[᭑᭕ 15B]
᭑᭕
ᬫ᭄ᬫᬵᬓᬯᬶᬢᬦ᭄᭚᭜᭚ᬥᬹᬃ᭚᭜᭚ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬩᬩᬦ᭄ᬢᭂᬦ᭄ᬫᬮᬶᬄᬳᬸᬘᬧᬂ᭞ᬧᬶᬦᬶᬄᬉᬢᬫ᭄ᬫᬵᬲᬸᬘ᭄ᬙᬶ᭞ᬲᬢ᭄ᬲᬢ᭄ᬯᬶᬤ᭄ᬥᬶᬯᬬᬵ᭞ᬳᬦ᭄ᬢᬸᬓ᭄ᬜᬢ᭄ᬫᬓᬬᬂ᭞ᬫᬦᬫ᭄ᬧᬶᬭᬶᬂᬮᬶᬂᬦᬶᬂᬳᬚ᭄ᬚᬶ᭞ᬢᬦ᭄ᬳᬦᬵᬩᬦ᭄ᬢᭂᬦ᭄᭞ᬢᬦ᭄ᬳᬦᬵᬧᬸ
ᬚ᭄ᬚᬵᬯ᭄ᬬᬓ᭄ᬢᬶ᭟ᬲᬧᬸᬦᬶᬓᬶᬓᬢ᭄ᬭᬗᬦ᭄ᬲᬸᬘ᭄ᬙᬶᬉᬢᬫ᭄ᬫᬵ᭞ᬢᬸᬫ᭄ᬩᬬ᭄ᬳᭂᬫ᭄ᬧᬢᬾᬯ᭄ᬬᬓ᭄ᬢᬶ᭞ᬲᬋᬱ᭄ᬯᬢ᭄ᬣᬶᬫᬸᬓ᭄ᬢ᭄ᬬᬵ᭞ᬚᬚᬤᬳᬃᬕᬸᬭᬸᬲᬫ᭄ᬯᬦ᭄᭞ᬧᬶᬲᬂᬢᭂᬫ᭄ᬩᬂᬧᬶᬲᬂᬰᬶᬄ᭞ᬲᬸᬓ᭄ᬮᬵᬧᬯᬶᬢᬻ᭞ᬮᬮᬫ᭄ᬧᬥᬦ᭄ᬮᬶᬗ᭄ᬕᬵᬫᬮᬶᬄ᭟ᬘᬢᬹᬃᬧᬫᬸᬓ᭄ᬢ᭄ᬬᬦ᭄ᬯᬾ
ᬥ᭄ᬬᬧᬧᬾᬦ᭄ᬤᬾᬢᬦ᭄᭞ᬧ᭄ᬭᬗ᭄ᬓᬢᬦ᭄ᬫᬓᬤ᭄ᬥᬶ᭞ᬫᬶᬯᬄᬓ᭄ᬭᬶᬢᬸᬭᬫᬲ᭄᭞ᬲᬋᬂᬲ᭄ᬓᬃᬲᬶᬢᬫᬦ᭄᭞ᬘᬦᬂᬢᬸᬩᬸᬓᬦ᭄ᬢᬦ᭄ᬫᬭᬶ᭞ᬫ᭄ᬯᬂᬧᬜ᭄ᬘᬧᬮᬵ᭞ᬫᬶᬯᬄᬥᬸᬫ᭄ᬫᬵᬍᬗᬵᬯᬗᬶ᭟ᬮᬮᬫ᭄ᬧᬤᬦ᭄ᬧ᭄ᬦᭂᬓ᭄ᬧ᭄ᬭᬲ᭄ᬧᬜ᭄ᬘᬧᬮᬵ᭞ᬤᬓ᭄ᬱᬶᬦᬦᬾᬢᬦ᭄ᬫ
ᬭᬶ᭞ᬫᬓᬵᬮᬯᬦ᭄ᬧᬥ᭄ᬫᬵ᭞ᬲᬋᬰ᭄ᬯᬢ᭄ᬢᬶᬭᬶᬂᬢ᭄ᬗᬄ᭞ᬫᬓᬵᬢᬸᬂᬢᬸᬂᬮᬯᬵᬲᬫᬶ᭞ᬲᬤᭀᬲ᭄ᬫᬭᬕ᭄ᬕᬵ᭞ᬲᬂᬳ᭄ᬬᬂᬧᬺᬡᬯ᭄ᬯᬵᬰᬫᬺᬢ᭄ᬣᬶ᭟ᬲᬧᬸᬦᬶᬓᬵᬓᬢ᭄ᬭᬗᬦ᭄ᬲᬸᬘ᭄ᬙᬶᬉᬢᬫ᭄ᬫᬵ᭞ᬢᭀᬳᬯᬦᬦ᭄ᬲᬋᬂᬲᬫ᭄ᬫᬶ᭞ᬲᬦᬾᬲᬫ᭄ᬧᬸᬦ᭄ᬢᬢᬲ᭄᭞ᬳᬸ᭠
[᭑᭖ 16A]
᭑᭖
