[᭑᭘ 18B]
᭑᭘
ᬢᬦᬶᬂᬪᬹᬫ᭄ᬫᬶ᭞ᬲ᭄ᬥᬦᬦᬶᬧᬸᬦ᭄᭞ᬧᬦᬸᬦ᭄ᬢᬸᬦ᭄ᬢᬢᬮᬶᬦ᭄ᬫᬦᬄ᭚ᬢᬺᬱ᭄ᬡᬵᬚᬢᬶᬭᬶᬂᬓᬯᬶᬢᬦ᭄᭞ᬓᬭᬳᬬᬸᬦᬾᬓᬳᬸᬗ᭄ᬲᬷ᭞ᬢᬶᬦᬸᬤᬸᬄᬤᬾᬲᬂᬳ᭄ᬬᬂᬢᬶᬢᬄ᭞ᬓᬾᬢᭀᬧᬳᬸᬢᬶᬸᬯᬸᬢᬶᬂᬚᬢ᭄ᬣᬶ᭞ᬲᬦᬾᬫᬸᬗ᭄ᬕᬸᬄ
ᬭᬶᬂᬗ᭄ᬳᬚᬶ᭞ᬯᬶᬤ᭄ᬥᬶᬥᬓ᭄ᬱᬶᬡ᭄ᬦᬵᬭᬦᬾᬓᬸ᭞ᬫᬗ᭄ᬓᬦᬵᬓᭀᬚᬭᬦ᭄ᬬ᭞ᬢᬶᬗ᭄ᬓᬳᬶᬂᬚᬦ᭄ᬫᬵᬫᬓᬶᬃᬢ᭄ᬢᬶ᭞ᬦᬶᬢᬶᬳᬬᬸ᭞ᬫᬗᬹᬧᬵᬓᬭᬓᬯᬶᬢᬦ᭄᭚ᬫᬗ᭄ᬤᬵᬲᬫ᭄ᬧᬸᬦ᭄ᬲᬮᬄᬧᬭᬵ᭞ᬧᬗᬶᬥᭂᬧᬾᬳᬦᬯᬸᬃ᭠
ᬰᬶᬄ᭞ᬤᬦᬵᬲ᭄ᬮᬸᬓ᭄ᬓᬯᬱ᭄ᬝᬦᬦ᭄᭞ᬢᬦ᭄ᬲᬶᬤ᭄ᬥᬵᬢᬂᬬᬚ᭄ᬜᬵᬧᬶᬦ᭄ᬭᬶᬄ᭞ᬬᬚ᭄ᬜᬵᬉᬝᬵᬓᬤᬦᬶᬦ᭄᭞ᬨᬮᬵᬢᬦᬶᬭᬳᬬᬸ᭞ᬓᬚᬭᬶᬂᬳᬚᬷᬕᬫ᭄ᬫᬵ᭞ᬯᬶᬤ᭄ᬥᬶᬥᬓ᭄ᬱᬶᬡ᭄ᬦᬵᬧᬧᬰᬶᬄ᭞ᬕᬯᬾᬳᬬᬸ᭞ᬧᬦ᭄ᬤᬤᬶᬬᬦ᭄ᬳᬶᬓ
ᬦᬂᬭᬵᬢ᭄᭚ᬓᬧᬶᬂᬓᬮᬶᬄᬫᬭᬶᬂᬓᬚᬂ᭞ᬚᬮᬭᬦ᭄ᬫᬕ᭄ᬕᬦᬶᬂᬯᬶᬰᬶᬓ᭄᭞ᬫᬓᬵᬧᬥᬸᬗᬶᬂᬧᬶᬭᬢ᭄ᬢᬵ᭞ᬭᬶᬂᬫᬃᬕ᭄ᬕᬵᬲᬗ᭄ᬳᬵᬳᬶᬦᬸᬗ᭄ᬲᬶ᭞ᬓᬯᬗ᭄ᬰᬦ᭄ᬤᬤᬶᬲ᭄ᬣᬶᬢᬷ᭞ᬓᬾᬢᭀᬲᬸᬤᬸᬓᬾᬭᬶᬂᬢᬦᬸ᭞ᬫᬲᬥᬦᬵᬤᬓ᭄ᬱᬶᬡ᭄ᬦᬵ᭞ᬧ
[᭑᭙ 19A]
