[᭘᭔ 84B]
᭞᭘᭓᭞
ᬦᬓᬶᬂᬦᬕᬵᬢ᭄ᬭᬸᬦᬶ᭞ᬲᬂᬲᬸᬭᬦ᭄ᬢᬓᬵᬳᬶᬓᬸ᭞ᬳᬦᬓ᭄ᬦᬕᬢᬶᬬᬓ᭄ᬱᬵᬳᬶᬓᬸ᭞ᬩᬧᬦ᭄ᬬᬵᬲᬂᬅᬃᬚᬸᬡ᭄ᬦᬵ᭞ᬳᬦᬦ᭄ᬢᬵᬩᭀᬕᬵᬤ᭄ᬭᬸᬯᬾᬧᬸᬢᬸ᭞ᬧᬸᬲ᭄ᬧᬵᬥᬡ᭄ᬢᬶᬧᬸᬲ᭄ᬧᬵᬥᬡ᭄ᬝᬵ᭞ᬫᬮᬵᬲᬓᬶᬂᬯᬦᬦ᭄ᬢᬭᬵ᭟
᭔᭐᭑᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬮᬶᬂᬦ᭄ᬬᬵᬫᬸᬯᬸᬲ᭄᭞ᬳᬶᬩᬸᬲᬂᬲᬸᬧ᭄ᬭᬩᬵ᭞ᬬᬦᭀᬭᬵᬬᬬᬄᬯᬶᬬᬓ᭄ᬢᬶ᭞ᬳᬾᬦᬓ᭄ᬳᬧᬺᬗᬵᬭᬶᬂᬲᬸᬦ᭄᭞ᬳᬘᬗ᭄ᬓᬶᬂᬩᬲᬳᬦ᭄ᬳᬶᬗ᭄ᬱᬸᬦ᭄᭞ᬬᬾᬦ᭄ᬳᬶᬗ᭄ᬱᬸᬦ᭄
ᬢᬸᬳᬸᬳᬦ᭄ᬤᬧᬵ᭞ᬳᬶᬗ᭄ᬱᬸᬦ᭄ᬳᬗᬮ᭄ᬧᬶᬓᬵᬳᬶᬓᬸ᭞ᬳᬗᬢᬸᬃᬳᬓ᭄ᬦᬵᬲᭂᬫ᭄ᬩᬄ᭞ᬫᬭᬶᬂᬩᬧᬵᬧᬂᬅᬃᬚᬸᬡ᭄ᬦᬵ᭟᭔᭐᭒᭞ᬧᬢ᭄ᬝᬶᬄᬫᭂᬃᬤᬸᬲ᭄ᬯᬭᬵᬧᬢ᭄ᬝᬶᬄᬲ᭄ᬭᬦ᭄ᬢᬵᬓᬾᬓᬸ᭞ᬲᬸᬭᬾᬂᬭᬡ᭄ᬦᬵ
ᬳᬶᬓᬵ᭞ᬲᬫᬵᬢᬵᬲᬶᬭᬵᬦᭂᬦᬗᬶᬲ᭄᭞ᬓᬮᬶᬗᬦᬾᬧᬸᬦᬶᬓᬸ᭞ᬩᬧᬵᬲᬂᬅᬃᬚᬸᬡ᭄ᬦᬵᬳᬶᬓᬸ᭞ᬧᬺᬲᬲᬗ᭄ᬕᬵᬲᬸᬦ᭄ᬳᬫᬂᬧᬗᬵ᭞ᬓᬶᬩᬧᬵᬅᬃᬚᬸᬡ᭄ᬦᬵᬳᬶᬓᬸ᭞ᬲᬸᬓᬵ
[᭘᭕ 85A]
ᬫᬭᬾᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵ᭞ᬳᬢᬸᬃᬲᭂᬫ᭄ᬩᬄᬭᬶᬂᬧᭂᬦ᭄ᬤᬯ᭄ᬯᬵ᭟᭔᭐᭓᭞ᬲᬂᬲᬸᬧ᭄ᬭᬩᬵᬮᬶᬂᬳᬶᬭᬵᬳᬫᬸᬯᬸᬲ᭄᭞ᬓᬭᬶᬲᬶᬭᬵᬫᬗ᭄ᬓᬾᬲᬸᬦ᭄ᬭᬶᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵᬫᬮᬶᬄ᭞ᬳᬶᬗᬸᬢᬸᬲ᭄ᬤᬾᬳ᭄ᬬ
ᬕᬸᬭᬸ᭞ᬳᬗᬸᬭᬶᬧᬵᬮᬦ᭄ᬳᬶᬗ᭄ᬱᬸᬦ᭄᭞ᬲᬂᬧᭂᬦ᭄ᬤᬯ᭄ᬯᬵᬲᬶᬅᬃᬚᬸᬡ᭄ᬦᬵ᭞ᬲᬓ᭄ᬱᬫᬵᬲᬶᬭᬵᬳᬤᬸᬮᬸᬃᬲᬶᬭᬵᬯᬯᬂᬳᬗᬢᭂᬕᬡ᭄ᬦᬵ᭞ᬲᭂᬓᬢᬳᬶᬂᬲᬓᬶᬂᬲ᭄ᬯᬃᬕ᭄ᬕᬦ᭄᭟᭔᭐᭔᭞ᬚᭂᬕ᭄ᬢᬸᬫᬸᬭᬸᬦ᭄
ᬭᬶᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵᬳᬶᬓᬸ᭞ᬲᬓ᭄ᬯᬾᬳᬶᬂᬯ᭄ᬯᭀᬂᬗᬶᬂᬚ᭄ᬭᭀᬲᬫᬵᬲᬶᬭᬵᬮᬭᬵᬳᬦᬗᬶᬲ᭄᭞ᬳᬦᬵᬳᬓᬸᬥᬸᬂᬓᬸᬤᬸᬂ᭞ᬳᬭᬸᬕ᭄ᬳᬕᬸᬕᬸᬭᬾᬂᬩᬗᬸᬦ᭄᭞ᬳᬓᬸᬓᬸᬧ᭄ᬓᬸᬓᬸᬧ᭄
ᬮᬬᭀᬦᬾ᭞ᬳᬦᬵᬳᬢᬸᬭᬸᬭᬶᬂᬚᬸᬗᬸᬢ᭄᭞ᬲᬫᬵᬲᬶᬭᬵᬤᬳᬢ᭄ᬓᭂᬮᬯᬦ᭄᭞ᬓᭂᬍᬲᭀᬦᬵᬦᬶᬜᬭᬶᬂᬍᬫᬄ᭟᭔᭐᭕᭞ᬯᬶᬤ᭄ᬬᬵᬥᬭᬶᬲᬂᬲᬸᬧ᭄ᬭᬩᬵ
Page:Bali-lontar-gaguritan-jagat-karana-300ppi.pdf/85
This page has been proofread.
