[᭘᭖ 86B]
᭞᭘᭕᭞
ᬲᬫ᭄ᬧᬸᬦ᭄᭞ᬲᬫᬵᬲᬶᬦᬶᬭᬫᬦ᭄᭞ᬢᬢᬸᬦ᭄ᬬᬵᬯᬮᬸᬬᬵᬚᬢᬶ᭞ᬲᬫᬵᬮ᭄ᬯᬶᬃᬓᬤᬶᬬᬾᬂᬤᬗᬸ᭞ᬲᬂᬧᬃᬢ᭄ᬝᬵᬳᬃᬱᬵᬳᬦ᭄ᬥᬸᬮᬸ᭞ᬪᬝᬭᬶᬲᬸᬡ᭄ᬝᬷᬳᬸᬚᬃᬭᬾ᭞ᬲᬧᬵᬓᬂᬧᭀᬢ᭄ᬭᬓᬦ᭄ᬳᬶᬗ᭄ᬱᬸᬦ᭄᭞
ᬲᬂᬲᬸᬧ᭄ᬭᬩᬵᬬᬶᬂᬦ᭄ᬬᬵᬗᬸᬘᬧ᭄᭞ᬳᬯᬭᬄᬧᬸᬢ᭄ᬭᬦ᭄ᬬᬵᬅᬃᬚᬸᬡ᭄ᬦᬵ᭟᭔᭑᭑᭞ᬚᬕᬢ᭄ᬓ᭄ᬭᬡ᭄ᬦᬵᬧᬸᬢ᭄ᬭᬦᬶᬭᬶᬗ᭄ᬱᬸᬦ᭄᭞ᬲᬶᬭᬵᬫᭂᬃᬤᬸᬲ᭄ᬯᬭᬵᬧᬸᬢ᭄ᬭᬦᬾᬥᬾᬯ᭄ᬯᬶᬰ᭄ᬭᬶᬕᬢ᭄ᬝᬶᬲᬸᬭᬦ᭄ᬳᬓᬵᬧᬸᬦᬶᬓᬸ᭞
ᬦᬕᬵᬕᬶᬦᬶᬤ᭄ᬭᬸᬯᬾᬲᬸᬦᬸ᭞ᬲᬸᬢᬦᬾᬦᬕᬵᬢᬭᬸᬦ᭄ᬬᬵ᭞ᬚᬬᬦ᭄ᬢᬓᬵᬳᬭᬶᬦ᭄ᬳᬶᬧᬸᬦ᭄᭞ᬲᬸᬭᬾᬂᬭᬡ᭄ᬦᬵᬦᬕᬵᬢ᭄ᬬᬓ᭄ᬱᬵ᭞ᬲᬫᬵᬧᬸᬢ᭄ᬭᬦᬾᬲᬶᬅᬃᬚᬸᬡ᭄ᬦᬵ᭟᭔᭑᭒᭞ᬧᬸᬲ᭄ᬧᬵ
ᬥᬡ᭄ᬝᬵᬧᬸᬲ᭄ᬧᬵᬥᬡ᭄ᬝᬶᬧᬸᬦᬶᬓᬸ᭞ᬫᬸᬮᬾᬂᬯᬦᬦ᭄ᬢᬭᬵ᭞ᬲᬂᬅᬃᬚᬸᬡ᭄ᬦᬵᬲᬶᬭᬵᬳᬗᭂᬮᬶᬂ᭞ᬲᬸᬧ᭄ᬭᬩᬵᬭᬦ᭄ᬢᬾᬦ᭄ᬳᬶᬗ᭄ᬱᬸᬦ᭄᭞ᬬᬾᬦ᭄ᬢᬸᬳᬸᬢᬵᬳᬦᬓ᭄ᬳᬶᬗ᭄ᬱᬸᬦ᭄᭞
[᭘᭗ 87A]
ᬬᬦ᭄ᬢᬦ᭄ᬳᬦᬓᬶᬧᬸᬦᬶᬓᬵ᭞ᬳᬶᬗ᭄ᬱᬸᬦ᭄ᬫᬭᬾᬂᬓᬦᬦ᭄ᬧᬸᬧᬸᬄᬲᬶᬮᬶᬄᬲᬗ᭄ᬓᬶᬗᬵᬫᬲ᭄ᬢᬓᬵ᭞ᬮᬶᬂᬳᬶᬬᬾᬥᬾᬯ᭄ᬯᬶᬲᬸᬧ᭄ᬭᬩᬵ᭟᭔᭑᭓᭞ᬬᬦ᭄ᬢᬸᬳᬸᬲᬓᬵᬳᬦᬓᬶᬭᬶᬗ᭄ᬱᬸᬦ᭄᭞ᬧᬶᬦᭂᬗᭂᬭᬦᬵᬳᬸᬕᬵ
