[᭑᭖ 16B]
᭑᭖
ᬓ᭞ᬦᬄᬓᭂᬫᬲᬸᬩᬫᬸᬮᬶᬄ᭚ᬳᬶᬬᬳᬶᬓᭂᬢᬸᬢ᭄ᬧᬚᬮᬦᬾᬓᬫ᭄ᬩᬂᬓᬸᬫ᭄ᬩᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬢᭀ᭠ᬫ᭄ᬧᭂᬮᭀᬓ᭄ᬫᬦᬶᬲ᭄᭞ᬢᬦ᭄ᬓᭀᬘᬧᬦ᭄ᬲᬸᬩᬮᬢ᭄ᬭᬶᬬ᭞ᬳᬶᬓᭂᬢᬸᬢ᭄ᬩᬗᬸᬦ᭄ᬳᬦᬶᬤ᭄ᬭ᭞ᬧᭂᬮᬶᬫᬸᬦᬦ᭄ᬳᬶᬬᬗᭂᬦ᭄ᬤᬸᬲᬶ᭠
ᬦ᭄᭞ᬧᬭᬬᬦ᭄ᬜᬮᬸᬯᬲ᭄᭞ᬫᬗᬤᬸᬪᬬᬦᬾᬩ᭄ᬯᬶᬦ᭄᭚ᬧᬮᬶᬫᬸᬦᬦ᭄ᬮᬯᬸᬢ᭄ᬦᬯᬸᬲ᭄ᬳᬶᬬᬫᬚᬮ᭠ᬦ᭄᭞ᬫᬗᬸᬗ᭄ᬲᬶᬓᬲᬾᬮᬬᬸᬓ᭄ᬢᬶ᭞ᬓᭀᬘᬧ᭄ᬳᬶᬤᬾᬯᬋᬲ᭄ᬬ᭞ᬯᬯᬸᬯᬸᬲ᭄ᬫᬧᬸᬚ᭞ᬳᬶᬓᭂᬢᬸᬢ᭄ᬳᬶᬬᬢᭂᬓᬦᬗ᭄ᬓᬶᬮ᭄᭞
ᬤᬾᬯᬋᬱᬶᬗᬦ᭄ᬤᬶᬓ᭞ᬓᭂᬢᬸᬢ᭄ᬩᬗᬸᬦ᭄ᬳᬦ᭄ᬢᭂᬂᬫᬳᬶ᭚ᬳᬧᬳᬤᬩ᭄ᬯᬶᬦ᭄ᬧᬘᬂᬳᬸᬦᬶᬗᬂ᭞ᬮᬯᬸᬢᬂᬘᭂᬭᬶᬢᬬᬂᬚᬦᬶ᭞ᬇᬓᭂᬢᬸᬢ᭄ᬫᬢᬹᬃᬗᬲᬩ᭄᭞ᬳᬶᬩᬶᬲᭀᬭᬾᬢᬾᬢ᭄ᬬᬂᬦᬶᬤᭂᬭ᭞ᬫᬮᬶᬄᬭᬢᬸᬢᬶᬢ᭄ᬬᬂ
[᭑᭗ 17A]
ᬗᬶᬧᬶ᭞ᬤᬾᬯᬋᬱᬶᬳᬶᬘ᭞ᬓᬾᬦ᭄ᬓᬾᬦ᭄ᬓᬾᬳᬶᬧ᭄ᬬᬦ᭄ᬘᬳᬶ᭚ᬭᬢᬸᬳᬕᬸᬂᬧᭂᬭᬦ᭄ᬤᬋᬱᬶᬲᬸᬲᬸᬳᬸᬦᬦ᭄᭞ᬳᬶᬧ᭄ᬬᬦ᭄ᬢᬶᬢ᭄ᬬᬂᬲᬧᬸᬦᬶᬓᬶ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬗᬸᬦᬶᬗᬂ᭞ᬢᬶᬢ᭄ᬬᬂᬗᬶᬧᬶᬗᬦ᭄ᬢᬾᬦᬂ᭞ᬳᬶᬤᬦᬶᬤᬾᬲᬓ᭄ᬫᬦᬶᬓ᭄᭞ᬳᬶᬗ᭄ᬕᬶᬄᬧᬶᬘᬬᬂ᭞ᬭᬾᬄ
ᬳᬶᬧ᭄ᬬᬦ᭄ᬫᬭᬕᬯᬶᬥᬶ᭚ᬭᬾᬄᬳᬶᬭᬢᬸᬫᬭᬕᬮᬶᬗ᭄ᬲᬶᬃᬧᬕᭂᬄᬧᬶᬲᬦ᭄᭞ᬢ᭄ᬯᬭᬧᬸᬭᬸᬦ᭄ᬫᬦᬸᬗ᭄ᬓᬲᬶᬦ᭄᭞ᬳᬶᬧ᭄ᬬᬦ᭄ᬫ᭠ᬳᬸᬢᬫ᭞ᬕᭂᬮᬶᬲᬂᬭᬢᬸᬧᬶᬘᬬᬂᬳᬶᬤᬳᬶᬤᬾᬲᬓ᭄ᬫᬦᬶᬓ᭄᭞ᬤᬾᬯᬋᬱᬶᬜᬗᭀᬗᬓ᭄᭞ᬢᭀᬓ᭄ᬦᬩᬳᬦ᭄ᬜᬯᬸ
ᬭᬶᬦ᭄᭚ᬳᬶᬬᬳᬶᬓᭂᬢᬸᬢ᭄ᬫᬢᬹᬃᬩ᭄ᬯᬶᬦ᭄ᬦᬸᬕᭂᬲᬂ᭞ᬗᬸᬤᬫᭂᬦᭂᬂᬤᭀᬂᬲᬯᬸᬭᬶᬦ᭄᭞ᬓᬳ᭄ᬬᬸᬦᬾᬚᬦᬶᬲᬫᬬᬂ᭞ᬕᭂᬮᬶᬲᬂᬭᬢᬸᬕᭂᬮᬶᬲᬂ᭞ᬳᬶᬤᬾᬯᬋᬱᬶᬜᬯᬸᬭᬶᬦ᭄᭞ᬜᬸᬄᬘᬳᬶᬦᬾᬚ᭄ᬯᬂ᭞ᬳᬶᬘᬂᬗᬸᬮ᭄ᬬᬂᬫᬍᬩᬶᬳᬶᬦ᭄᭚
Page:Bali-lontar-gaguritan-ketut-bangun-300ppi.pdf/17
This page has been proofread.