ᬗᭂᬦ᭄ᬢᬲᬾᬓᬧᬶᬂᬢ᭄ᬭᬶᬡᬷ᭞ᬦᬾᬫᬫᬸᬧᬸᬢ᭄᭞ᬫᬓᬵᬲᬗᬸᬦᬶᬂᬓᬧᬢ᭄ᬬᬦ᭄᭚ᬧᬫᬸᬧᬸᬢ᭄ᬢᬶᬃᬣᬧᬗᭂᬦ᭄ᬢᬲ᭄᭞ᬫᬗᬸᬗ᭄ᬲᬷᬨᬮᬓᬃᬫ᭄ᬫᬵᬤᬶ᭞ᬫᬓᬵᬲᬗᬸᬦᬶᬂᬓᬧᬢ᭄ᬬᬦ᭄᭞ᬫᬓᬵᬩ᭄ᬓᭂᬮ᭄ᬲᬗᬸᬫᬢᬶ᭞ᬧᬺᬮᬶᬡᬵᬓᬳᬤ
ᬦᬶᬦ᭄᭞ᬧᬺᬮᬶᬡᬵᬦᬶᬂᬲᬓᬶᬂᬳᬶᬤᬸᬧ᭄᭞ᬫᬗᬸᬗ᭄ᬲᬸᬫᬃᬕ᭄ᬕᬦᬾᬧ᭄ᬚᬄ᭞ᬬᬦ᭄ᬤᬶᬚᬵᬕ᭄ᬦᬳᬶᬂᬫᬢᬶ᭞ᬓᬗ᭄ᬕᬾᬲᬗᬹ᭞ᬓᬾᬢᭀᬓᭀᬘᬧ᭄ᬢᬸᬢᬸᬭᬦ᭄ᬬᬦ᭄᭚ᬧᬸᬦᬶᬓᬵᬦᬾᬲ᭄ᬤᭂᬂᬩ᭄ᬯᬢᬂ᭞ᬫᬃᬕ᭄ᬕᬵᬢᬶᬕᬦᬾᬮᬫ᭄ᬧᬳᬶᬦ᭄
᭞ᬢ᭄ᬭᬶᬮᬶᬗ᭄ᬕᬵᬫᬃᬕ᭄ᬕᬵᬓᬧᬢ᭄ᬬᬦ᭄᭞ᬓᬳᬸᬧ᭄ᬢᬶᬤᬾᬲᬂᬗᬚᬶ᭞ᬫᬓᬵᬧᬦᬸᬓᬸᬦᬶᬂᬤᬤᬶ᭞ᬥᬓ᭄ᬱᬡ᭄ᬦᬵᬫᬓᬵᬲᬲᬸᬕᬸᬄ᭞ᬲᬸᬕᬸᬄᬢ᭄ᬧᭂᬦᬶᬂᬫᬦᬄ᭞ᬦᬶᬱ᭄ᬝᬵᬫᬥ᭄ᬬᬵᬦᬶᬂᬦᬯᬸᬃᬰᬶᬄ᭞ᬳᬧᬂᬦᬸᬮᬸᬲ᭄᭞ᬢᬶᬗ᭄ᬓᬄᬲᬢ᭄ᬬᬭᬶᬂ
ᬓᬯᬶᬢᬦ᭄᭚ᬬᬦᬶᬂᬓᬮᬵᬧᬗ᭄ᬭᭀᬭᬲᬦ᭄᭞ᬢᬸᬗ᭄ᬕᬮ᭄ᬭᬸᬭᬸᬗᬾᬳᬶᬦᬸᬗ᭄ᬲᬷ᭞ᬲᬫ᭄ᬧᬸᬦ᭄ᬮᬶᬦ᭄ᬢᬂᬫᬃᬕ᭄ᬕᬢᬶᬕᬵ᭞ᬢ᭄ᬯᬄᬲᬯᬶᬬᬶᬓᬭᬶᬩ᭄ᬯᬢᬶᬦ᭄᭞ᬕ᭄ᬦᬄᬦᬫᬦᬶᬂᬤᬤᬶ᭞ᬦᬶᬃᬫ᭄ᬫᬮᬵᬘᬶᬦ᭄ᬢ᭄ᬬᬵᬦᬾᬳᬸᬚᬸᬢ᭄᭞ᬮᬶᬗ᭄ᬕᬶᬄᬳ᭄ᬬᬂ
Page:Bali-lontar-gaguritan-janmaprawreti-02-300ppi.pdf/19
This page has been proofread.
