[᭑ 1B]
᭚᭜᭚ᬅᬯᬶᬖ᭄ᬦᬵᬫᬲ᭄ᬢᬸ᭚᭜᭚ᬲᬶᬦᭀᬫ᭄ᬳᬗ᭄ᬕᬾᬫᬗᬯᬶᬢᬂ᭞ᬢᬶᬗ᭄ᬓᬳᬶᬂᬚᬦ᭄ᬫᬵᬧ᭄ᬭᬯᬺᬢᬶ᭞ᬢᬸᬫᬸᬯᬸᬄᬭᬶᬂᬫᬥ᭄ᬬᬵᬧᬤ᭄ᬥᬵ᭞ᬦᬵᬦ᭄ᬤᬂᬕᬫ᭄ᬫᬵᬰᬶᬯ᭄ᬯᬵᬩᭀᬤ᭄ᬥᬶ᭞ᬧᬸᬦᬶᬓᬵᬓᬧ᭄ᬮᬚᬳᬶᬦ᭄᭞ᬢᬶᬗ᭄ᬓᬳᬶᬂᬚᬦ᭄ᬫᬵ
ᬢᬸᬫᬸᬯᬸᬄ᭞ᬧᬂᬲᬫ᭄ᬧᬸᬦ᭄ᬫᬸᬭᬂᬮᬫ᭄ᬧᬄ᭞ᬫᬰᬶᬄᬳᬸᬗ᭄ᬕᬸᬳᬂᬤᬶᬕᬸᬭᬶᬢ᭄᭞ᬳᬗ᭄ᬕᬾᬢᬸᬢᬸᬭ᭄᭞ᬦᬸᬢᬸᬭᬶᬦ᭄ᬫᬦᬄᬓᬢᬸᬦᬦ᭄᭚ᬦᬾᬳᬤᬵᬢᬸᬢᬸᬭᬦ᭄ᬲᬢ᭄ᬯᬵ᭞ᬫᬸᬗ᭄ᬕᬸᬄᬭᬶᬂᬮᬶᬂᬲᬂᬳ᭄ᬬᬂᬳᬚᬷ᭞ᬢᬶᬗ᭄ᬓᬳᬶᬂᬫᬦ᭄ᬤᬤᬶ
ᬚᬦ᭄ᬫᬵ᭞ᬢᬯᬵᬩ᭄ᬭᬢᬦᬾᬮᬫ᭄ᬧᬳᬶᬦ᭄᭞ᬢ᭄ᬭᬷᬓᬬᬦᬾᬫᬗ᭄ᬤᬵᬩ᭄ᬘᬶᬓ᭄᭞ᬳᬗ᭄ᬕᬾᬢᬸᬗ᭄ᬕᬸᬮ᭄ᬧᬢᬶᬳᬶᬤᬸᬧ᭄᭞ᬫᬗ᭄ᬤᬵᬲᬫ᭄ᬧᬸᬦ᭄ᬓᬢᬦ᭄ᬤ᭄ᬭᬸᬳᬦ᭄᭞ᬢ᭄ᬓᬾᬦᬶᬂᬭᬕ᭄ᬕᬵᬤᬸᬫᬤ᭄ᬥᬶ᭞ᬧᬢᬹᬢ᭄ᬕᬶᬦᬸᬂ᭞ᬳᬗ᭄ᬕᬾᬲᬗᬸᬦ᭄ᬧ
ᬳᬶᬥᭂᬧᬦ᭄᭚ᬢᭀᬜᬦ᭄ᬤᬂᬦᬾᬧᬢᬸᬢ᭄ᬢᬸᬮᬤ᭄᭞ᬭᬶᬜ᭄ᬘᬶᬬᬂᬤᬶᬳᬢᬶᬲᬳᬶ᭞ᬳᬗ᭄ᬕᬾᬫᬶᬢᬸᬢᬸᬭᬶᬦ᭄ᬤᬯᬓ᭄᭞ᬫᬗᭂᬋᬢ᭄ᬫᬦᬳᬾᬯᬾᬰ᭄ᬘᬶᬫ᭄ᬢᭀᬩ᭄ᬯᬢᬕ᭄ᬲᬳᬶᬕᬸᬮᬶᬓ᭄᭞ᬳᬗ᭄ᬕᭀᬗᬩᬶᬄᬭᬕ᭄ᬕᬵᬢᬦ᭄ᬤ᭄ᬭᬸᬄ᭞[damage]
[᭒ 2A]
