭄᭞
ᬲᬂᬳᬦᬵᬢ᭄ᬝᬵᬲᬶᬭᬵᬳᬫᬸᬯᬸᬲ᭄᭞ᬯᭂᬘᬡ᭄ᬦᬵᬲᬩ᭄ᬥᬵᬭᬳᬬᬸ᭞ᬫᬺᬢᬶᬧ᭄ᬝᬵᬢᬵᬫᬦᭀᬳᬭᬵ᭞ᬮ᭄ᬯᬶᬃᬫᬤᬸᬤ᭄ᬭᬯ᭄ᬯᬵᬧᬸᬧᬸᬘᬸᬓ᭄᭞ᬓᬂᬯᬸᬯᬸᬲ᭄ᬓᬤ᭄ᬬᬵᬗᭂᬫᬸᬕᬸᬮᬵ᭞ᬲᬶᬦᬶᬬᭀᬦᬶᬂᬦᬸᬭᬸᬄ
ᬮᬦ᭄ᬓᬶᬮᬂ᭟᭓᭐᭔᭞ᬳᬤᬸᬄᬓᬓᬵᬲᬓᬶᬂᬳᭂᬦ᭄ᬤᬶᬫᬲ᭄ᬓᬸ᭞ᬤᬸᬫᬢᭂᬂᬳᬶᬭᬵᬳᬦ᭄ᬢᭂᬦ᭄᭞ᬧᬸᬦ᭄ᬤᬶᬦᭂᬕᬳᬦ᭄ᬳᬶᬭᬾᬓᬶ᭞ᬲᬸᬓᬾᬓᭂᬳᬦᬦ᭄ᬳᬶᬗ᭄ᬱᬸᬦ᭄᭞ᬲᬧᬵᬦᬫᬵᬲᬶᬭᬵᬓᬓᬂ
ᬓᬸ᭞ᬲᬤᬲ᭄ᬬᬵᬤ᭄ᬬᬸᬯᬓᬯᬂᬗᬦ᭄᭞ᬚᬦ᭄ᬢᭂᬦᬦᬵᬳᬸᬕᬵᬳᬶᬗ᭄ᬱᬸᬦ᭄᭞ᬭᬦ᭄ᬢᭂᬦ᭄ᬳᬶᬗᬦ᭄ᬤᬶᬲᬓᬓᬵ᭞ᬲᬸᬫᬯᬸᬃᬲᬂᬯᬺᬓᭀᬤᬭᬵ᭟᭓᭐᭕᭞ᬫᬭᬵᬲᬶᬭᬵᬯ᭄ᬭᬸᬄᬓᭂᬮ
Page:Bali-lontar-gaguritan-jagat-karana-300ppi.pdf/65
This page has been proofread.