ᬦᬶᬂᬭᬶᬂᬧᬳᬶᬦ᭄ᬤᬶᬓᬦ᭄᭞ᬢᬦ᭄ᬮᬾᬫ᭄ᬧᬲ᭄ᬫᬓᬃᬬ᭄ᬬᬵᬲᬸᬘ᭄ᬙᬶ᭞ᬯᬶᬭᬾᬄᬉᬢᬫ᭄ᬫᬵ᭞ᬓᬢᬸᬭᬶᬂᬳᬶᬤ᭄ᬥᬵᬳ᭄ᬬᬂᬯᬶᬤ᭄ᬥᬶ᭟᭠ᬲᬧᬸᬦᬶᬓᬵᬢᬶᬗ᭄ᬓᬄᬳᬦᬓᬾᬫᬢᬸᬭᬦ᭄᭞ᬫᬗ᭄ᬲᬸᬤ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬤᬓ᭄ᬱᬶᬡ᭄ᬦᬵᬫᬶᬯᬄᬧ᭄ᬭᬲ᭄᭞ᬧ᭄ᬭᬲᬾᬫᬸᬧᬸᬢᬂᬓᬃ
ᬬ᭄ᬬᬵ᭞ᬲᬶᬤᬬᬂᬓᬃᬬ᭄ᬬᬦᬾᬲᬫ᭄ᬫᬶ᭞ᬤᬓ᭄ᬱᬶᬡ᭄ᬦᬵᬓᭀᬘᬧ᭄᭞ᬧᬶᬦᬓᬵᬧᬰᬕᬶᬰᬕ᭄ᬕᬶ᭟ᬲᬶᬂᬓᬸᬭᬗᬦ᭄ᬩᬘᬓᬦ᭄ᬩᬦ᭄ᬢᭂᬦ᭄ᬧᬸᬦᬶᬓᬵ᭞ᬤᬓ᭄ᬱᬶᬡ᭄ᬦᬦᬾᬫᬗᭂᬦ᭄ᬢᬸᬕᬶᬦ᭄᭞ᬫᬶᬯᬄᬩ᭄ᬭᬲ᭄ᬤᬰᬬᬦ᭄᭞ᬓᬯᬸᬘᬧ᭄ᬮᬶᬂᬦᬶᬂᬲᬲ᭄ᬢ᭄ᬭᬵ᭞ᬳᬯᬶᬦᬦ᭄ᬢᬸᬓ
ᬗᬾᬲᬫ᭄ᬫᬶ᭞ᬫᬸᬯᬢᬂᬧᬶᬲᬦ᭄᭞ᬫᬓᬃᬬ᭄ᬬᬵᬧᬲᬕᬶᬲᬕ᭄ᬕᬶ᭟ᬢᬸᬃᬓᬩᬸᬓ᭄ᬢᬶᬳᬦ᭄ᬢᬸᬓ᭄ᬳᬶᬤ᭄ᬥᬵᬲᬂᬳ᭄ᬬᬂᬲ᭄ᬭᬸᬢ᭄ᬬᬵ᭞ᬘᬢᬸᬃᬫ᭠ᬫᬸᬓ᭄ᬢ᭄ᬬᬦ᭄ᬫᬮᬶᬄ᭞ᬓᬪᬸᬓ᭄ᬢ᭄ᬬᬦᬶᬂᬲᬂᬳ᭄ᬬᬂ᭞ᬳ᭄ᬬᬂᬩ᭄ᬭᬳ᭄ᬫᬵᬮᬦ᭄ᬳᬶᬲ᭄ᬢ᭄ᬭᬶᬜᬵ᭞ᬯᬶᬱ᭄ᬡᬸᬭᬸᬤᬺᬇᬰ᭄ᬯᬭ᭄ᬲᬵᬤ᭄ᬥᬶ᭞ᬭᬯᬶᬂᬳᬶᬲ᭄ᬢ᭄ᬭᬶᬜᬵ᭞ᬓᭀᬘ
ᬧ᭄ᬭᬶᬂᬧᬹᬃᬯ᭄ᬯᬓᬵᬤ᭄ᬥᬶ᭟ᬲᬧᬸᬦᬶᬓᬵᬳᬯᬦᬦ᭄ᬢᬦ᭄ᬤᬤᭀᬲ᭄ᬩ᭄ᬮᬲ᭄᭞ᬳᬶᬰ᭄ᬭᬸᬢ᭄ᬢᬶᬫ᭄ᬯᬂᬲᬫᬺᬢ᭄ᬢᬶ᭞ᬢᬸᬗ᭄ᬕᬶᬮ᭄ᬧᬯᭂᬢ᭄ᬯᬦ᭄ᬜᬵ᭞ᬲᬫᬶᬫᬳᬵᬉᬢᬫ᭄ᬫᬵ᭞ᬲᬸᬘ᭄ᬙᬶᬫᬫᬸᬧᬸᬢᬂᬲᬫ᭄ᬫᬶ᭞ᬬᬤᬶᬦ᭄ᬧᬫᬸᬓ᭄ᬢ᭄ᬬᬦ᭄᭞ᬫᬶᬯᬄᬧᬗᬗ᭄ᬕᬾᬲᬫ᭄ᬫᬶ᭟ᬥᬤᬶᬦ᭄ᬩᬦ᭄ᬢᭂᬦ᭄ᬳ᭠
Page:Bali-lontar-gaguritan-janmaprawreti-03-300ppi.pdf/16
This page has been proofread.