ᬭᬶᬂᬓᬯᬗᬦ᭄᭞ᬤᬶᬳᬯᬓ᭄ᬫᬮᬶᬗ᭄ᬕᬵᬲᬫᬶ᭞ᬤᬤᬶᬢᬦ᭄ᬤ᭄ᬭᬸᬄ᭞ᬓᬤᬾᬦᬂᬤᬶᬚᬵᬫᬕ᭄ᬦᬄ᭚ᬳᬧᬦ᭄ᬧᬦᬶᬢᬳᬶᬂᬲᬂᬳ᭄ᬬᬂ᭞ᬳᬶᬤᬵᬳᬦᬾᬫᬗᬃᬤ᭄ᬥᬶᬦᬶᬦ᭄᭞ᬢᬶᬗ᭄ᬓᬳᬶᬂᬳᬦ᭄ᬥᬵᬪᬹᬯᬡ[damage]
ᬯᬾᬦᬶᬦ᭄᭞ᬫᬗᬾᬓᬵᬤᬕᬶᬂᬪᬹᬫᬶ᭞ᬲᬦᬾᬫᬸᬗ᭄ᬕᬸᬄᬫᬸᬗ᭄ᬕ᭄ᬯᬶᬂᬢᬸᬢᬸᬃ᭞ᬲᬤᬸᬭᬸᬂᬳᬤᬵᬚᬕᬢ᭄᭞ᬓᬭᬶᬲᬸᬯᬸᬂᬲᬸᬦ᭄ᬬᬵᬚᬢᬶ᭞ᬤᬤᬶᬯ᭄ᬢᬸ᭞ᬯᬶᬡ᭄ᬥᬸᬧᬗᬾᬓᬦᬶᬂᬚᬕᬢ᭄᭚ᬳᬦᬵᬦᭀᬭᬓᬯᬱ᭄ᬝᬦᬶᬦ᭄᭞
ᬦᬾᬗᬯ᭄ᬢᬸᬯᬂᬭᬶᬂᬪᬹᬫᬶ᭞ᬲᬗ᭄ᬓᬦᬶᬂᬳᬦᬵᬫᬦᬹᬱᬵ᭞ᬤᬾᬯ᭄ᬯᬵᬪᬹᬝᬵᬓᬮᬵᬲᬫᬶ᭞ᬤᬦᬯ᭄ᬯᬵᬯᬶᬤ᭄ᬬᬤᬭᬶ᭞ᬭᬓ᭄ᬱᬲᬵᬓᬶᬦᬭᬵᬢᬸᬫᬸᬢ᭄᭞ᬫᬶᬯᬄᬲᬳᬶᬲᬶᬜ᭄ᬚᬕᬢ᭄᭞ᬲᬓᬸᬫᬗ᭄ᬓᬂᬲᬓᬸᬫᬶᬗ᭄ᬓᬶᬂ᭞
ᬓᭀᬘᬧ᭄ᬳᬶᬓᬸ᭞ᬲᬂᬳ᭄ᬬᬂᬲᬸᬦ᭄ᬬᬵᬗᬯ᭄ᬢᬸᬯᬂ᭚ᬧᬜ᭄ᬘᬫᬳᬵᬪᬹᬝᬵᬗᬭᬦ᭄᭞ᬫ᭄ᬧᬸᬲᬢᬾᬳᬦᬵᬭᬶᬂᬪᬹᬫᬶ᭞ᬢᬶᬦᬶᬭᬸᬭᬶᬂᬧᬳᬶᬦ᭄ᬤᬶᬓᬦ᭄᭞ᬓᬗ᭄ᬕᭀᬧᬢᭀᬓᬦᬶᬂᬳᬚᬶ᭞ᬓᬢᬶᬭᬸᬓᬬᬂᬚᬦᬶ᭞
Page:Bali-lontar-gaguritan-janmaprawreti-02-300ppi.pdf/2
This page has been proofread.