ᬳᬢᬸᬃᬳᬶᬗ᭄ᬱᬸᬦ᭄ᬓᬓᬶᬳᬚᬶ᭞ᬲᬸᬓᬵᬲᬂᬧᬃᬢ᭄ᬝᬵᬳᬗ᭄ᬭᬸᬗᬸ᭞ᬲᬂᬧᭂᬦ᭄ᬤᬯ᭄ᬯᬵᬲᬫᬵᬳᬫᬸᬯᬸᬲ᭄᭞ᬩᬕᬾᬬᬬᬵᬯᬸᬲ᭄ᬫᬗ᭄ᬓᬦᬵ᭞ᬲᬸᬓᬵᬢ᭄ᬯᬲ᭄ᬳᬶᬗ᭄ᬱᬸᬦ᭄ᬧᬸᬦᬶᬓᬸ᭞ᬬᬾᬦ᭄ᬯᬸᬲ᭄ᬓᭂᬳᬦᬦ᭄ᬤᬾᬦᬶᬭᬵ᭞
ᬲᬸᬓᬦ᭄ᬦᬶᬭᬵᬲᬂᬧᭂᬦ᭄ᬤᬯ᭄ᬯᬵ᭟᭔᭑᭔᭞ᬳ᭄ᬦᭂᬂᬳᬓ᭄ᬯᬵᬭᬾᬳᬶᬂᬳᬦᬸᬢᬸᬃ᭞ᬦ᭄ᬤᬦ᭄ᬲᬂᬚᬕᬢ᭄ᬓ᭄ᬭᬡ᭄ᬦᬵ᭞ᬢᬸᬫᬦ᭄ᬤᬂᬮᬸᬗᬵᬗᬸᬮᬢᬶ᭞ᬲᬂᬧᬃᬢ᭄ᬝᬵᬓᬾᬄᬳᬦ᭄ᬥᬸᬮᬸᬃ᭞ᬩᬮᬦᬶᬯᬦᬦ᭄ᬢᬵᬭᬶᬓᬵ᭞ᬲᬸᬭᬾᬂ
ᬭᬡ᭄ᬦᬵ᭞ᬧᬭᭂᬂᬫᬭᬾᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵ᭟᭔᭑᭕᭞ᬧᬸᬲ᭄ᬧᬵᬥᬡ᭄ᬝᬵᬧᬸᬲ᭄ᬧᬵᬥᬡ᭄ᬝᬶᬚᬸᬕᬵᬫᬶᬮᬸ᭞ᬲᬜ᭄ᬚᬢ᭄ᬝᬵᬳᬸᬫᬭᭂᬧ᭄᭞ᬓᭂᬦ᭄ᬤᬂᬕᭀᬂᬧᬸᬦᬶᬢᬸᬫᬶᬢᬶᬃ᭞ᬤ᭄ᬯᬚᬵᬫ᭄ᬯᬂᬢᬂᬍᬮᬬᬸ᭞ᬢᭂ
Page:Bali-lontar-gaguritan-jagat-karana-300ppi.pdf/87
This page has been proofread.
